Psalmorum 110

1 David psalmus dixit Dominus Domino meo sede a dextris meis donec ponam inimicos tuos scabillum pedum tuorum

Psalmus David. [Dixit Dominus Domino meo: Sede a dextris meis, donec ponam inimicos tuos scabellum pedum tuorum.

2 virgam virtutis tuae emittet Dominus ex Sion dominare in medio inimicorum tuorum

Virgam virtutis tuæ emittet Dominus ex Sion: dominare in medio inimicorum tuorum.

3 tecum principium in die virtutis tuae in splendoribus sanctorum ex utero ante luciferum genui te

Tecum principium in die virtutis tuæ in splendoribus sanctorum: ex utero, ante luciferum, genui te.

4 iuravit Dominus et non paenitebit eum tu es sacerdos in aeternum secundum ordinem Melchisedech

Juravit Dominus, et non pœnitebit eum: Tu es sacerdos in æternum secundum ordinem Melchisedech.

5 Dominus a dextris tuis confregit in die irae suae reges

Dominus a dextris tuis; confregit in die iræ suæ reges.

6 iudicabit in nationibus implebit cadavera conquassabit capita in terra multorum

Judicabit in nationibus, implebit ruinas; conquassabit capita in terra multorum.

7 de torrente in via bibet propterea exaltabit caput

De torrente in via bibet; propterea exaltabit caput.]