Job 32
1 Omiserunt autem tres viri isti respondere Job, eo quod justus sibi videretur.
Forsothe these thre men leften of to answere Joob, for he semyde a iust man to hem.
2 Et iratus indignatusque est Eliu filius Barachel Buzites, de cognatione Ram: iratus est autem adversum Job, eo quod justum se esse diceret coram Deo.
And Helyu, the sone of Barachel Buzites, of the kynrede of Ram, was wrooth, and hadde indignacioun; forsothe he was wrooth ayens Joob, for he seide hym silf to be iust bifor God.
3 Porro adversum amicos ejus indignatus est, eo quod non invenissent responsionem rationabilem, sed tantummodo condemnassent Job.
Sotheli Helyu hadde indignacioun ayens the thre frendis of hym, for thei hadden not founde resonable answere, but oneli hadde condempned Joob.
4 Igitur Eliu expectavit Job loquentem, eo quod seniores essent qui loquebantur.
Therfor Helyu abood Joob spekynge, for thei, that spaken, weren eldere men.
5 Cum autem vidisset quod tres respondere non potuissent, iratus est vehementer.
But whanne he hadde seyn, that thre men myyten not answere, he was wrooth greetly.
6 Respondensque Eliu filius Barachel Buzites, dixit: Junior sum tempore, vos autem antiquiores: idcirco, demisso capite, veritus sum vobis indicare meam sententiam.
And Helyu, the sone of Barachel Buzites, answeride, and seyde, Y am yongere in tyme, sotheli ye ben eldere; therfor with heed holdun doun Y dredde to schewe to you my sentence.
7 Sperabam enim quod ætas prolixior loqueretur, et annorum multitudo doceret sapientiam.
For Y hopide that lengere age schulde speke, and that the multitude of yeeris schulden teche wisdom.
8 Sed, ut video, spiritus est in hominibus, et inspiratio Omnipotentis dat intelligentiam.
But as Y se, spirit is in men, and the enspiryng `ether reuelacioun, of Almyyti God yyueth vndurstondyng.
9 Non sunt longævi sapientes, nec senes intelligunt judicium.
Men of long lijf ben not wise, and elde men vndurstonden not doom.
10 Ideo dicam: Audite me: ostendam vobis etiam ego meam sapientiam.
Therfor Y schal seie, Here ye me, and Y also schal schewe my kunnyng to you.
11 Expectavi enim sermones vestros; audivi prudentiam vestram, donec disceptaremini sermonibus;
For Y abood youre wordis, Y herde youre prudence, as long as ye dispuytiden in youre wordis.
12 et donec putabam vos aliquid dicere, considerabam: sed, ut video, non est qui possit arguere Job, et respondere ex vobis sermonibus ejus.
And as long as Y gesside you to seie ony thing, Y bihelde; but as Y se, `noon is of you, that may repreue Joob, and answere to hise wordis;
13 Ne forte dicatis: Invenimus sapientiam: Deus projecit eum, non homo.
lest perauenture ye seien, We han founde wisdom; God, and not man, hath cast hym awei.
14 Nihil locutus est mihi: et ego non secundum sermones vestros respondebo illi.
Joob spak no thing to me, and Y not bi youre wordis schal answere hym.
15 Extimuerunt, nec responderunt ultra, abstuleruntque a se eloquia.
Thei dredden, and answeriden no more, and token awei speche fro hem silf.
16 Quoniam igitur expectavi, et non sunt locuti: steterunt, nec ultra responderunt:
Therfor for Y abood, and thei spaken not, thei stoden, and answeriden no more; also Y schal answere my part,
17 respondebo et ego partem meam, et ostendam scientiam meam.
and Y schal schewe my kunnyng.
18 Plenus sum enim sermonibus, et coarctat me spiritus uteri mei.
For Y am ful of wordis, and the spirit of my wombe, `that is, mynde, constreyneth me.
19 En venter meus quasi mustum absque spiraculo, quod lagunculas novas disrumpit.
Lo! my wombe is as must with out `spigot, ether a ventyng, that brekith newe vessels.
20 Loquar, et respirabo paululum: aperiam labia mea, et respondebo.
Y schal speke, and brethe ayen a litil; Y schal opene my lippis, and Y schal answere.
21 Non accipiam personam viri, et Deum homini non æquabo.
Y schal not take the persoone of man, and Y schal not make God euene to man.
22 Nescio enim quamdiu subsistam, et si post modicum tollat me factor meus.
For Y woot not hou long Y schal abide, and if my Makere take me awei `after a litil tyme.
