ULukha 17

1 Wasesithi kubafundi: Kakungeke kwenzeke ukuthi kungaveli izikhubekiso; kodwa maye kulowo ezivela ngaye!

And he said to his disciples, It is necessary for causes of trouble to come about, but unhappy is he by whom they come.

2 Kungaba ngcono kuye ukuthi ilitshe lokuchola elikhulu ligaxwe entanyeni yakhe, abesephoselwa olwandle, kulokuthi akhubekise abe munye kulaba abancinyane.

It would be well for him if a great stone was put round his neck and he was dropped into the sea, before he made trouble for any of these little ones.

3 Zinanzeleleni lina. Njalo nxa umfowenu ekona, mkhuze; futhi nxa ephenduka, mthethelele.

Give attention to yourselves: if your brother does wrong, say a sharp word to him; and if he has sorrow for his sin, let him have forgiveness.

4 Njalo loba ekona kuze kube kasikhombisa ngosuku, abesebuya kuwe kasikhombisa ngosuku, esithi: Ngiyaphenduka; uzamthethelela.

And if he does you wrong seven times in a day, and seven times comes to you and says, I have regret for what I have done; let him have forgiveness.

5 Abaphostoli basebesithi eNkosini: Yandisa kithi ukholo.

And the twelve said to the Lord, Make our faith greater.

6 INkosi yasisithi: Uba lilokholo olungangohlamvu lwemasitedi, belingatsho kulesisihlahla somabhulosi ukuthi: Quphuka, ugxumekeke olwandle; futhi besizalilalela.

And the Lord said, If your faith was only as great as a grain of mustard seed, you might say to this tree, Be rooted up and planted in the sea; and it would be done.

7 Kodwa nguwuphi kini olenceku elimayo kumbe eyelusayo, ohle athi kiyo ingena ivela ensimini: Sondela, uhlale ekudleni?

But which of you, having a servant who is ploughing or keeping sheep, will say to him, when he comes in from the field, Come now and be seated and have a meal,

8 Kodwa kazukutsho yini kuyo ukuthi: Lungisa engingakudla, uzibhince ungincedise, ngize ngidle nginathe; njalo emva kwalokhu udle unathe wena?

Will he not say, Get a meal for me, and make yourself ready and see to my needs till I have had my food and drink; and after that you may have yours?

9 Uyayibonga yini leyonceku, ngoba yenze izinto ezilayiweyo? Angicabangi.

Does he give praise to the servant because he did what was ordered?

10 Kunjalo-ke lani, nxa selikwenzile konke elikulayiweyo, kalibokuthi: Sizinceku ezingasizi lutho, ngoba senze lokhu ebesifanele ukukwenza.

In the same way, when you have done all the things which are given you to do, say, There is no profit in us, for we have only done what we were ordered to do.

11 Kwasekusithi esahamba esiya eJerusalema, yena wadabula phakathi laphakathi kweSamariya leGalili.

And it came about that when they were on the way to Jerusalem he went through Samaria and Galilee.

12 Esangena emzaneni othile, amadoda alitshumi alobulephero amhlangabeza, ema khatshana;

And when he went into a certain small town he came across ten men who were lepers, and they, keeping themselves at a distance,

13 wona asephakamisa ilizwi, esithi: Jesu, Nkosi, sihawukele!

Said, in loud voices, Jesus, Master, have mercy on us.

14 Futhi kuthe ewabona wathi kuwo: Hambani liyeziveza kubapristi. Kwasekusithi ekusukeni kwawo, ahlanjululwa.

And when he saw them he said, Go, and let the priests see you. And, while they were going, they were made clean.

15 Futhi omunye wawo, esebonile ukuthi usilisiwe, wabuyela, edumisa uNkulunkulu ngelizwi elikhulu;

And one of them, when he saw that he was clean, turning back, gave praise to God in a loud voice;

16 wasesiwa ngobuso enyaweni zakhe, embonga; njalo yena wayengumSamariya.

And, falling down on his face at the feet of Jesus, he gave the credit to him; and he was a man of Samaria.

17 Kodwa uJesu waphendula wathi: Kakuhlanjululwanga yini abalitshumi? Bangaphi pho abayisificamunwemunye?

And Jesus said, Were there not ten men who were made clean? where are the nine?

18 Akuficakalanga ababuya ukunika uNkulunkulu udumo, ngaphandle kwalo owezizweni.

Have not any of them come back to give glory to God, but only this one from a strange land?

19 Wasesithi kuye: Sukuma uhambe; ukholo lwakho lukusindisile.

And he said to him, Get up, and go on your way; your faith has made you well.

20 Kwathi ebuzwa ngabaFarisi, ukuthi umbuso kaNkulunkulu uzakuza nini, wasebaphendula wathi: Umbuso kaNkulunkulu kawuzi ngokukhanyayo;

And when the Pharisees put questions to him about when the kingdom of God would come, he gave them an answer and said, The kingdom of God will not come through observation:

21 njalo kabayikutsho ukuthi: Khangelani nanku, kumbe: Khangelani nankuya. Ngoba khangelani, umbuso kaNkulunkulu uphakathi kwenu.

And men will not say, See, it is here! or, There! for the kingdom of God is among you.

22 Wasesithi kubafundi: Kuzafika insuku lapho elizafisa ukubona lube lunye lwezinsuku zeNdodana yomuntu, kodwa kaliyikulubona.

And he said to his disciples, The time will come when you will have a great desire to see one of the days of the Son of man, but you will not see it.

23 Njalo bazakuthi kini: Khangelani nangu, kumbe: Khangelani nanguya; lingayi, njalo lingalandeli.

And if they say to you, See, it is there! or, It is here! do not go away, or go after them.

24 Ngoba njengombane ophazimayo ukhanyisa kusukela kokunye ukucina ngaphansi kwezulu kusiya kokunye ukucina ngaphansi kwezulu, izakuba njalo leNdodana yomuntu osukwini lwayo.

For as in a thunderstorm the bright light is seen from one end of the sky to the other, so will the Son of man be when his time comes.

25 Kodwa kuqala imele ihlupheke izinto ezinengi njalo ilahlwe yilesisizukulwana.

But first, he will have to undergo much and be put on one side by this generation.

26 Futhi njengoba kwenzeka ensukwini zikaNowa, kuzakuba njalo lensukwini zeNdodana yomuntu.

And as it was in the days of Noah, so will it be in the day of the Son of man.

27 Babesidla, benatha, bethatha, besendiswa, kwaze kwaba lusuku uNowa angena ngalo emkhunjini, kwasekufika uzamcolo, wababhubhisa bonke.

They were feasting and taking wives and getting married, till the day of the overflowing of the waters, when Noah went into the ark, and they all came to destruction.

28 Ngokufananayo futhi njengoba kwenzeka ensukwini zikaLothi; babesidla, benatha, bethenga, bethengisa, behlanyela, besakha;

In the same way, in the days of Lot; they were feasting and trading, they were planting and building;

29 kodwa ngosuku uLothi aphuma ngalo eSodoma, kwana umlilo lesibabule kuvela ezulwini, kwababhubhisa bonke;

But on the day when Lot went out of Sodom, fire came down from heaven and destruction came on them all.

30 kuzakuba njalo ngosuku ezakwembulwa ngalo iNdodana yomuntu.

So will it be in the day of the revelation of the Son of man.

31 Ngalolosuku, lowo ophezu kophahla lwendlu, lempahla zakhe zisendlini, angehli ukuyazithatha; losensimini ngokunjalo angabuyeli ezintweni ezisemuva.

On that day, if anyone is on the roof of the house, and his goods are in the house, let him not go down to take them away; and let him who is in the field not go back to his house.

32 Khumbulani umkaLothi.

Keep in mind Lot's wife.

33 Loba ngubani odinga ukusindisa impilo yakhe izamlahlekela; kodwa loba ngubani olahlekelwa yiyo uzayilondoloza.

If anyone makes an attempt to keep his life, it will be taken from him, but if anyone gives up his life, he will keep it.

34 Ngithi kini: Ngalobobusuku kuzakuba khona ababili embhedeni munye; omunye uzasuswa, lomunye atshiywe.

I say to you, In that night there will be two men sleeping in one bed, and one will be taken away and the other let go.

35 Kuzakuba khona abesifazana ababili bechola ndawonye; omunye uzasuswa, lomunye atshiywe.

Two women will be crushing grain together; one will be taken away and the other let go.

36 Kuzakuba khona ababili ensimini; omunye uzasuswa, lomunye atshiywe.

37 Basebephendula bathi kuye: Ngaphi, Nkosi? Wasesithi kubo: Lapho okukhona isidumbu, kulapho amanqe azabuthana khona.

And they, answering him, said, Where, Lord? And he said to them, Where the body is, there will the eagles come together.