Banzembo 2
1 Mpo na nini bikolo ezali kosala makelele mpe bato bazali kosala makita ya pamba?
Why do the nations rage, and the peoples plot in vain?
2 Bakonzi ya mokili batomboki, mpe bakambi basangani mpo na kotelemela Yawe elongo na mopakolami na Ye.
The kings of the earth take a stand, and the rulers take counsel together, against Jehovah, and against his Anointed:
3 Bazali koganga elongo: « Tokata minyololo na bango mpe tomikangola na bokonzi na bango! »
"Let's tear off their shackles, and throw off their ropes from us."
4 Kasi Ye oyo avandi na Kiti na Ye ya Bokonzi kuna na likolo aseki, Yawe atioli bango.
The one who sits in the heavens laughs. Jehovah scoffs at them.
5 Agangeli bango na kanda, apelisi kanda makasi na Ye mpo na bango, alobi:
Then he will speak to them in his anger, and terrify them in his wrath:
6 « Ezali Ngai nde natiaki mokonzi na Ngai na Siona, ngomba na Ngai ya bule. »
"But I myself have installed my king on Zion, my holy mountain."
7 Nakosakola mobeko ya Yawe. Alobaki na ngai: « Ozali Mwana na Ngai ya mobali, na mokolo ya lelo, nakomi Tata na Yo.
I will tell of the decree. Jehovah said to me, "You are my son. Today I have become your father.
8 Senga Ngai, mpe nakokomisa bikolo libula na Yo, basuka ya mokili bozwi na Yo.
Ask of me, and I will give the nations as your inheritance, and the farthest parts of the earth for your possession.
9 Okoyangela yango na bokonzi ya ebende, okopanza yango lokola mbeki ya mabele. »
You shall rule them with an iron scepter. You shall dash them in pieces like a potter's vessel."
10 Yango wana, bino bakonzi, bozala na mayele; bino bayangeli ya mokili, boyoka likebisi oyo.
Now therefore, you kings, be wise; receive correction, you judges of the earth.
11 Bosalela Yawe na kobanga mpe bosepela na kolenga.
Serve Jehovah with fear, and rejoice with trembling.
12 Bopesa Mwana na Ye beze, noki te akosilika mpe bokokufa na nzela na bino, pamba te kanda na Ye epelaka noki. Esengo na bato oyo bazwaka Ye lokola ebombamelo na bango.
Do homage in purity, lest he be angry, and you perish in the way, when his anger is suddenly kindled. Blessed are all those who take refuge in him.
