Galatas 5

1 State, et nolite iterum iugo servitutis contineri.

मसीहे अस आज़ाद कियोरेम हुनी असन गुलामेरू ज़ेरू यहूदी केरू कानून मन्नेरी ज़रूरत नईं, अपने एस ऐज़ैदी मां बनोरे राथ, ते दुबारा अपने आपे कानून मन्नेरे गुलाम भोनेरे लेइ न देथ।

2 Ecce ego Paulus dico vobis: quoniam si circumcidamini, Christus vobis nihil proderit.

हेरा, अवं पौलुस तुसन सेइं ज़ोताईं, अगर परमेशरेरे सामने धर्मी भोनेरे लेइ खतनो कराले, फिरी ज़ैन मसीहे कियोरू तैसेरो तुसन कोई फैइदो न भोलो।

3 Testificor autem rursus omni homini circumcidenti se, quoniam debitor est universae legis faciendae.

फिरी भी अवं हर एक्की सेइं ज़ोताईं ज़ै इस उमीदी सेइं खतनो कराते कि परमेशरेरे सामने धर्मी भोए, तैस कानूनेरो हर हुक्म मन्नो पेनोए।

4 Evacuati estis a Christo, qui in lege iustificamini: a gratia excidistis.

तुस ज़ैना कानून मेन्तां धर्मी भोने चातथ, तुसेईं अपनो आप मसीह करां अलग कियो ते परमेशरेरो अनुग्रह कबूल केरने करां इन्कार कियो।

5 Nos enim spiritu ex fide, spem iustitiae expectamus.

अवं इन ज़ोई बटताईं, किजोकि असन पवित्र आत्मारे तरफां पूरो भरोसो कि परमेशर असन धर्मी कबूल केरेलो किजोकि अस मसीह पुड़ विश्वास केरतम।

6 Nam in Christo Iesu neque circumcisio aliquid valet, neque praeputium: sed fides, quae per charitatem operatur.

ते मसीह यीशु मां न खतनो, न बगैर खतनो किछ कम्मेरोए, पन सिर्फ विश्वास ज़ै प्यारे सेइं अस्सर केरते।

7 Currebatis bene: quis vos impedivit veritati non obedire? nemini consenseritis.

तुस त रोड़ी दौड़ लोरे थिये दौड़ने, तुस केनि रोके, कि सच़्च़े न मन्नथ।

8 Persuasio haec non est ex eo, qui vocat vos.

एरी शिखर तुसन परमेशरे नईं दित्तोरी ज़ैने तुस अपने बच्चे भोनेरे लेइ कुजोरेथ।

9 Modicum fermentum totam massam corrumpit.

झूठी शिक्षा थोड़े ज़ेरे खमीरेरी ज़ेरि ज़ैन सारे सोन्नोरे अट्टे खमीर केरते।

10 Ego confido in vobis in Domino, quod nihil aliud sapietis: qui autem conturbat vos, portabit iudicium, quicumque est ille.

अवं प्रभु पुड़ भरोसो रखताईं, कि तुसन झूठी शिक्षा पुड़ विश्वास केरने करां दूर रखे; पन ज़ै तुसन परेशान केरते, तै कोई कि न भोए परमेशर तैस सज़ा देलो।

11 Ego autem, fratres, si circumcisionem adhuc praedico: quid adhuc persecutionem patior? Ergo evacuatum est scandalum crucis.

पन हे ढ्लाव ते बेइनव, अगर अवं लोकन प्रचार केरतो भोथो कि खतनो केरनो ज़रूरीए, त स्ताव न गाथो। अगर अवं ई प्रचार न केरतो राथो कि मुक्ति सिर्फ मसीहेरे क्रूसे सेइं, त फिरी केन्ची ठोकर न लगेथी।

12 Utinam et abscindantur qui vos conturbant.

रोड़ू भोथू कि ज़ैना तुसन टपलातन, तैना अपनो अंग कटेथे!

13 Vos enim in libertatem vocati estis fratres: tantum ne libertatem in occasionem detis carnis, sed per charitatem Spiritus servite invicem.

हे ढ्लाव ते बेइनव, तुस आज़ाद भोनेरे लेइ कुजोरेथ पन एरू न भोए, कि ई आज़ादी जिसमानी कम्मां केरे लेइ मौको बने, बल्के प्यारे सेइं एक्की होरेरे सेवक बना।

14 Omnis enim lex in uno sermone impletur: Diliges proximum tuum sicut teipsum.

किजोकि सारो कानून इस्से एक्की गल्ली मां पूरो भोइ गाते, “कि तू अपने पड़ोसी सेइं अपनो ज़ेरो प्यार केर।”

15 Quod si invicem mordetis, et comeditis: videte ne ab invicem consumamini.

पन अगर तुस एक्की होरि सेइं लटते ते तंग केरते राथ, त खबरदार राथ, एक्की होरेरी बरबादी केरेले।

16 Dico autem in Christo: Spiritu ambulate, et desideria carnis non perficietis.

पन अवं ज़ोताईं, पवित्र आत्मारे च़लाने सेइं च़लेले, त तुस जिसमेरी खुवैइशां कधी पूरी न केरेले।

17 Caro enim concupiscit adversus spiritum: spiritus autem adversus carnem: haec enim sibi invicem adversantur: ut non quaecumque vultis, illa faciatis.

किजोकि जिसम पवित्र आत्मारे खलाफे, ते पवित्र आत्मा जिसमेरे खलाफ खुवैइश केरते, ते इना एक्की होरेरे दुश्मन आन; एल्हेरेलेइ ज़ैन तुस केरनू चातथ तैन न केरि बटथ।

18 Quod si Spiritu ducimini, non estis sub lege.

ते अगर तुस पवित्र आत्मारे च़लाने सेइं च़लतथ त कानूनेरे अधीन न राए।

19 Manifesta sunt autem opera carnis: quae sunt fornicatio, immunditia, impudicitia, luxuria,

जिसमेरां कम्मां बांदन, मतलब बदमाशी, गंदा कम्मां, चपलूसी।

20 idolorum servitus, veneficia, inimicitiae, contentiones, aemulationes, irae, rixae, dissensiones, sectae,

मूरती केरि पूज़ा, टूनो, बैर, लड़ाई, जलन, सरक, खलाफत, फसाद, विधर्म।

21 invidiae, homicidia, ebrietates, comessationes, et his similia, quae praedico vobis, sicut praedixi: quoniam qui talia agunt, regnum Dei non consequentur.

नफरत, नशो केरनो, नाच़, ते इन केरे ज़ेरां होरां भी कम्मां आन, ज़ैन केरे बारे मां अवं तुसन पेइलू ज़ोताईं, ज़ेन्च़रे पेइलू भी ज़ोवरूए, कि एरां कम्मां केरनेबाले परमेशरेरे राज़्ज़ेरे वारस नईं भोने।

22 Fructus autem Spiritus est: charitas, gaudium, pax, patientia, benignitas, bonitas, longanimitas,

पन पवित्र आत्मारो फल प्यार, आनन्द, शान्ति, सबर, ते दया, भलाई, विश्वास,

23 mansuetudo, fides, modestia, continentia, castitas. Adversus huiusmodi non est lex.

नम्रता, ते बरदाश केरनू; एरां कम्मां केरे खलाफ कोई कानून नईं।

24 Qui autem sunt Christi, carnem suam crucifixerunt cum vitiis, et concupiscentiis.

ते ज़ैना मसीह यीशु मां आन, तैनेईं जिसम तैसेरे खुवैइशन सेइं साथी क्रूसे पुड़ च़ाढ़ोरोए।

25 Si spiritu vivimus, spiritu et ambulemus.

अगर पवित्र आत्मां असन नव्वीं ज़िन्दगी दित्तोरीए, त पवित्र आत्मारे मुताबिक च़लम भी।

26 Non efficiamur inanis gloriae cupidi, invicem provocantes, invicem invidentes.

अस घमण्ड न केरम, अस एक्की होरि न सरकाम, ते एक्की होरि सेइं न जलन केरम।