Salamo 83

1

2 Heheke, ­miroharoha o rafelahi’oo, mivoala-doha o malaiñe Azoo.

3 Hikililie’ iareo ondati’oo; mivory hikinia o mipalitse ama’oo.

4 Antao, hoe iereo, haitoan-tika tsy ho fifeheañe ka. soa tsy ho tiahy ka ty añara’ Israeley.

5 An-troke miraike t’ie mikinia, mifañina fanjeharañe ama’o.

6 O kiboho’ i Edome naho Ismaeleo; i Moabe, naho o nte Hagìo,

7 i Gebale naho i Amone, naho i Amaleke; i Pilisty vaho o mpimone’ i Tsoreo.

8 Rekets’ am’ iareo ka t’i Asore; le fitañe am’iareo o ana’ i Loteo. Selà

9 Ampanahafo amy nanoa’o amy Midiane, amy Sisera vaho am’ Iabene an-torahan-Kisone añe,

10 i narotsake Endora añe rey, ninjare litsake amy taney.

11 Ampihambaño amy Orebe naho amy Zeèbe o roandria’eo, fonga hanahak’ i Zebake naho i Tsalmonà o ana-dona’ iareoo

12 ie nanoa’iareo ty hoe: Antao hitavañe o fiandrazen’ Añahareo!

13 O Andrianañahareko, anò hoe talìon-deboke iereo, hoe kafokafo miatre-tioke!

14 Manahake ty afo mamorototo ala, naho ty foroha mampisolebatse o vohitseo;

15 Aa le horidaño amy tangololahi’oy; le ampihembaño ami’ty tio-bei’o.

16 Liforo hasalarañe ty vìnta’ iareo, hipaia’e ty tahina’o, ry Iehovà.

17 Ie ho salareñe naho hangebakebake nainai’e, eka ho meñareñe naho hikoromake.

18 Hahafohina’ ondatio te Ihe avao, ro kanjieñe ty hoe Iehovà, Andindimone’ ty tane toy.