Actuum Apostolorum 10
1 Vir autem quidam erat in Caesarea, nomine Cornelius, Centurio cohortis, quae dicitur Italica,
୧କାଇସରିୟା ନାଗାର୍ରେ କର୍ଣ୍ଣଲିୟ ନୁତୁମ୍ ମିଆଁଦ୍ ହଡ଼ ତାଇକେନାଏ, ଇନିଃ “ଇଟାଲିରେନ୍ ପାଲ୍ଟାନ୍” ନୁତୁମଃତାନ୍ ରୋମାନ୍ ପାଲ୍ଟାନ୍କଆଃ ମିଦ୍ଶାଅ ସିପାଇକଆଃ ଆଗୁଆଇ ତାଇକେନାଏ ।
2 religiosus, ac timens Deum cum omni domo sua, faciens eleemosynas multas plebi, et deprecans Deum semper:
୨ଇନିଃ ଧାର୍ମାନ୍ ହଡ଼ ତାଇକେନାଏ । ଇନିଃ ଆଡଃ ଆୟାଃ ଅଡ଼ାଃରେନ୍ ସବେନ୍କ ପାର୍ମେଶ୍ୱାର୍କେକ ବର ତାଇକେନା । ଇନିଃ ଗାରିବ୍ ଯିହୁଦୀ ହଡ଼କକେ ଦେଙ୍ଗାକତାନ୍ ତାଇକେନା ଆଡଃ ପାର୍ମେଶ୍ୱାର୍ତାଃରେ ସବେନ୍ ଇମ୍ତାଏ ବିନ୍ତିତାନ୍ ତାଇକେନା ।
3 is vidit in visu manifeste, quasi hora diei nona, Angelum Dei introeuntem ad se, et dicentem sibi: Corneli.
୩ମୁସିଙ୍ଗ୍ ତାର୍ସିଙ୍ଗ୍ ଆପି ଘାଡ଼ି ହବାଅଃତାଇକେନ୍ ଇମ୍ତାକରେ ଇନିଃ ମିଆଁଦ୍ ଦାର୍ଶାନ୍ରେ ପୁରା ନେଲ୍କେଦା ଯେ, ପାର୍ମେଶ୍ୱାର୍ଆଃ ମିଆଁଦ୍ ଦୁଁତ୍ ହିଜୁଃକେଦ୍ତେ ଇନିଃକେ ହାକାଅକିୟା, “ଏ କର୍ଣ୍ଣଲିୟ ।”
4 At ille intuens eum, timore correptus, dixit: Quis es, Domine? Dixit autem illi: Orationes tuae, et eleemosynae tuae ascenderunt in memoriam in conspectu Dei.
୪ଇନିଃ ବରତେ ଦୁଁତ୍ସାଃତେ ନେଲ୍କେଦା ଆଡଃ କାଜିକିୟାଏ, “ହେ ଗମ୍କେ, ଚିନାଃମ୍ କାଜିତାନା?” ଦୁଁତ୍ କାଜିରୁହାଡ଼୍କିୟାଏ, “ପାର୍ମେଶ୍ୱାର୍ ଆମାଃ ବିନ୍ତି ଆଡଃ ଦାନ୍ ଏମଃରେ ସୁକୁଆକାନା ଆଡଃ ଇନିଃ ଆମ୍କେ କାଜିରୁହାଡ଼୍ ନାଗେନ୍ତେ ସେକାଡ଼ାକାନା ।
5 Et nunc mitte viros in Ioppen, et accersi Simonem quendam, qui cognominatur Petrus:
୫ନାହାଁଃ ଶିମୋନ୍ ପାତ୍ରାସ୍ ନୁତୁମ୍ ମିଆଁଦ୍ ହଡ଼କେ କେଡ଼ାଆଉ ନାଗେନ୍ତେ ହଡ଼କକେ ଯୋପ୍ପାତେ କୁଲ୍କମେ ।
6 hic hospitatur apud Simonem quendam coriarium, cuius est domus iuxta mare: hic dicet tibi quid te oporteat facere.
୬ପାତ୍ରାସ୍ ଦରେୟା ଗେନାରେ ତାଇନ୍ତାନ୍ ଶିମୋନ୍ ନୁତୁମ୍ ମିଆଁଦ୍ ମୁଚିଆଃ ଅଡ଼ାଃରେ ପେଡ଼ାହଡ଼ ଲେକାଏ ତାଇକେନା ।”
7 Et cum discessisset Angelus qui loquebatur illi, vocavit duos domesticos suos, et militem metuentem Dominum ex his, qui illi parebant.
୭ନେଆଁ କାଜିକେଦ୍ତେ ଦୁଁତ୍ ସେନଃୟାନାଏ । ଏନ୍ତେ କର୍ଣ୍ଣଲିୟ ଆୟାଃ ଅଡ଼ାଃରେନ୍ ବାର୍ହଡ଼୍ ଦାସିକିନ୍କେ ଆଡଃ ମିଆଁଦ୍ ସିପାଇ, ଅକଏଚି ଧାର୍ମାନ୍ ହଡ଼ ତାଇକେନାଏ, ଇନିଃକେ କେଡ଼ାଆଉକିୟା ।
8 Quibus cum narrasset omnia, misit illos in Ioppen.
୮ଇନିଃ ଇନ୍କୁକେ ସବେନାଃ ଉଦୁବ୍କେଦ୍ତେ ଯୋପ୍ପାତେ କୁଲ୍କେଦ୍କଆ ।
9 Postera autem die iter illis facientibus, et appropinquantibus civitati, ascendit Petrus in superiora ut oraret circa horam sextam.
୯ଏଟାଃ ହୁଲାଙ୍ଗ୍ ଇନ୍କୁ ଯୋପ୍ପା ସାହାର୍ତେ ସେଟେରଃତାନ୍ ଇମ୍ତା ପାତ୍ରାସ୍ ମାହାଲା ଅଡ଼ାଃରେୟାଃ ଚେତାନ୍ କୁଠାତେ ବିନ୍ତି ନାଙ୍ଗ୍ ସେନ୍କେନାଏ । ଇମ୍ତାକ ତିକିନ୍ସିଙ୍ଗି ହବାଅଃ ତାଇକେନା ।
10 Et cum esuriret, voluit gustare. Parantibus autem illis, cecidit super eum mentis excessus:
୧୦ପାତ୍ରାସ୍କେ ପୁରାଃଗି ରେଙ୍ଗେଃକିଃ ହରାତେ ଜେତ୍ନାଃ ଜମ୍ନାଙ୍ଗ୍ ସାନାଙ୍ଗ୍କିୟା । ଜମେୟାଃଁ ସେକାଡ଼ଃତାଇକେନ୍ ଇମ୍ତା ଇନିଃ ମିଆଁଦ୍ ଦାର୍ଶାନ୍ ନାମ୍କେଦାଏ ।
11 et vidit caelum apertum, et descendens vas quoddam, velut linteum magnum, quattuor initiis submitti de caelo in terram,
୧୧ଇନିଃ ସିର୍ମା ନିଜାକାନ୍ ଆଡଃ ଏନାଏତେ ମିଆଁଦ୍ ମାରାଙ୍ଗ୍ ଚାଦାର୍ ଲେକା ଉପୁନିୟା କଚାରେ ଡୁଙ୍ଗାକେଦ୍ତେ ଅତେ ଚେତାନ୍ତେ ଆଡ଼୍ଗୁଃତାନାଏ ନେଲ୍କେଦା ।
12 in quo erant omnia quadrupedia, et serpentia terrae, et volatilia caeli.
୧୨ଏନାରେ ଚିମିନ୍ ରାକାମ୍ରେନ୍ ଜାଁତୁ, ଅତେରେ ରେଙ୍ଗାଅଃତାନ୍ ଜାଁତୁ ଆଡଃ ବିର୍ରେନ୍ ଅଡ଼େକ ତାଇକେନା ।
13 Et facta est vox ad eum: Surge Petre, occide, et manduca.
୧୩ଆଡଃ ଇନିଃ ମିଆଁଦ୍ ଲାବ୍ଜା ଆୟୁମ୍କେଦାଏ, “ଏ ପାତ୍ରାସ୍, ବିରିଦ୍ମେ ଆଡଃ ଗଏଃକେଦ୍ତେ ଜମ୍କୁମ୍ ।”
14 Ait autem Petrus: Absit Domine, quia numquam manducavi omne commune, et immundum.
୧୪ମେନ୍ଦ ପାତ୍ରାସ୍ କାଜିକେଦାଏ, “କାହାଗି, ପ୍ରାଭୁ, ଆଇଙ୍ଗ୍ ଚିଉଲାଅଗି କା ଫାର୍ଚିୟାକାନ୍ ଚାଏ ସତ୍ରାକାନ୍ ଜମେୟାଁଃ କାଇଙ୍ଗ୍ ଜମାକାଦା ।”
15 Et vox iterum secundo ad eum: Quod Deus purificavit, tu commune ne dixeris.
୧୫ଇନିଃ ଆଡଃମିସା ଏନ୍ ଲାବ୍ଜା ଆୟୁମ୍କେଦାଏ, “ପାର୍ମେଶ୍ୱାର୍ ଅକ୍ନାଃକେ ଫାର୍ଚିକାଦା, ଆମ୍ ଏନାକେ କା ଫାର୍ଚି ମେନ୍ତେ ଆଲମ୍ କାଜିୟା ।”
16 Hoc autem factum est per ter: et statim receptum est vas in caelum.
୧୬ନେ'ଲେକା ଆପିସାତେ ହବାୟାନ୍ ତାୟମ୍ତେ, ଚାଦାର୍ ଇମ୍ତାଗି ସିର୍ମାତେ ରାକାବ୍ୟାନା ।
17 Et dum intra se haesitaret Petrus quidnam esset visio, quam vidisset: ecce viri, qui missi erant a Cornelio, inquirentes domum Simonis, astiterunt ad ianuam.
୧୭ପାତ୍ରାସ୍ ଆୟାଃ ଦାର୍ଶାନ୍ରେୟାଃ ମୁଣ୍ଡି ଉଡ଼ୁଃକେଦ୍ତେ ଆକ୍ଦାନ୍ଦାଅଃତାନ୍ ଇମ୍ତା, କର୍ଣ୍ଣଲିୟ ଅକନ୍ ହଡ଼କକେ କୁଲାକାଦ୍କ ତାଇକେନା, ଇନ୍କୁ ଶିମୋନ୍ଆଃ ଅଡ଼ାଃ ନେଲ୍ଉରମ୍କେଦ୍ତେ ଆୟାଃ ଅଡ଼ାଃରାଚାରେୟାଃ ବଲଦୁଆର୍ତାଃରେ ତିଙ୍ଗୁକାନ୍କ ତାଇକେନା ।
18 Et cum vocassent, interrogabant, si Simon, qui cognominatur Petrus, illic haberet hospitium.
୧୮ଇନ୍କୁ ହାକାଅକେଦ୍ତେ କୁଲିକେଦାକ, “ଶିମୋନ୍ ପାତ୍ରାସ୍ ନୁତୁମ୍ ମିଆଁଦ୍ ପେଡ଼ାହଡ଼ ନେତାଃରେ ମେନାଇୟାଚି?”
19 Petro autem cogitante de visione, dixit Spiritus ei: Ecce viri tres quaerunt te.
୧୯ପାତ୍ରାସ୍ ଇମ୍ତାଜାକେଦ୍ ଏନ୍ ଦାର୍ଶାନ୍ରେୟାଃ ମୁଣ୍ଡି ଆଟ୍କାର୍ଉରୁମେ ନାଗେନ୍ତେ ସାନାଙ୍ଗ୍ ତାଇକେନା, ଇମ୍ତା ଆତ୍ମା କାଜିକିୟାଏ, “ଆୟୁମ୍ଲେମ୍, ଆମ୍କେ ଆପିହଡ଼ ଦାଣାଁମେତାନାକ ।
20 Surge itaque, descende, et vade cum eis nihil dubitans: quia ego misi illos.
୨୦ଏନାତେ ମାର୍ ସେକାଡ଼୍କେଦ୍ତେ ଲାତାର୍ତେ ଆଡ଼୍ଗୁନ୍ମେ ଆଡଃ ଇନ୍କୁଲଃ ସେନ୍ ନାଗେନ୍ତେ ଆଲମ୍ ହିଚ୍କିଚାଃଅଆ, ଚିଆଃଚି ଆଇଙ୍ଗ୍ ଇନ୍କୁକେ କୁଲାକାଦ୍କଆଇଙ୍ଗ୍ ।”
21 Descendens autem Petrus ad viros, dixit: Ecce ego sum, quem quaeritis: quae causa est, propter quam venistis?
୨୧ଏନ୍ତେ ପାତ୍ରାସ୍ ଲାତାର୍ତେ ଆଡ଼୍ଗୁକେଦ୍ତେ ଇନ୍କୁକେ କାଜିକେଦ୍କଆ, “ଆପେ ଅକଏକେ ଦାଣାଁତାନାପେ ଇନିଃ ଆଇଙ୍ଗ୍ଗି ତାନିଙ୍ଗ୍, ଆପେ ଚିନାଃ ମେନ୍ତେପେ ହିଜୁଃକାନା?”
22 Qui dixerunt: Cornelius Centurio, vir iustus, et timens Deum, et testimonium habens ab universa gente Iudaeorum, responsum accepit ab Angelo sancto accersire te in domum suam, et audire verba abs te.
୨୨ଇନ୍କୁ କାଜିରୁହାଡ଼୍କିୟାକ, “ମିଦ୍ଶାଅ ସିପାଇକଆଃ ଆଗୁଆଇ କର୍ଣ୍ଣଲିୟ ଆଲେକେ କୁଲାକାଦ୍ଲେୟା । ଇନିଃ ମିହୁଡ଼୍ ଧାର୍ମାନ୍ ହଡ଼ ତାନିଃ । ଇନିଃ ପାର୍ମେଶ୍ୱାର୍କେ ବରୱାଇ ତାଇକେନା ଆଡଃ ସବେନ୍ ଯିହୁଦୀ ହଡ଼କ ଇନିଃକେ ମାଇନାଃକ । ପାର୍ମେଶ୍ୱାର୍ଆଃ ମିଆଁଦ୍ ପାବିତାର୍ ଦୁଁତ୍ କର୍ଣ୍ଣଲିୟକେ ଦାର୍ଶାନ୍ ଏମ୍କେଦ୍ତେ ଆମ୍କେ ଆୟାଃ ଅଡ଼ାଃତେ କେଡ଼ାଇଦିମେ ମେନ୍ତେ କାଜିକାଦା, ଜେ'ଲେକାଚି ଇନିଃ ଆମାଃତାଃଏତେ ଇତୁ ଦାଡ଼ିୟଃଆ ।”
23 Introducens ergo eos, recepit hospitio. Sequenti autem die surgens profectus est cum illis: et quidam ex fratribus ab Ioppe comitati sunt eum.
୨୩ପାତ୍ରାସ୍ ଇନ୍କୁକେ ଅଡ଼ାଃତେ କେଡ଼ାଇଦିକେଦ୍କଆ ଆଡଃ ଏନ୍ ନିଦା ଆୟାଃଲଃ ତାଇନ୍ ନାଗେନ୍ତେ ବିନ୍ତିକେଦ୍କଆ । ଏଟାଃ ହୁଲାଙ୍ଗ୍ ଇନିଃ ସେକାଡ଼୍କେଦ୍ତେ ଇନ୍କୁଲଃ ସେନଃୟାନାଏ । ଯୋପ୍ପାରେନ୍ ଚିମିନ୍ ବିଶ୍ୱାସୀକହଗି ଇନ୍କୁଲଃ ମିସାତେକ ସେନଃୟାନା ।
24 Altera autem die introivit Caesaream. Cornelius vero expectabat illos, convocatis cognatis suis, et necessariis amicis.
୨୪ଏନ୍ ହୁଲାଙ୍ଗ୍ରେୟାଃ ଏଟାଃ ହୁଲାଙ୍ଗ୍ରେ ଇନ୍କୁ କାଇସରିୟା ସାହାର୍ତେକ ସେଟେର୍ୟାନା । ଏନ୍ତାଃରେ କର୍ଣ୍ଣଲିୟ ଆୟାଃ ହଡ଼ପେଡ଼ାକକେ ଆଡଃ ଆୟାଃ ଗାତିକକେ ହାକାଅକେଦ୍ତେ ଇନ୍କୁକେ ତାଙ୍ଗିତାନ୍କ ତାଇକେନା ।
25 Et factum est cum introisset Petrus, obvius venit ei Cornelius, et procidens ad pedes eius adoravit.
୨୫ପାତ୍ରାସ୍ ଭିତାର୍ତେ ବଲତାନ୍ ତାଇକେନ୍ ଇମ୍ତା କର୍ଣ୍ଣଲିୟ ଇନିଃକେ ଦାରମିତାନ୍ଲଃ ଆୟାଃ କାଟା ସୁବାରେ ଉୟୁଃକେଦ୍ତେ ଜହାର୍କିୟା ।
26 Petrus vero elevavit eum, dicens: Surge, et ego ipse homo sum.
୨୬ମେନ୍ଦ ପାତ୍ରାସ୍ ଇନିଃକେ ବିରିଦ୍କେଦ୍ତେ କାଜିକିୟା, “ମାର୍ ତିଙ୍ଗୁନ୍ମେ, ଆଇଙ୍ଗ୍ହଁ ମିହୁଡ଼୍ ହଡ଼ ତାନିଙ୍ଗ୍ ।”
27 Et loquens cum illo intravit, et invenit multos, qui convenerant:
୨୭ପାତ୍ରାସ୍ କର୍ଣ୍ଣଲିୟଲଃ ଜାଗାର୍ତାନ୍ଲଃଗି ଅଡ଼ାଃତେ ବଲୟାନା । ଏନ୍ତାଃରେ ପୁରାଃ ହଡ଼କକେ ନେଲ୍କେଦ୍ତେ,
28 dixitque ad illos: Vos scitis quomodo abominatum sit viro Iudaeo coniungi, aut accedere ad alienigenam: sed mihi ostendit Deus, neminem communem aut immundum dicere hominem.
୨୮ଇନିଃ ଇନ୍କୁକେ କାଜିକେଦ୍କଆ, “ଆପେ ସବେନ୍କ ସାରିତାନାପେ, ମିଆଁଦ୍ ଯିହୁଦୀ ହଡ଼ ଆୟାଃ ଧାରାମ୍ ବିଶ୍ୱାସ୍ ଲେକାତେ ସାଅଁସାର୍ ହଡ଼କଲଃ କାଏ ଦୁବ୍ତିଙ୍ଗୁନା । ମେନ୍ଦ ପାର୍ମେଶ୍ୱାର୍ ଆଇଙ୍ଗ୍କେ ଉଦୁବ୍କାଦିୟାଁ, ଜେତାଏକେ କା ଫାର୍ଚି ଚାଏ ସତ୍ରା ମେନ୍ତେ ଆଲମ୍ କାଜିକଆ ।
29 Propter quod sine dubitatione veni accersitus. Interrogo ergo, quam ob causam accersistis me?
୨୯ଏନାମେନ୍ତେ ଆମ୍ ଚିମ୍ତା ଆଇଙ୍ଗ୍କେ କେଡ଼ାଆଉ ନାଙ୍ଗ୍ କାଜିକେଦାମ୍, ଆଇଙ୍ଗ୍ ଜେତ୍ନାଃ କା କାଜିକେଦ୍ତେଇଙ୍ଗ୍ ହିଜୁଃୟାନା । ଆଇଙ୍ଗ୍ ସାରି ନାଗେନ୍ତେଇଙ୍ଗ୍ ସାନାଙ୍ଗ୍ତାନା, ଆମ୍ ଚିନାଃମେନ୍ତେମ୍ କେଡ଼ାଆଉକାଦିୟାଁ?”
30 Et Cornelius ait: A nudiusquarta die usque ad hanc horam, orans eram hora nona in domo mea, et ecce vir stetit ante me in veste candida, et ait:
୩୦କର୍ଣ୍ଣଲିୟ କାଜିକିୟାଏ, “ଉପୁନ୍ମାହାଁଁରେ ଠିକ୍ ନେ ନେଡାରେ ତାର୍ସିଙ୍ଗ୍ ଆପି ଘାଡ଼ିକରେ ଆଇଙ୍ଗ୍ ଆଇଁୟାଃ ଅଡ଼ାଃରେ ବିନ୍ତି ତାଇକେନାଇଙ୍ଗ୍ । ଇମ୍ତାଙ୍ଗି ଝାକ୍ମାକ୍ ଲିଜାଃ ତୁସିଙ୍ଗ୍ୟାଁକାନ୍ ମିଆଁଦ୍ ହଡ଼ ଆଇଁୟାଃ ସାମ୍ନାଙ୍ଗ୍ରେ ତିଙ୍ଗୁୟାନା ଆଡଃ କାଜିକିୟାଁଏ,
31 Corneli, exaudita est oratio tua, et eleemosynae tuae commemoratae sunt in conspectu Dei.
୩୧‘ଏ କର୍ଣ୍ଣଲିୟ, ପାର୍ମେଶ୍ୱାର୍ ଆମାଃ ବିନ୍ତି ଆୟୁମାକାଦା ଆଡଃ ଗାରିବ୍ ହଡ଼କକେ ଦାନ୍ ଏମ୍ରେୟାଃ କାମିତେ ସୁକୁଆକାନା ।
32 Mitte ergo in Ioppen, et accersi Simonem, qui cognominatur Petrus: hic hospitatur in domo Simonis coriarii iuxta mare.
୩୨ଶିମୋନ୍ ପାତ୍ରାସ୍ ନୁତୁମ୍ ମିଆଁଦ୍ ହଡ଼କେ ଆଉ ନାଗେନ୍ତେ ଯୋପ୍ପା ସାହାର୍ତେ ଜେତାଏ ମିହୁଡ଼୍କେ କୁଲିପେ । ଇନିଃ ଦରେୟା ଗେନାରେ ତାଇନ୍ତାନ୍ ମୁଚି ଶିମୋନ୍ଆଃ ଅଡ଼ାଃରେ ପେଡ଼ାହଡ଼ ଲେକା ମେନାଇୟା ।’
33 Confestim ergo misi ad te: et tu benefecisti veniendo. Nunc ergo omnes nos in conspectu tuo adsumus audire omnia quaecumque tibi praecepta sunt a Domino.
୩୩ଏନ୍ତେ ଆଇଙ୍ଗ୍ ଇମ୍ତାଗି ଆମ୍କେ କେଡ଼ାଆଉ ନାଙ୍ଗ୍ ହଡ଼କଇଙ୍ଗ୍ କୁଲ୍କେଦ୍କଆ ଆଡଃ ଆମ୍ ଲିବୁଇତାନ୍ଲଃ ହିଜୁଃୟାନାମ୍ । ପ୍ରାଭୁ ଆମ୍କେ ଅକ୍ନାଃ କାଜି ନାଗେନ୍ତେ ଆଚୁକାଦ୍ମା, ଏନା ଆୟୁମ୍ ନାଗେନ୍ତେ ଆଲେ ନାହାଁଃ ସବେନ୍କ ନେତାଃରେଲେ ହୁଣ୍ଡିୟାକାନା ଆଡଃ ସାରିତାନାଲେ ପାର୍ମେଶ୍ୱାର୍ ଆଲେଲଃ ମେନାଇୟା ।”
34 Aperiens autem Petrus os suum, dixit: In veritate comperi quia non est personarum acceptor Deus,
୩୪ପାତ୍ରାସ୍ ଇତୁ ଏଟେଦ୍ତାନ୍ଲଃ କାଜିକେଦାଏ, “ନାହାଁଃ ଆଇଙ୍ଗ୍ ଆଟ୍କାର୍ ଉରୁମ୍କେଦାଇଙ୍ଗ୍ ଯେ ସାର୍ତିଗି ପାର୍ମେଶ୍ୱାର୍ ସବେନ୍କକେ ମିଦ୍ଜକାଗି ନେଲାଃଏ ।
35 sed in omni gente qui timet eum, et operatur iustitiam, acceptus est illi.
୩୫ଜେତାଏ ପାର୍ମେଶ୍ୱାର୍କେ ବରୱାଇୟା ଆଡଃ ଅକ୍ନାଃ ବୁଗିନାଃ ଏନା ରିକାଃଏ, ଇନିଃକେ ପାର୍ମେଶ୍ୱାର୍ ସୁକୁଃଆଏ । ଏନ୍ ହଡ଼ ଜେତା ଜାତିରେନ୍ ତାଇନଃରେୟ ବାୟୁଃଆ ।
36 Verbum misit Deus filiis Israel, annuncians pacem per Iesum Christum: (hic est omnium Dominus.)
୩୬ପାର୍ମେଶ୍ୱାର୍ ଇସ୍ରାଏଲ୍ ହଡ଼କତାଃତେ ଅକ କାନାଜି କୁଲାକାଦ୍ ତାଇକେନାଏ, ଏନାଗି ୟୀଶୁ ଖ୍ରୀଷ୍ଟ୍ଆଃ ହରାତେ ଉଦୁବାକାନ୍ ଜୀଉସୁକୁରାଃ ସୁକୁକାଜି ତାନାଃ ଆଡଃ ନେ ୟୀଶୁଗି ସବେନ୍କଆଃ ପ୍ରାଭୁ ତାନିଃ, ଏନାଦପେ ସାରିତାନା ।
37 Vos scitis quod factum est verbum per universam Iudaeam: incipiens enim a Galilaea post baptismum, quod praedicavit Ioannes,
୩୭ଯୋହାନ୍ ମନ୍ରୁହାଡ଼୍ରେୟାଃ ଆଡଃ ଦାଆଃରେ ବାପ୍ତିସ୍ମା ଇଦିରେୟାଃ କାନାଜି ଉଦୁବ୍କେଦ୍ ତାୟମ୍ତେ, ଗାଲିଲ୍ତାଃଏତେ ଏଟେଃକେଦ୍ତେ ଗଟା ଯିହୁଦା ଦିଶୁମ୍ରେ ସୁକୁକାଜି ଉଦୁବ୍ୟାନା, ଏନାଦପେ ସାରିତାନା ।
38 Iesum a Nazareth: quomodo unxit eum Deus Spiritu sancto, et virtute, qui pertransiit benefaciendo, et sanando omnes oppressos a diabolo, quoniam Deus erat cum illo.
୩୮ଆପେ ନାଜ୍ରେତ୍ରେନ୍ ୟୀଶୁଆଃ ବିଷାଏରେ ଆଡଃ ପାର୍ମେଶ୍ୱାର୍ ଚିଲ୍କା ୟୀଶୁଆଃ ଚେତାନ୍ରେ ପାବିତାର୍ ଆତ୍ମା ଆଡଃ ପେଡ଼େଃତେ ଆଭିଷେକ୍କିୟାଏ, ଏନାଦପେ ସାରିତାନା । ୟୀଶୁ ସବେନ୍ସାଃତେ ସେନ୍କେଦ୍ତେ ବୁଗିନାଃ କାମିକେଦାଏ ଆଡଃ ସାଏତାନ୍ତେ ଏସେରାକାନ୍ ହଡ଼କକେ ବୁଗିକେଦ୍କଆ, ଚିଆଃଚି ପାର୍ମେଶ୍ୱାର୍ ଇନିଃଲଃ ତାଇକେନାଏ ।
39 Et nos testes sumus omnium, quae fecit in regione Iudaeorum, et Ierusalem, quem occiderunt suspendentes in ligno.
୩୯ଯିହୁଦା ଦିଶୁମ୍ରେ ଆଡଃ ଯୀରୁଶାଲେମ୍ ଦିଶୁମ୍ରେ ଇନିଃ ଅକ କାମିକଏ କାମିକେଦା, ଏନ୍ ସବେନାଃରେୟାଃ ଆଲେ ଗାୱାତାନ୍ଲେ । ଏନ୍ତେ ୟୀଶୁକେ ଇନ୍କୁ କ୍ରୁଶ୍ରେ କିଲାକେଦ୍ତେ ଗଏଃକିୟାକ ।
40 Hunc Deus suscitavit tertia die, et dedit eum manifestum fieri
୪୦ମେନ୍ଦ ପାର୍ମେଶ୍ୱାର୍ ଇନିଃକେ ଆପିମାହାଁ ତାୟମ୍ତେ ଗନଏଃହେତେ ଜୀଉବିରିଦ୍କିୟା ଆଡଃ ହଡ଼କତାଃରେ ଉଦୁବେନ୍ଇଚିକିୟା ।
41 non omni populo, sed testibus praeordinatis a Deo: nobis, qui manducavimus, et bibimus cum illo postquam resurrexit a mortuis.
୪୧ଇନିଃ ସବେନ୍କତାଃରେଦ କାଏ ଉଦୁବେନ୍ୟାନା, ମେନ୍ଦ ପାର୍ମେଶ୍ୱାର୍ ଅକ ହଡ଼କକେ ଆୟାଃ ଗାୱା ଏମ୍ନାଙ୍ଗ୍ ସିଦାରେ ସାଲାକାଦ୍କ ତାଇକେନା, ଇନ୍କୁତାଃରେ ଏସ୍କାର୍ ଉଦୁବେନ୍ୟାନାଏ । ପାର୍ମେଶ୍ୱାର୍ ଇନିଃକେ ଗନଏଃହେତେ ଜୀଉବିରିଦ୍ୟାନ୍ ତାୟମ୍ତେ ଆଲେ ଇନିଃଲଃ ଜମ୍ ନୁଁକେଦାଲେ ।
42 Et praecepit nobis praedicare populo, et testificari quia ipse est, qui constitutus est a Deo iudex vivorum, et mortuorum.
୪୨ହଡ଼କତାଃରେ ସୁକୁକାଜି ଉଦୁବ୍ ନାଗେନ୍ତେ ଆଡଃ ପାର୍ମେଶ୍ୱାର୍ ଇନିଃକେ ଜୀନିଦ୍ ଆଡଃ ଗନଏଃ ହଡ଼କଆଃ ବିଚାର୍ ନାଗେନ୍ତେ ସାଲାକିୟା, ନେ କାଜିରେୟାଃ ଗାୱା ଏମ୍ ନାଗେନ୍ତେ ଇନିଃ ଆଲେକେ ଆଚୁକାଦ୍ଲେୟା ।
43 Huic omnes Prophetae testimonium perhibent remissionem peccatorum accipere per nomen eius omnes, qui credunt in eum.
୪୩ସବେନ୍ ନାବୀକ ଇନିୟାଃ ବିଷାଏରେ ଗାୱା ଏମ୍କେଦାକ, ଅକନ୍ ହଡ଼କ ଇନିଃତାଃରେକ ବିଶ୍ୱାସେୟା, ଇନ୍କୁ ଇନିୟାଃ ନୁତୁମ୍ରେୟାଃ ପେଡ଼େଃତେ ପାପ୍ ଛାମାକ ନାମେୟା ।”
44 Adhuc loquente Petro verba haec, cecidit Spiritus sanctus super omnes, qui audiebant verbum.
୪୪ପାତ୍ରାସ୍ ନେ କାଜି କାଜିତାନ୍ ଇମ୍ତା, ଇନିୟାଃ କାଜି ଆୟୁମ୍ତାନ୍ ସବେନ୍ ହଡ଼କଆଃ ଚେତାନ୍ରେ ପାବିତାର୍ ଆତ୍ମା ଆଡ଼୍ଗୁୟାନାଏ ।
45 Et obstupuerunt ex circumcisione fideles, qui venerant cum Petro: quia et in nationes gratia Spiritus sancti effusa est.
୪୫ପାର୍ମେଶ୍ୱାର୍ ସାଅଁସାର୍ ବିଶ୍ୱାସୀ ହଡ଼କକେୟଗି ପାବିତାର୍ ଆତ୍ମାରେୟାଃ ବାର୍ଦାନ୍ ଏମାକତାନାଏ, ଏନା ନେଲ୍କେଦ୍ତେ ପାତ୍ରାସ୍ଲଃ ହିଜୁଃକାନ୍ ଯୋପ୍ପା ସାହାର୍ରେନ୍ ଯିହୁଦୀ ବିଶ୍ୱାସୀକ ହାଏକାଟ୍ୟାନାକ ।
46 Audiebant enim illos loquentes linguis, et magnificantes Deum.
୪୬ଚିଆଃଚି ଯିହୁଦୀ ବିଶ୍ୱାସୀକ ଇନ୍କୁକେ ପାର୍ମେଶ୍ୱାର୍ଆଃ ମାନାରାଙ୍ଗ୍ ରିକାତାନ୍ ଆଡଃ ଏଟାଃ ଏଟାଃ ଜାଗାର୍ତେ କାଜିତାନ୍କ ଆୟୁମ୍କେଦ୍କଆ । ଏନ୍ତେ ପାତ୍ରାସ୍ କାଜିକେଦ୍କଆଏ,
47 Tunc respondit Petrus: Numquid aquam quis prohibere potest ut non baptizentur hi, qui Spiritum sanctum acceperunt sicut et nos?
୪୭“ଆବୁ ଲେକାଗି ନେ ହଡ଼କହ ପାବିତାର୍ ଆତ୍ମାକ ନାମ୍କିୟା । ଦାଆଃରେ ବାପ୍ତିସ୍ମା ଇଦି ନାଗେନ୍ତେ ଇନ୍କୁକେ ଚିନାଃ ଜେତାଏ ହକା ଦାଡ଼ିୟାଃକ?”
48 Et iussit eos baptizari in nomine Domini Iesu Christi. Tunc rogaverunt eum ut maneret apud eos aliquot diebus.
୪୮ଏନ୍ତେ ଇନିଃ ଇନ୍କୁକେ ୟୀଶୁ ଖ୍ରୀଷ୍ଟ୍ଆଃ ନୁତୁମ୍ତେ ଦାଆଃରେ ବାପ୍ତିସ୍ମା ଇଦି ନାଗେନ୍ତେ ଆଚୁକେଦ୍କଆ । ଏନ୍ତେ ଇନ୍କୁ ଇନିଃକେ ଆଡଃ ଚିମିନ୍ ଦିନ୍ ଇନ୍କୁଲଃ ତାଇନ୍ ନାଗେନ୍ତେ କାଜିକିୟାକ ।
