Yobo 31
1 « Nasalaki boyokani elongo na miso na ngai ete nalula elenge mwasi te.
I made a covenant with mine eyes; why then should I think upon a maid?
2 Pamba te, libula nini Nzambe akoki kobongisela ngai wuta na likolo? Libonza nini Nkolo-Na-Nguya-Nyonso akoki kotindela ngai wuta na likolo?
For what portion of God is there from above? and what inheritance of the Almighty from on high?
3 Boni, pasi ezali mpo na bato mabe te? Kobebisama ezali mpo na bato oyo basalaka masumu te?
Is not destruction to the wicked? and a strange punishment to the workers of iniquity?
4 Amoni banzela na ngai te? Atangi matambe na ngai nyonso te?
Does not he see my ways, and count all my steps?
5 Soki natambolaki na lokuta to litambe na ngai elandaki nzela mabe,
If I have walked with vanity, or if my foot has hasted to deceit;
6 tika ete Nzambe ameka ngai na emekelo ya sembo, mpe akomona ete ngai nasali mabe te.
Let me be weighed in an even balance that God may know mine integrity.
7 Soki matambe na ngai ebimaki na nzela na Ye, soki motema na ngai etambolisamaki kolanda miso na ngai, soki maboko na ngai ekomaki mbindo,
If my step has turned out of the way, and mine heart walked after mine eyes, and if any blot has cleaved to mine hands;
8 tika ete bato mosusu balia biloko oyo ngai naloni, mpe tika ete nkona na ngai epikolama!
Then let me sow, and let another eat; yea, let my offspring be rooted out.
9 Soki motema na ngai ekosamaki na mwasi to soki natalaki na makanisi mabe ekuke ya mozalani na ngai,
If mine heart have been deceived by a woman, or if I have laid wait at my neighbour's door;
10 tika ete mwasi na ngai atutela moto mosusu ble mpe tika ete mibali mosusu basangisa na ye nzoto.
Then let my wife grind unto another, and let others bow down upon her.
11 Pamba te elingaki kozala likambo ya soni, mpe lisumu ya boye ebongi na esambiselo ya basambisi.
For this is an heinous crime; yea, it is an iniquity to be punished by the judges.
12 Ezali moto oyo ezali kozikisa kino na kobebisama mpe ekoki kobebisa bomengo na ngai nyonso.
For it is a fire that consumes to destruction, and would root out all mine increase.
13 Soki nasalelaki na bosembo te bawumbu na ngai ya mibali mpe ya basi tango bazwaki ngai mabe,
If I did despise the cause of my manservant or of my maidservant, when they contended with me;
14 nakosala nini soki Nzambe asambisi ngai? Nakopesa eyano nini tango akotuna ngai ndenge nini nabandaki kosala?
What then shall I do when God rises up? and when he visits, what shall I answer him?
15 Ezalaki Ye te oyo asalaki ngai kati na libumu ya mama na ngai nde asalaki bango? Ngai na bango, tozalaki lolenge moko te kati na mabumu ya bamama na biso?
Did not he that made me in the womb make him? and did not one fashion us in the womb?
16 Soki nakokisaki te posa ya mobola to soki nalembisaki miso ya mwasi oyo akufisa mobali,
If I have withheld the poor from their desire, or have caused the eyes of the widow to fail;
17 soki nabombaki lipa na ngai mpo na ngai moko to nakabolaki yango te na bana bitike,
Or have eaten my morsel myself alone, and the fatherless has not eaten thereof;
18 —nzokande wuta bolenge na ngai, nazalaki kobokola bana bitike lokola tata na bango; mpe wuta mbotama na ngai, nazalaki kolakisa nzela na mwasi oyo akufisa mobali—
(For from my youth he was brought up with me, as with a father, and I have guided her from my mother's womb; )
19 soki namonaki mobola kokufa na kozanga bilamba to moto akelela kozanga bilamba,
If I have seen any perish for lack of clothing, or any poor without covering;
20 bongo motema na ye epambolaki ngai te na ndenge nazipaki ye na bilamba oyo ewutaki na bibwele na ngai,
If his loins have not blessed me, and if he were not warmed with the fleece of my sheep;
21 soki natombolaki loboko na ngai mpo na kosala mwana etike mabe, wana nayebaki ete nazali na nguya liboso ya basambisi,
If I have lifted up my hand against the fatherless, when I saw my help in the gate:
22 tika ete loboko na ngai elongwa na lipeka na ngai to ebukana!
Then let mine arm fall from my shoulder blade, and mine arm be broken from the bone.
23 Pamba te nazalaki kobanga etumbu ya Nzambe, mpe nakokaki te kosala eloko liboso ya lokumu na Ye.
For destruction from God was a terror to me, and by reason of his highness I could not endure.
24 Soki natiaki elikya na ngai na wolo to nalobaki na wolo ya kitoko: ‹ Ozali ekimelo na ngai, ›
If I have made gold my hope, or have said to the fine gold, You are my confidence;
25 soki nasepelaki na ebele ya bozwi na ngai, bomengo oyo maboko na ngai esalaki,
If I rejoice because my wealth was great, and because mine hand had got much;
26 soki natalaki moyi na kongenga na yango to sanza kotambola na nkembo,
If I beheld the sun when it shined, or the moon walking in brightness;
27 soki motema na ngai ekosamaki na nkuku, mpe maboko na ngai epesaki yango beze ya lokumu,
And my heart has been secretly enticed, or my mouth has kissed my hand:
28 wana elingaki lisusu kozala mbeba oyo ebongi na esambiselo ya basambisi, pamba te nalingaki kowangana Nzambe oyo azali na Likolo.
This also were an iniquity to be punished by the judge: for I should have denied the God that is above.
29 Soki nasepelaki na pasi ya monguna na ngai to nagangaki na esengo na likama oyo ekomelaki ye,
If I rejoice at the destruction of him that hated me, or lifted up myself when evil found him:
30 soki napesaki nzela na monoko na ngai ete esala lisumu na kosenga kufa ya monguna na ngai na nzela ya maloba ya kolakela mabe;
Neither have I suffered my mouth to sin by wishing a curse to his soul.
31 soki bato ya libota na ngai balobaka te: ‹ Nani oyo atondaki te na misuni ya banyama ya Yobo? ›
If the men of my tabernacle said not, Oh that we had of his flesh! we cannot be satisfied.
32 Soki mopaya moko te alalaki libanda, pamba te ekuke na ngai ezalaki ya kofungwama tango nyonso mpo na moleki nzela,
The stranger did not lodge in the street: but I opened my doors to the traveller.
33 soki nabombaki lisumu na ngai ndenge Adamu asalaki to nabombaki yango na motema na ngai,
If I covered my transgressions as Adam, by hiding mine iniquity in my bosom:
34 pamba te nabangaki bato mpe nabangaki ete mabota etiola ngai, yango wana nakangaki monoko mpe nakokaki kobima libanda te!
Did I fear a great multitude, or did the contempt of families terrify me, that I kept silence, and went not out of the door?
35 Ah, soki nazalaki ata na moto oyo akokaki koyoka ngai! Yango nde sik’oyo liloba na ngai ya suka. Tika ete Nkolo-Na-Nguya-Nyonso ayanola ngai! Tika ete moto oyo afundi ngai akoma na mokanda makambo oyo afundeli ngai!
Oh that one would hear me! behold, my desire is, that the Almighty would answer me, and that mine adversary had written a book.
36 Solo, nalingaki komema yango na lipeka na ngai, nalingaki kolata yango lokola motole,
Surely I would take it upon my shoulder, and bind it as a crown to me.
37 nalingaki kotalisa Ye makambo nyonso oyo nasalaki, nalingaki kopusana pene na Ye lokola mokambi.—
I would declare unto him the number of my steps; as a prince would I go near unto him.
38 Soki mabele na ngai eboyi ngai, soki mikala na yango elelaki,
If my land cry against me, or that the furrows likewise thereof complain;
39 soki naliaki bambuma na yango na ofele to soki natungisaki bankolo na yango,
If I have eaten the fruits thereof without money, or have caused the owners thereof to lose their life:
40 tika ete banzube ebima na esika ya ble, mpe matiti mabe ebima na esika ya orje. » Oyo nde suka ya maloba ya Yobo.
Let thistles grow instead of wheat, and cockle instead of barley. The words of Job are ended.
