Waiata 44

1 Ki te tino kaiwhakatangi, ma nga tama a Koraha. He Makiri. E te Atua, kua rongo o matou taringa, kua korerotia ki a matou e o matou matua, nga mahi i mahia e koe i o ratou ra, i nga ra o mua.

[For the Chief Musician. By the sons of Korah. A contemplative psalm.] We have heard with our ears, God; our fathers have told us, what work you did in their days, in the days of old.

2 Nau nga tauiwi i pana ki tou ringa, nau ratou i whakato: nau nga iwi i whiu, a whakamararatia ana ratou.

You drove out the nations with your hand, but you planted them. You afflicted the peoples, but you spread them abroad.

3 Ehara hoki i te mea, na ta ratou hoari i whiwhi ai ratou ki te whenua, ehara to ratou takakau i te mea i ora ai ratou: engari na tou matau, na tou takakau hoki, na te marama ano o tou mata, he pai hoki nou ki a ratou.

For they did not get the land in possession by their own sword, neither did their own arm save them; but your right hand, and your arm, and the light of your face, because you were favorable to them.

4 E te Atua, ko koe toku Kingi: whakahaua he whakaora mo Hakapa.

You are my King, my God, who commands victories for Jacob.

5 Mau ka turaki ai matou i o matou hoariri; ma tou ingoa ka takahia ai e matou te hunga e whakatika ana ki a matou.

Through you we will push back our adversaries. Through your name we will trample down those who rise up against us.

6 E kore hoki ahau e whakawhirinaki ki taku kopere: e kore ano taku hoari e whakaora i ahau.

For I will not trust in my bow, neither shall my sword save me.

7 Nau hoki matou i ora ai i o matou hoariri: nau ano i whakama ai te hunga i kino ki a matou.

But you have saved us from our adversaries, and have shamed those who hate us.

8 Ko te Atua ta matou e whakamanamana ai i te roa o te ra: ka whakamoemiti ano matou ki tou ingoa ake ake. (Hera)

In God we have made our boast all day long, we will give thanks to your name forever. (Selah)

9 Otira kua panga nei matou e koe, kua meinga kia whakama: kahore hoki koe kia haere tahi me a matou taua.

But now you rejected us, and brought us to dishonor, and do not go out with our armies.

10 Kua meinga matou kia hoki whakamuri mai i te hoariri; kei te pahua ano i etahi ma ratou te hunga e kino ana ki a matou.

You make us turn back from the adversary. Those who hate us take spoil for themselves.

11 Kua hoatu matou e koe, ano he hipi e kainga ana: kua marara ki roto ki nga tauiwi.

You have made us like sheep for food, and have scattered us among the nations.

12 E hokona ana e koe tau iwi, a hore he utu: kahore hoki koe e whiwhi rawa i te utu mo ratou.

You sell your people for nothing, and have gained nothing from their sale.

13 E meinga ana matou e koe hei tawainga ma o matou hoa kainga; hei whakahaweatanga, hei whakakatanga mai ma te hunga i tetahi taha, i tetahi taha o matou.

You make us the taunt of our neighbors, a scoffing and a derision to those who are around us.

14 E meinga ana matou e koe hei whakatauki ma nga tauiwi; hei rurutanga matenga ma nga iwi.

You make us a byword among the nations, a shaking of the head among the peoples.

15 Kei mua tonu i ahau toku whakama; kua taupokina ahau e te pawera o toku mata;

All day long my dishonor is before me, and shame covers my face,

16 I te reo o te kaitawai, o te kaikohukohu; i te hoariri, i te kairapu utu.

At the taunt of one who reproaches and verbally abuses, because of the enemy and the avenger.

17 Kua pa katoa tenei ki a matou; heoi kahore matou i wareware ki a koe, kihai ano i teka ki tau kawenata.

All this has come on us, yet have we not forgotten you, Neither have we been false to your covenant.

18 Kahore to matou ngakau i tahuri whakamuri; kihai ano o matou hikoinga i peka ke i tau ara;

Our heart has not turned back, neither have our steps strayed from your path,

19 I maru ai matou i a koe i te wahi o nga tarakona; a taupoki rawa ki te atarangi o te mate.

Though you have crushed us in the haunt of jackals, and covered us with the shadow of death.

20 Mehemea kua wareware matou ki te ingoa o to matou Atua, kua totoro ranei o matou ringa ki te atua ke;

If we have forgotten the name of our God, or spread forth our hands to a strange god;

21 E kore ranei tenei e ata tirohia e te Atua? E matau ana hoki ia ki nga mea ngaro o te ngakau.

won't God search this out? For he knows the secrets of the heart.

22 Mou nei hoki matou i patua ai i te ra roa nei: kiia iho matou he hipi e patua ana.

For your sake we are killed all day long. We are regarded as sheep to be slaughtered.

23 E ara, he aha koe ka moe ai, e te Ariki? Whakatika, kaua matou e panga tonutia.

Wake up. Why do you sleep, Jehovah? Arise. Do not reject us forever.

24 He aha koe ka huna ai i tou mata? ka wareware ai ki to matou mamae, ki to matou tukinotanga?

Why do you hide your face, and forget our affliction and our oppression?

25 Kua piko nei hoki to matou wairua ki raro ki te puehu; piri rawa to matou kopu ki te whenua.

For our soul is bowed down to the dust. Our body cleaves to the earth.

26 E ara, hei awhina i a matou; kia mahara ki tou aroha, a hokona matou.

Rise up to help us. Redeem us for your loving kindness' sake.