1 KwabaseKhorinte 3

1 Lami-ke, bazalwane, bengingelakukhuluma lani njengabakomoya, kodwa njengakwabakwenyama, njengakwabayizingane kuKristu.

And I, brothers, could not speak to you as to spiritual, but as to carnal, as to the childlike in Christ.

2 Ngalinathisa uchago, kungeyisikho ukudla okuqinileyo; ngoba belingakenelisi, yebo lakhathesi kalikenelisi;

I gave you milk to drink and not solid food, for ye were not yet able. But not even yet are ye able,

3 ngoba lisengabenyama; ngoba lokhu kukhona phakathi kwenu umhawu lokuphikisana lokwehlukana, kalisibo abenyama, lihamba ngokwabantu yini?

for ye are still carnal. For whereas among you is envy and strife and divisions, are ye not carnal and walk according to man?

4 Ngoba nxa omunye esithi: Mina ngingokaPawuli, lomunye athi: Mina okaApolosi, kalisibo yini abenyama?

For while one may say, I am of Paul, and another, I am of Apollos, are ye not carnal?

5 Kanti uPawuli uyini, loApolosi uyini, kodwa izisebenzi elakholwa ngazo, lanjengoba iNkosi yanika kulowo lalowo?

Who therefore is Paul and who is Apollos? But rather helpers through whom ye believed, even as the Lord gave to each man.

6 Mina ngahlanyela, uApolosi wathelela, kodwa uNkulunkulu wakhulisa.

I planted, Apollos watered, but God caused growth.

7 Ngakho ohlanyelayo kasilutho, loba othelelayo, kodwa uNkulunkulu okhulisayo.

So then neither is he who plants anything, nor he who waters, but God who causes growth.

8 Ohlanyelayo kanye lothelelayo banye; kodwa ngulowo lalowo uzakwemukela owakhe umvuzo njengowakhe umsebenzi.

Now he who plants and he who waters are one, but each man will receive his own payment according to his own labor.

9 Ngoba siyizisebenzi zikaNkulunkulu kanye laye; liyinsimu kaNkulunkulu, liyisakhiwo sikaNkulunkulu.

For we are co-workmen of God. Ye are a tillage of God, an edifice of God.

10 Ngokomusa kaNkulunkulu engiwuphiweyo, njengomakhi omkhulu ohlakaniphileyo ngabeka isisekelo, lomunye wakha phezu kwaso. Kodwa kakube ngulowo lalowo abone ukuthi wakha njani phezu kwaso.

According to the grace of God that was given to me, as a wise master builder, I laid a foundation and another man is building on it. But let each man take heed how he is building on it.

11 Ngoba akulamuntu ongabeka esinye isisekelo ngaphandle kwaleso esibekiweyo, esinguJesu Kristu.

For no man can lay another foundation besides that which is laid, which is Jesus Christ.

12 Kodwa uba umuntu esakhela phezu kwalesisisekelo igolide, isiliva, amatshe aligugu, izigodo, utshani, inhlanga,

And if any man builds upon this foundation, gold, silver, precious stones, wood, hay, straw,

13 umsebenzi walowo lalowo uzavela obala; ngoba usuku luzawudalula, ngoba luzavezwa emlilweni; umlilo uzahlola umsebenzi walowo lalowo ukuthi unjani.

each man's work will become manifest. For the day will make it known, because it is revealed by fire. And the fire will test each man's work of what kind it is.

14 Uba umsebenzi womuntu awakhe phezulu usima, uzakwemukela umvuzo.

If any man's work that he built on will remain, he will receive benefit.

15 Uba umsebenzi womuntu uzatshiswa, uzalahlekelwa; kodwa yena uqobo ezasindiswa, kodwa ngokunjalo njengangomlilo.

If any man's work will be burned, he will suffer loss, but he himself will be saved, but so as through fire.

16 Kalazi yini ukuthi lilithempeli likaNkulunkulu, lokuthi uMoya kaNkulunkulu uhlala kini?

Know ye not that ye are a temple of God and the Spirit of God dwells in you?

17 Uba umuntu echitha ithempeli likaNkulunkulu, uNkulunkulu uzamchitha yena; ngoba ithempeli likaNkulunkulu lingcwele, eliyilo lina.

If any man destroys the temple of God, God will destroy this man, for the temple of God is holy, which ye are.

18 Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile kulumhlaba, kumele abe yisithutha, ukuze ahlakaniphe. (aiōn g165)

Let not one man deceive himself. If any man among you seems to be wise in this age, let him become foolish so that he may become wise. (aiōn g165)

19 Ngoba inhlakanipho yalumhlaba iyibuthutha kuNkulunkulu. Ngoba kulotshiwe ukuthi: Ubamba abahlakaniphileyo ebuqilini babo;

For the wisdom of this world is foolishness before God. For it is written, He who catches the wise in their craftiness,

20 njalo lokuthi: INkosi iyayazi imicabango yabahlakaniphileyo, ukuthi iyize.

and again, The Lord knows the thoughts of the wise that they are vain.

21 Ngakho kakungabi khona ozincoma ngabantu; ngoba zonke izinto ngezenu,

Therefore let not one man boast in men. For all things are yours,

22 loba uPawuli, loba uApolosi, loba uKefasi, loba umhlaba, loba impilo, loba ukufa, loba izinto ezikhona, loba izinto ezizayo; konke ngokwenu,

whether Paul, or Apollos, or Cephas, or the world, or life, or death, or things present, or things coming, all are yours,

23 lina-ke lingabakaKristu, loKristu ungokaNkulunkulu.

and ye are Christ's, and Christ is God's.