Waiata 51

1 Ki te tino kaiwhakatangi. He himene na Rawiri, i te taenga o Natana poropiti ki a ia, mo tona haerenga ki a Patehepa. Tohungia ahau, e te Atua, kia rite ki tou atawhai: kia rite ki tou aroha nui te murunga o oku he.

For the Chief Musician. A Psalm by David, when Nathan the prophet came to him, after he had gone in to Bathsheba. Have mercy on me, God, according to your loving kindness. According to the multitude of your tender mercies, blot out my transgressions.

2 Horoia rawatia toku kino: kia ma hoki toku hara.

Wash me thoroughly from my iniquity. Cleanse me from my sin.

3 E whaki ana hoki ahau i aku mahi tutu: kei toku aroaro tonu toku hara.

For I know my transgressions. My sin is constantly before me.

4 He hara ki a koe, ki a koe anake, toku; i meatia ano tenei he ki tou aroaro; kia tika ai koe i tau korerotanga, kia ma ai hoki ina whakawa.

Against you, and you only, I have sinned, and done that which is evil in your sight, so you may be proved right when you speak, and justified when you judge.

5 Na i whakaahuatia ahau i roto i te kino, i runga ano i te hara toku whakahaputanga ki roto ki toku whaea.

Behold, I was born in iniquity. My mother conceived me in sin.

6 Na ko tau e matenui ai ko te pono i nga wahi o roto, a ka whakaakona oku wahi ngaro e koe ki te whakaaro nui.

Behold, you desire truth in the inward parts. You teach me wisdom in the inmost place.

7 Purea ahau ki te hihopa, a ka ma ahau; horoia ahau, a ka ma ke atu i te hukarere.

Purify me with hyssop, and I will be clean. Wash me, and I will be whiter than snow.

8 Meinga kia rongo ahau i te hari, i te koa, a ka whakamanamana nga iwi i whatiia nei e koe.

Let me hear joy and gladness, that the bones which you have broken may rejoice.

9 Huna tou mata ki oku hara; a murua katoatia oku kino.

Hide your face from my sins, and blot out all of my iniquities.

10 Hanga, e te Atua, he ngakau ma ki roto ki ahau: whakahoutia hoki ki roto ki ahau he wairua tika.

Create in me a clean heart, O God. Renew a right spirit within me.

11 Kaua ahau e maka i tou aroaro; kaua hoki tou wairua tapu e tangohia i ahau.

Don’t throw me from your presence, and don’t take your Holy Spirit from me.

12 Whakahokia mai ki ahau te hari o tau whakaoranga: tautokona hoki ahau ki te wairua kakama.

Restore to me the joy of your salvation. Uphold me with a willing spirit.

13 Ko reira ahau whakaako ai i au ara ki te hunga tutu; a ka tahuri te hunga hara ki a koe.

Then I will teach transgressors your ways. Sinners will be converted to you.

14 Whakaorangia ahau i te hara toto, e te Atua, e te Atua o toku whakaoranga, a ka waiatatia au mahi tika e toku arero.

Deliver me from the guilt of bloodshed, O God, the God of my salvation. My tongue will sing aloud of your righteousness.

15 Whakatuwheratia oku ngutu, e te Ariki; a ka puaki i toku mangai te whakamoemiti ki a koe.

Lord, open my lips. My mouth will declare your praise.

16 Kahore nei hoki koe e aro ki te patunga tapu; penei kua hoatu e ahau: kahore koe e ahuareka ki te tahunga tinana.

For you don’t delight in sacrifice, or else I would give it. You have no pleasure in burnt offering.

17 Ko nga patunga tapu ma te Atua he wairua maru: e kore koe e whakahawea e te Atua, ki te ngakau maru, ki te ngakau iro.

The sacrifices of God are a broken spirit. O God, you will not despise a broken and contrite heart.

18 Kia pai koe ki te atawhai i Hiona: hanga nga taiepa o Hiruharama.

Do well in your good pleasure to Zion. Build the walls of Jerusalem.

19 Ko reira koe pai ai ki nga patunga tapu o te tika, ki nga tahunga tinana, he mea whakaeke katoa: ko reira ratou whakaeke ai i nga puru ki runga ki tou aata.

Then you will delight in the sacrifices of righteousness, in burnt offerings and in whole burnt offerings. Then they will offer bulls on your altar.