Waiata 97
1 Ko Ihowa te Kingi, kia hari te whenua, kia koa nga tini moutere.
Jehovah reigns. Let the earth rejoice. Let the multitude of islands be glad.
2 Ko te kapua me te pouri kei ona taha katoa: ko te tika, ko te whakawa, te turanga o tona torona.
Clouds and darkness are around him. Righteousness and justice are the foundation of his throne.
3 He kapura e haere ana i mua i a ia, a pau ake ona hoariri a taka noa.
A fire goes before him, and burns up his adversaries on every side.
4 Marama tonu te ao i ana uira: i kite te whenua, a wiri ana.
His lightning lights up the world. The earth sees, and trembles.
5 Rewa noa nga maunga, ano he ware pi, i te aroaro o Ihowa, i te aroaro o te Ariki o te whenua katoa.
The mountains melt like wax at the presence of Jehovah, at the presence of the Lord of the whole earth.
6 E whakapuakina ana e nga rangi tona tika: a e kitea ana e nga iwi katoa tona kororia.
The heavens declare his righteousness. All the peoples have seen his glory.
7 Kia whakama katoa te hunga e mahi ana ki nga whakapakoko, e whakamanamana ana ki nga atua horihori: koropiko ki a ia, e nga atua katoa.
Let all them be shamed who serve engraved images, who boast in their idols. Worship him, all you gods.
8 I rongo a Hiona, a koa ana: whakamanamana ana nga tamahine o Hura, e Ihowa, ki au whakaritenga.
Zion heard and was glad. The daughters of Judah rejoiced, because of your judgments, Jehovah.
9 Ko koe hoki, e Ihowa, kei runga noa ake i te whenua katoa: kua whakanuia koe ki runga noa ake i nga atua katoa.
For you, Jehovah, are most high above all the earth. You are exalted far above all gods.
10 E te hunga e aroha ana ki a Ihowa, e kino ki te he: e tiakina ana e ia nga wairua o tana hunga tapu; e whakaorangia ana ratou e ia i nga ringa o te hunga kino.
You who love Jehovah, hate evil. He preserves the souls of his faithful ones. He delivers them out of the hand of the wicked.
11 Kua oti te marama te whakato mo te hunga tika: me te koa mo te hunga ngakau tapatahi.
Light is sown for the righteous, and gladness for the upright in heart.
12 Kia hari ki a Ihowa, e te hunga tika: whakamoemiti ki tona ingoa tapu.
Be glad in Jehovah, you righteous people. Give thanks to his holy Name.
