Waiata 107
1 Whakawhetai ki a Ihowa, he pai hoki ia: he pumau tonu hoki tana mahi tohu.
| הדו ליהוה כי טוב כי לעולם חסדו׃ |
2 Kia pena ano te korero a te hunga i hokona e Ihowa, i hokona nei e ia i roto i te ringa o te hoariri;
| יאמרו גאולי יהוה אשר גאלם מיד צר׃ |
3 I kohikohia nei i nga whenua, i te rawhiti, i te uru, i te raki, i te tonga.
| ומארצות קבצם ממזרח וממערב מצפון ומים׃ |
4 I haereere ratou i te koraha i te wahi mokemoke, te kitea tetahi pa hei nohoanga.
| תעו במדבר בישימון דרך עיר מושב לא מצאו׃ |
5 I matekai ratou, i matewai: hemo noa to ratou wairua i roto i a ratou.
| רעבים גם צמאים נפשם בהם תתעטף׃ |
6 Na ka tangi ratou ki a Ihowa i to ratou pouri: a whakaorangia ana ratou e ia i o ratou mate.
| ויצעקו אל יהוה בצר להם ממצוקותיהם יצילם׃ |
7 A arahina ana e ia ra te ara tika; kia haere ai ki te pa hei nohoanga.
| וידריכם בדרך ישרה ללכת אל עיר מושב׃ |
8 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata!
| יודו ליהוה חסדו ונפלאותיו לבני אדם׃ |
9 E whakamakonatia ana hoki e ia te wairua hiahia: ko te wairua hiakai, whakakiia ana e ia ki te pai.
| כי השביע נפש שקקה ונפש רעבה מלא טוב׃ |
10 Ko te hunga i noho i te pouri, i te atarangi o te mate: he mea here ki te mamae, ki te rino;
| ישבי חשך וצלמות אסירי עני וברזל׃ |
11 Mo ratou i tutu ki nga kupu a te Atua, i whakahawea ki te whakaaro o te Runga Rawa;
| כי המרו אמרי אל ועצת עליון נאצו׃ |
12 Koia i pehia iho ai e ia o ratou ngakau ki te mahi: hinga iho ratou, kahore hoki he kaiawhina.
| ויכנע בעמל לבם כשלו ואין עזר׃ |
13 Na ka tangi ratou ki a Ihowa i to ratou pouri; a ka whakaorangia ratou e ia i o ratou mate.
| ויזעקו אל יהוה בצר להם ממצקותיהם יושיעם׃ |
14 Whakaputaina mai ana ratou e ia i te pouri, i te atarangi o te mate; motumotuhia ana o ratou here.
| יוציאם מחשך וצלמות ומוסרותיהם ינתק׃ |
15 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata!
| יודו ליהוה חסדו ונפלאותיו לבני אדם׃ |
16 Kua tukitukia hoki e ia nga tatau parahi: kua tapahia e ia nga tutaki rino, motu rawa.
| כי שבר דלתות נחשת ובריחי ברזל גדע׃ |
17 Ko nga kuware, na a ratou mahi tutu, na o ratou kino, i pakia ai ratou.
| אולים מדרך פשעם ומעונתיהם יתענו׃ |
18 Ka wetiweti to ratou wairua ki nga kai katoa; a ka whakatata ratou ki nga kuwaha o te mate.
| כל אכל תתעב נפשם ויגיעו עד שערי מות׃ |
19 Na ka tangi ki a Ihowa i to ratou pouri, a ka whakaorangia ratou e ia i o ratou mate.
| ויזעקו אל יהוה בצר להם ממצקותיהם יושיעם׃ |
20 Tukua mai ana e ia tana kupu, a rongoatia ana ratou: a whakaputaina ana ratou i o ratou ngaromanga.
| ישלח דברו וירפאם וימלט משחיתותם׃ |
21 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata!
| יודו ליהוה חסדו ונפלאותיו לבני אדם׃ |
22 Kia tukua ano e ratou te whakahere, ara te whakamoemiti; kia whakapuaki i ana mahi i runga i te hari.
| ויזבחו זבחי תודה ויספרו מעשיו ברנה׃ |
23 Ko te hunga e haere ana ki raro, ki te moana, i runga kaipuke, a e whai mahi ana i nga wai nunui,
| יורדי הים באניות עשי מלאכה במים רבים׃ |
24 Ko ratou e kite i nga mahi a Ihowa, i ana mahi whakamiharo i te rire.
| המה ראו מעשי יהוה ונפלאותיו במצולה׃ |
25 Puta kau tana kupu, kua maranga te tupuhi, mana e whakatutu ona ngaru.
| ויאמר ויעמד רוח סערה ותרומם גליו׃ |
26 Ka kake ratou ki runga ki te rangi, ka heke ano ki raro ki te rire: ngohe noa o ratou wairua i te pawera.
| יעלו שמים ירדו תהומות נפשם ברעה תתמוגג׃ |
27 Ka tiu ratou, ka hurorirori ano he tangata e haurangi ana; a kahore he mahara i toe.
| יחוגו וינועו כשכור וכל חכמתם תתבלע׃ |
28 Heoi ka tangi ki a Ihowa i to ratou hemanawa: a whakaorangia ana ratou i o ratou mate.
| ויצעקו אל יהוה בצר להם וממצוקתיהם יוציאם׃ |
29 Meinga ana e ia te tupuhi kia marino, ona ngaru kia mariri.
| יקם סערה לדממה ויחשו גליהם׃ |
30 Na ka koa ratou, no te mea ka marie: a ka kawea ratou e ia ki te tauranga i hiahia ai ratou.
| וישמחו כי ישתקו וינחם אל מחוז חפצם׃ |
31 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata!
| יודו ליהוה חסדו ונפלאותיו לבני אדם׃ |
32 Kia whakanui hoki ratou i a ia i roto i te whakaminenga o te iwi; kia whakamoemiti ki a ia i roto i te nohoanga kaumatua.
| וירממוהו בקהל עם ובמושב זקנים יהללוהו׃ |
33 Ko ia hei mea i nga awa hei koraha, i nga puputanga wai hei oneone maroke;
| ישם נהרות למדבר ומצאי מים לצמאון׃ |
34 I te whenua whai hua, kia titohea, mo te hara o te hunga e noho ana i reira.
| ארץ פרי למלחה מרעת ישבי בה׃ |
35 Ko ia hei mea i te koraha hei harotoroto wai, i te whenua maroke hei puputanga wai.
| ישם מדבר לאגם מים וארץ ציה למצאי מים׃ |
36 A whakanohoia iho e ia te hunga matekai ki reira, hanga ai i tetahi pa hei nohoanga;
| ויושב שם רעבים ויכוננו עיר מושב׃ |
37 Hei rui mara, hei whakato mara waina, e tupu ai, e maha ai nga hua.
| ויזרעו שדות ויטעו כרמים ויעשו פרי תבואה׃ |
38 Ko ia ano hei manaaki i a ratou, no ka nui rawa; kahore hoki e tukua kia torutoru haere a ratou kararehe.
| ויברכם וירבו מאד ובהמתם לא ימעיט׃ |
39 Na kua iti haere ano ratou, kua piko i te tukino, i te he, i te pouri.
| וימעטו וישחו מעצר רעה ויגון׃ |
40 E ringihia ana e ia te whakahawea ki runga ki nga rangatira: e meinga ana kia hehe i te ururua, i te wahi kahore nei he ara;
| שפך בוז על נדיבים ויתעם בתהו לא דרך׃ |
41 Otira kei te whakateitei ia i te rawakore ki runga i te mamae, kei te mea i ona hapu kia rite ki te kahui hipi.
| וישגב אביון מעוני וישם כצאן משפחות׃ |
42 Ka kite nga tangata tika, a ka hari; ko nga he katoa hoki, kipia ake te mangai.
| יראו ישרים וישמחו וכל עולה קפצה פיה׃ |
43 Ko te tangata whakaaro nui ka mahara ki enei mea, a ka mohio ratou ki te aroha o Ihowa.
| מי חכם וישמר אלה ויתבוננו חסדי יהוה׃ |
