Salamo 21

1 Ho an’ ny mpiventy hira. Salamo nataon’ i Davida. Jehovah ô, ny herinao no hifalian’ ny mpanjaka; ary endrey ny haben’ ny hiravoravoany amin’ ny famonjenao!

Au maître de chant. Psaume de David. Yahweh, le roi se réjouit de ta force; comme ton secours le remplit d’allégresse!

2 Ny nirin’ ny fony dia nomenao azy, ary ny nangatahin’ ny molony tsy mba nolavinao. (Sela)

Tu lui as donné ce que son cœur désirait, tu n’as pas refusé ce que demandaient ses lèvres. — Séla.

3 Fa notsenainao fitahiana soa izy; teo an-dohany nasianao satro-boninahitra tena volamena.

Car tu l’as prévenu de bénédictions exquises, tu as mis sur sa tête une couronne d’or pur.

4 Aina no nangatahiny taminao, dia nomenao azy izany, dia andro lava mandrakizay doria.

Il te demandait la vie, tu la lui as donnée, de longs jours à jamais et à perpétuité.

5 Lehibe ny voninahiny amin’ ny famonjenao; Laza sy voninahitra no nataonao taminy.

Sa gloire est grande, grâce à ton secours; tu mets sur lui splendeur et magnificence.

6 Fa nataonao ho fitahiana mandrakizay izy; ampifalinao indrindra amin’ ny tavanao izy.

Tu le rends à jamais un objet de bénédictions; tu le combles de joie devant ta face.

7 Fa ny mpanjaka matoky an’ i Jehovah, ary noho ny famindram-pon’ ny Avo Indrindra dia tsy hangozohozo izy.

Car le roi se confie en Yahweh, et par la bonté du Très-Haut il ne chancelle point.

8 Ho azon’ ny tananao ny fahavalonao rehetra; eny, ho azon’ ny tananao ankavanana ny mankahala anao;

Ta main, ô roi, atteindra tous tes ennemis, ta droite atteindra ceux qui te haïssent.

9 Hataonao tahaka ny fatana misy afo mirehitra izy amin’ ny andro hisehoanao, Jehovah handany azy amin’ ny fahatezerany, ary handevona azy ny afo.

Tu les rendras comme une fournaise ardente, au jour où tu montreras ta face; Yahweh les anéantira dans sa colère, et le feu les dévorera.

10 Ny zanany haringanao tsy ho eo amin’ ny tany, ary ny taranany tsy ho eo amin’ ny zanak’ olombelona;

Tu feras disparaître de la terre leur postérité, et leur race d’entre les enfants des hommes.

11 Fa nikasa hanisy ratsy anao izy, ka namoron-kevi-dratsy fa tsy nahefa.

Ils ont préparé pour toi la ruine, ils ont conçu des desseins pervers, mais ils seront impuissants.

12 Fa hampiamboho azy ianao; ny tsipìkanao no ikendrenao ny tavany.

Car tu leur feras tourner le dos; de tes traits tu les viseras au front.

13 Misandrata amin’ ny herinao, Jehovah ô, hihira sy hankalaza ny herinao izahay.

Lève-toi, Yahweh, dans ta force! Nous voulons chanter et célébrer ta puissance.