Amahubo 24

1 Ihubo likaDavida. Umhlaba ngokaThixo, lakho konke okukuwo, ilizwe labo bonke abahlala kulo;

A Psalm by David. The earth is Yahweh’s, with its fullness; the world, and those who dwell in it.

2 ngoba wenza isisekelo sawo phezu kolwandle wawumisa phezu kwamanzi.

For he has founded it on the seas, and established it on the floods.

3 Ngubani ongaqansa intaba kaThixo na? Ngubani ongema endaweni yakhe engcwele na?

Who may ascend to Yahweh’s hill? Who may stand in his holy place?

4 Ngulowo olezandla ezihlanzekileyo lenhliziyo emhlophe, ongaphakamiseli umphefumulo wakhe kunkulunkulu wamanga loba afunge ngenkohliso.

He who has clean hands and a pure heart; who has not lifted up his soul to falsehood, and has not sworn deceitfully.

5 Uzakwamukela isibusiso kuThixo lokukhululwa kuNkulunkulu uMsindisi wakhe.

He shall receive a blessing from Yahweh, righteousness from the God of his salvation.

6 Sinjalo isizukulwane salabo abamdingayo, abadinga ubuso Bakho, Oh Nkulunkulu kaJakhobe.

This is the generation of those who seek Him, who seek your face—even Jacob. (Selah)

7 Phakamisani amakhanda enu, lina masango; phakamani, lina minyango yekadeni, ukuba iNkosi yenkazimulo ingene.

Lift up your heads, you gates! Be lifted up, you everlasting doors, and the King of glory will come in.

8 Ngubani iNkosi yenkazimulo? NguThixo oqinileyo olamandla, uThixo olamandla empini.

Who is the King of glory? Yahweh strong and mighty, Yahweh mighty in battle.

9 Phakamisani amakhanda enu, lina masango; aphakamiseni, lina minyango yekadeni, ukuba iNkosi yenkazimulo ingene.

Lift up your heads, you gates; yes, lift them up, you everlasting doors, and the King of glory will come in.

10 Ungubani na lowo Thixo wenkazimulo? NguThixo uSomandla iNkosi yenkazimulo.

Who is this King of glory? Yahweh of Armies is the King of glory! (Selah)