Waiata 135

1 Whakamoemititia a Ihowa. Whakamoemititia te ingoa o Ihowa; whakamoemititia ia, e nga pononga a Ihowa.

Praise the LORD! Praise the LORD’s name! Praise him, you servants of the LORD,

2 E koutou e tu nei i roto i te whare o Ihowa, i nga marae o te whare o to tatou Atua.

you who stand in the LORD’s house, in the courts of our God’s house.

3 Whakamoemititia a Ihowa; he pai hoki a Ihowa; himene atu ki tona ingoa; he mea ahuareka hoki tena.

Praise the LORD, for the LORD is good. Sing praises to his name, for that is pleasant.

4 Kua whiriwhiria hoki e Ihowa a Hakopa mana, a Iharaira hei tino taonga mona.

For the LORD has chosen Jacob for himself, Israel for his own possession.

5 E matau ana hoki ahau he nui a Ihowa: kei runga atu hoki to tatou Ariki i nga atua katoa.

For I know that the LORD is great, that our Lord is above all gods.

6 Ko nga mea katoa i pai ai a Ihowa, kua oti i a ia, i te rangi, i te whenua, i nga moana, i nga wahi hohonu katoa.

Whatever the LORD pleased, that he has done, in heaven and in earth, in the seas and in all deeps.

7 Nana i pupu ake ai nga kohu i nga pito o te whenua: i hanga e ia nga uira mo te ua; e whakaputaina mai ana e ia te hau i roto i ona whare taonga.

He causes the clouds to rise from the ends of the earth. He makes lightnings with the rain. He brings the wind out of his treasuries.

8 Nana nei i patu nga matamua o Ihipa, a te tangata, a te kararehe;

He struck the firstborn of Egypt, both of man and animal.

9 I tonoa e ia he tohu, he merekara ki waenganui ou, e Ihipa: ki runga ki a Parao ratou ko ana pononga katoa.

He sent signs and wonders into the middle of you, Egypt, on Pharaoh, and on all his servants.

10 Nana i patu nga iwi maha, i whakamate nga kingi rarahi;

He struck many nations, and killed mighty kings—

11 A Hihona kingi o nga Amori, a Oka kingi o Pahana, me nga rangatiratanga katoa o Kanaana;

Sihon king of the Amorites, Og king of Bashan, and all the kingdoms of Canaan—

12 A homai ana e ia to ratou whenua hei kainga pumau, hei kainga pumau mo Iharaira, mo tana iwi.

and gave their land for a heritage, a heritage to Israel, his people.

13 E Ihowa, pumau tonu tou ingoa, me tou maharatanga, e Ihowa, ki nga whakatupuranga katoa.

Your name, LORD, endures forever; your renown, LORD, throughout all generations.

14 Ka whakawa hoki a Ihowa mo tana iwi; a ka puta ke tona whakaaro ki ana pononga.

For the LORD will judge his people and have compassion on his servants.

15 He hiriwa, he koura nga whakapakoko a nga tauiwi, he mahi na te ringa tangata.

The idols of the nations are silver and gold, the work of men’s hands.

16 He mangai o ratou, a kahore e korero: he kanohi o ratou, a kahore e kite:

They have mouths, but they can’t speak. They have eyes, but they can’t see.

17 He taringa o ratou, a kahore e rongo: kahore ano he manawa i o ratou mangai.

They have ears, but they can’t hear, neither is there any breath in their mouths.

18 Ka rite ki a ratou te hunga nana ratou i hanga; ae, me nga tangata katoa e whakawhirinaki ana ki a ratou.

Those who make them will be like them, yes, everyone who trusts in them.

19 Whakapaingia a Ihowa, e te whare o Iharaira; whakapaingia a Ihowa, e te whare o Arona;

House of Israel, praise the LORD! House of Aaron, praise the LORD!

20 Whakapaingia a Ihowa, e te whare o Riwai; whakapaingia a Ihowa, e te hunga katoa e wehi ana i a Ihowa;

House of Levi, praise the LORD! You who fear the LORD, praise the LORD!

21 Kia whakapaingia a Ihowa i roto i Hiona, e noho nei i Hiruharama. Whakapaingia a Ihowa.

Blessed be the LORD from Zion, who dwells in Jerusalem. Praise the LORD!