KwabaseFiliphi 1

1 UPawuli loTimothi, izinceku zikaJesu Kristu, kubo bonke abangcwele kuKristu Jesu abaseFiliphi, kanye lababonisi labadikoni:

Paul and Timotheus, the servants of Jesus Christ, to all the saints in Christ Jesus which are at Philippi, with the bishops and deacons:

2 Umusa kawube kini lokuthula okuvela kuNkulunkulu uBaba wethu leNkosini uJesu Kristu.

Grace be unto you, and peace, from God our Father, and from the Lord Jesus Christ.

3 Ngiyambonga uNkulunkulu wami ekulikhumbuleni konke,

I thank my God upon every remembrance of you,

4 ngezikhathi zonke kuwo wonke umkhuleko wami ngani lonke ngincenga ngentokozo,

Always in every prayer of mine for you all making request with joy,

5 ngokuhlanganyela kwenu evangelini, kusukela osukwini lokuqala kuze kube khathesi;

For your fellowship in the gospel from the first day until now;

6 ngilethemba lakhona lokhu, ukuthi owaqalisa umsebenzi omuhle kini uzawuphelelisa kuze kube sosukwini lukaJesu Kristu;

Being confident of this very thing, that he which has begun a good work in you will perform it until the day of Jesus Christ:

7 njengoba kulungile kimi ukuthi ngikhumbule lokhu ngani lonke, ngoba ngilani enhliziyweni, ukuthi lekubotshweni kwami, lekuvikeleni lekuqiniseleni ivangeli, lina lonke lingabahlanganyeli bomusa wami.

Even as it is meet for me to think this of you all, because I have you in my heart; inasmuch as both in my bonds, and in the defence and confirmation of the gospel, all of you all are partakers of my grace.

8 Ngoba uNkulunkulu ungumfakazi wami, wokuthi ngililangatha kangakanani lonke emibilini kaJesu Kristu.

For God is my record, how greatly I long after you all in the bowels of Jesus Christ.

9 Njalo ngikhuleka lokhu, ukuthi uthando lwenu luvame-ke lusanda ngokwanda elwazini lekuqedisiseni konke,

And this I pray, that your love (agape) may abound yet more and more in knowledge and in all judgment;

10 ukuze lizivume izinto ezinhle kakhulu, ukuze lihlambuluke lingasoleki kuze kube sosukwini lukaKristu,

That all of you may approve things that are excellent; that all of you may be sincere and without offence till the day of Christ.

11 ligcwaliswe ngezithelo zokulunga ezingoJesu Kristu, ebukhosini lodumo lukaNkulunkulu.

Being filled with the fruits of righteousness, which are by Jesus Christ, unto the glory and praise of God.

12 Kodwa ngithanda ukuthi lazi, bazalwane, ukuthi izinto ezangehlelayo zenza kakhulu ukuqhutshelwa phambili kwevangeli;

But I would all of you should understand, brethren, that the things which happened unto me have fallen out rather unto the furtherance of the gospel;

13 zize izibopho zami kuKristu zibonakale esigodlweni sonke lakwabanye bonke,

So that my bonds in Christ are manifest in all the palace, and in all other places;

14 labazalwane abanengi eNkosini, beqiniswe ngezibopho zami, sebelesibindi esikhulu sokukhuluma ilizwi ngokungesabi.

And many of the brethren in the Lord, waxing confident by my bonds, are much more bold to speak the word (logos) without fear.

15 Abanye kambe batshumayela uKristu ngomona langombango, labanye kambe ngenhliziyo enhle;

Some indeed preach Christ even of envy and strife; and some also of good will:

16 laba batshumayela uKristu ngokuphikisana, bengelaqiniso, besithi baletha ukuhlupheka ekubotshweni kwami;

The one preach Christ of contention, not sincerely, supposing to add affliction to my bonds:

17 kodwa labo ngothando, besazi ukuthi ngimiselwe ukuvikela ivangeli.

But the other of love, (agape) knowing that I am set for the defence of the gospel.

18 Kuyini pho? Loba kunjalo kuyo yonke indlela, loba ekuzenziseni, kumbe eqinisweni, uKristu uyatshunyayelwa; kulokhu-ke ngiyathokoza, yebo ngizathokoza futhi.

What then? notwithstanding, every way, whether in pretence, or in truth, Christ is preached; and I therein do rejoice, yea, and will rejoice.

19 Ngoba ngiyazi ukuthi lokhu kuzaphendukela kimi esindisweni ngomkhuleko wenu, langokwelekelela kukaMoya kaJesu Kristu,

For I know that this shall turn to my salvation through your prayer, and the supply of the Spirit (pneuma) of Jesus Christ,

20 njengokulindela okukhulu lethemba lami, ukuthi kangiyikuyangiswa ngalutho, kodwa ngesibindi sonke, njengesikhathi sonke, lakhathesi uKristu uzakhuliswa emzimbeni wami, loba ngempilo, kumbe ngokufa.

According to my earn expectation and my hope, that in nothing I shall be ashamed, but that with all boldness, as always, so now also Christ shall be magnified in my body, whether it be by life, or by death.

21 Ngoba kimi ukuphila kunguKristu, lokufa kuyinzuzo.

In order to me to live is Christ, and to die is gain.

22 Kodwa uba ukuphila enyameni kuyisithelo somsebenzi kimi, lengizakukhetha kangikwazi.

But if I live in the flesh, this is the fruit of my labour: yet what I shall choose I know not.

23 Ngoba ngiminyezelwe ngokubili; ngilesifiso sokusuka lokuba loKristu, okungcono kakhulukazi;

For I am in a strait between two, having a desire to depart, and to be with Christ; which is far better:

24 kodwa ukuhlala enyameni kuyasweleka kakhulu ngenxa yenu.

Nevertheless to abide in the flesh is more necessary for you.

25 Njalo ngilalelithemba ngiyazi ukuthi ngizakuba khona, ngihlale lani lonke, ekuqhubekeni kwenu lentokozweni yokholo,

And having this confidence, I know that I shall abide and continue with you all for your furtherance and joy of faith;

26 ukuze ukuzincoma kwenu ngami kwengezwe kuKristu Jesu kimi, ngobukhona bami kini futhi.

That your rejoicing may be more abundant in Jesus Christ for me by my coming to you again.

27 Kuphela hambani ngokufanele ivangeli likaKristu, kuze kuthi, loba ngifika ngilibona, loba ngingekho, ngizwe indaba zenu, zokuthi limi emoyeni munye, ngangqondonye lilwela ukholo lwevangeli ndawonye,

Only let your conversation be as it becomes the gospel of Christ: that whether I come and see you, or else be absent, I may hear of your affairs, that all of you stand fast in one spirit, (pneuma) with one mind striving together for the faith of the gospel;

28 njalo lingethuswa ngalutho ngabaphikisayo; okuyisibonakaliso kubo sokubhubha, kodwa kini esosindiso, njalo lokhu kuvela kuNkulunkulu;

And in nothing terrified by your adversaries: which is to them an evident token of perdition, but to you of salvation, and that of God.

29 ngoba lanikwa ngesihle esikhundleni sikaKristu, kungeyisikho ukukholwa kuye kuphela, kodwa lokumhluphekela;

For unto you it is given in the behalf of Christ, not only to believe on him, but also to suffer for his sake;

30 lilokulwa okufananayo njengalokho elakubona kimi, lelikuzwa kimi khathesi.

Having the same conflict which all of you saw in me, and now hear to be in me.