Lucam 17
1 Et ait ad discipulos suos: Impossibile est ut non veniant scandala: væ autem illi per quem veniunt.
And Jhesu seide to hise disciplis, It is impossible that sclaundris come not; but wo to that man, bi whom thei comen.
2 Utilius est illi si lapis molaris imponatur circa collum ejus, et projiciatur in mare quam ut scandalizet unum de pusillis istis.
It is more profitable to him, if a mylne stoon be put aboute his necke, and he be cast in to the see, than that he sclaundre oon of these litle.
3 Attendite vobis: Si peccaverit in te frater tuus, increpa illum: et si pœnitentiam egerit, dimitte illi.
Take ye hede you silf; if thi brothir hath synned ayens thee, blame hym; and if he do penaunce, foryyue hym.
4 Et si septies in die peccaverit in te, et septies in die conversus fuerit ad te, dicens: Pœnitet me, dimitte illi.
And if seuene sithis in the dai he do synne ayens thee, and seuene sithis in the dai he be conuertid to thee, and seie, It forthenkith me, foryyue thou hym.
5 Et dixerunt apostoli Domino: Adauge nobis fidem.
And the apostlis seiden to the Lord, Encrese to vs feith.
6 Dixit autem Dominus: Si habueritis fidem sicut granum sinapis, dicetis huic arbori moro: Eradicare, et transplantare in mare, et obediet vobis.
And the Lord seide, If ye han feith as the corn of seneuei, ye schulen seie to this more tre, Be thou drawun vp bi the rote, and be ouerplauntid in to the see, and it schal obeie to you.
7 Quis autem vestrum habens servum arantem aut pascentem, qui regresso de agro dicat illi: Statim transi, recumbe:
But who of you hath a seruaunt erynge, or lesewynge oxis, which seith to hym, whanne he turneth ayen fro the feeld, Anoon go, and sitte to mete;
8 et non dicat ei: Para quod cœnem, et præcinge te, et ministra mihi donec manducem, et bibam, et post hæc tu manducabis, et bibes?
and seith not to hym, Make redi, that Y soupe, and girde thee, and serue me, while Y ete and drynke, and aftir this thou schalt ete and drynke;
9 Numquid gratiam habet servo illi, quia fecit quæ ei imperaverat?
whether he hath grace to that seruaunt, for he dide that that he comaundide hym?
10 non puto. Sic et vos cum feceritis omnia quæ præcepta sunt vobis, dicite: Servi inutiles sumus: quod debuimus facere, fecimus.
Nay, Y gesse. So ye, whanne ye han don alle thingis that ben comaundid to you, seie ye, We ben vnprofitable seruauntis, we han do that that we ouyten to do.
11 Et factum est, dum iret in Jerusalem, transibat per mediam Samariam et Galilæam.
And it was do, the while Jhesus wente in to Jerusalem, he passide thorou the myddis of Samarie, and Galilee.
12 Et cum ingrederetur quoddam castellum, occurrerunt ei decem viri leprosi, qui steterunt a longe:
And whanne he entride in to a castel, ten leprouse men camen ayens hym, whiche stoden afer,
13 et levaverunt vocem, dicentes: Jesu præceptor, miserere nostri.
and reiseden her voys, and seiden, Jhesu, comaundoure, haue merci on vs.
14 Quos ut vidit, dixit: Ite, ostendite vos sacerdotibus. Et factum est, dum irent, mundati sunt.
And as he say hem, he seide, Go ye, `schewe ye you to the prestis. And it was don, the while thei wenten, thei weren clensid.
15 Unus autem ex illis, ut vidit quia mundatus est, regressus est, cum magna voce magnificans Deum,
And oon of hem, as he saiy that he was clensid, wente ayen, magnifiynge God with grete vois.
16 et cecidit in faciem ante pedes ejus, gratias agens: et hic erat Samaritanus.
And he fel doun on the face bifore hise feet, and dide thankyngis; and this was a Samaritan.
17 Respondens autem Jesus, dixit: Nonne decem mundati sunt? et novem ubi sunt?
And Jhesus answerde, and seide, Whether ten ben not clensid, and where ben the nyne?
18 Non est inventus qui rediret, et daret gloriam Deo, nisi hic alienigena.
There is noon foundun, that turnede ayen, and yaf glorie to God, but this alien.
19 Et ait illi: Surge, vade: quia fides tua te salvum fecit.
And he seide to hym, Rise vp, go thou; for thi feith hath maad thee saaf.
20 Interrogatus autem a pharisæis: Quando venit regnum Dei? respondens eis, dixit: Non venit regnum Dei cum observatione:
And he was axid of Farisees, whanne the rewme of God cometh. And he answerde to hem, and seide, The rewme of God cometh not with aspiyng,
21 neque dicent: Ecce hic, aut ecce illic. Ecce enim regnum Dei intra vos est.
nether thei schulen seie, Lo! here, or lo there; for lo! the rewme of God is with ynne you.
22 Et ait ad discipulos suos: Venient dies quando desideretis videre unum diem Filii hominis, et non videbitis.
And he seide to hise disciplis, Daies schulen come, whanne ye schulen desire to se o dai of mannus sone, and ye schulen not se.
23 Et dicent vobis: Ecce hic, et ecce illic. Nolite ire, neque sectemini:
And thei schulen seie to you, Lo! here, and lo there. Nyle ye go, nether sue ye;
24 nam, sicut fulgur coruscans de sub cælo in ea quæ sub cælo sunt, fulget: ita erit Filius hominis in die sua.
for as leyt schynynge from vndur heuene schyneth in to tho thingis that ben vndur heuene, so schal mannus sone be in his dai.
25 Primum autem oportet illum multa pati, et reprobari a generatione hac.
But first it bihoueth hym to suffre many thingis, and to be repreued of this generacioun.
26 Et sicut factum est in diebus Noë, ita erit et in diebus Filii hominis:
And as it was doon in the daies of Noe, so it schal be in the daies of mannys sone.
27 edebant et bibebant: uxores ducebant et dabantur ad nuptias, usque in diem, qua intravit Noë in arcam: et venit diluvium, et perdidit omnes.
Thei eeten and drunkun, weddiden wyues, and weren youun to weddyngis, til in to the dai in the whych Noe entride in to the schip; and the greet flood cam, and loste alle.
28 Similiter sicut factum est in diebus Lot: edebant et bibebant, emebant et vendebant, plantabant et ædificabant:
Also as it was don in the daies of Loth, thei eeten and drunkun, bouyten and seelden, plauntiden and bildiden; but the dai that Loth wente out of Sodome,
29 qua die autem exiit Lot a Sodomis, pluit ignem et sulphur de cælo, et omnes perdidit:
the Lord reynede fier and brymstoon fro heuene, and loste alle.
30 secundum hæc erit qua die Filius hominis revelabitur.
Lijk this thing it schal be, in what dai mannys sone schal be schewid.
31 In illa hora, qui fuerit in tecto, et vasa ejus in domo, ne descendat tollere illa: et qui in agro, similiter non redeat retro.
In that our he that is in the roof, and his vessels in the hous, come he not doun to take hem awei; and he that schal be in the feeld, also turne not ayen bihynde.
32 Memores estote uxoris Lot.
Be ye myndeful of the wijf of Loth.
33 Quicumque quæsierit animam suam salvam facere, perdet illam: et quicumque perdiderit illam, vivificabit eam.
Who euer seketh to make his lijf saaf, schal leese it; and who euer leesith it, schal quykene it.
34 Dico vobis: In illa nocte erunt duo in lecto uno: unus assumetur, et alter relinquetur:
But Y seie to you, in that nyyt twei schulen be in o bed, oon schal be takun, and the tothir forsakun;
35 duæ erunt molentes in unum: una assumetur, et altera relinquetur: duo in agro: unus assumetur, et alter relinquetur.
twei wymmen schulen be gryndynge togidir, `the toon schal be takun, and `the tother forsakun; twei in a feeld, `the toon schal be takun, and `the tother left.
36 Respondentes dicunt illi: Ubi Domine?
Thei answeren, and seien to hym, Where, Lord?
37 Qui dixit illis: Ubicumque fuerit corpus, illuc congregabuntur et aquilæ.
Which seide to hym, Where euer the bodi schal be, thidur schulen be gaderid togidere also the eglis.
