Banzembo 76
1 Wuta na buku ya mokambi ya bayembi. Ezali ya koyemba na lindanda. Nzembo ya Azafi. Nzambe ayebani kati na Yuda; Kombo na Ye ezali monene kati na Isalaele.
In Judah is God known: his name is great in Israel.
2 Ndako na Ye ya kapo ezali na Salemi; mpe esika na Ye ya kovanda ezali na Siona.
In Salem also is his tabernacle, and his dwelling place in Zion.
3 Ezali kuna nde abukaki makonga ya makasi, banguba, mipanga mpe bibundeli nyonso ya bitumba.
There brake he the arrows of the bow, the shield, and the sword, and the battle. (Selah)
4 Ozali kongenga lokola mwinda, otonda na lokumu koleka bangomba ya babotoli bomengo ya bitumba.
You are more glorious and excellent than the mountains of prey.
5 Bilombe nyonso ya mpiko bakweyisamaki, balalaki pongi na bango ya suka; basoda nyonso bakokaki lisusu te kotombola maboko.
The stouthearted are spoiled, they have slept their sleep: and none of the men of might have found their hands.
6 Nzambe ya Jakobi, na kanda na Yo, bato oyo babundaka likolo ya bampunda elongo na bampunda bakweyi na somo.
At your rebuke, O God of Jacob, both the chariot and horse are cast into a dead sleep.
7 Solo, ozali somo! Nani akokoka kotelema liboso na Yo soki osiliki?
You, even you, are to be feared: and who may stand in your sight when once you are angry?
8 Wuta na likolo, osalaka ete mokano na Yo eyokana na matoyi ya bato; mokili ekomaka na kobanga mpe evandaka kimia
You did cause judgment to be heard from heaven; the earth feared, and was still,
9 tango, Yo Nzambe, otelemaka mpo na kosambisa mpe kobikisa banyokolami nyonso ya mokili.
When God arose to judgment, to save all the meek of the earth. (Selah)
10 Pamba te kanda makasi ya bato esanzolaka Yo, mpe olataka kanda ya batikali.
Surely the wrath of man shall praise you: the remainder of wrath shall you restrain.
11 Epai ya Yawe, Nzambe na bino, bopesa bilaka mpe bokokisa yango. Tika ete bato nyonso oyo bazingeli Ye bamemela Nzambe ya somo makabo!
Vow, and pay unto the LORD your God: let all that be round about him bring presents unto him that ought to be feared.
12 Abukaka lolendo ya bakambi, mpe bakonzi ya mokili babangaka Ye.
He shall cut off the spirit of princes: he is terrible to the kings of the earth.
