Psalmorum 148

1 Alleluia. Laudate Dominum de cælis: laudate eum in excelsis.

Alleluja. [Laudate Dominum de cælis; laudate eum in excelsis.

2 Laudate eum omnes angeli eius: laudate eum omnes virtutes eius.

Laudate eum, omnes angeli ejus; laudate eum, omnes virtutes ejus.

3 Laudate eum sol et luna: laudate eum omnes stellæ, et lumen.

Laudate eum, sol et luna; laudate eum, omnes stellæ et lumen.

4 Laudate eum cæli cælorum: et aquæ omnes, quæ super cælos sunt,

Laudate eum, cæli cælorum; et aquæ omnes quæ super cælos sunt,

5 laudent nomen Domini. Quia ipse dixit, et facta sunt: ipse mandavit, et creata sunt.

laudent nomen Domini. Quia ipse dixit, et facta sunt; ipse mandavit, et creata sunt.

6 Statuit ea in æternum, et in sæculum sæculi: præceptum posuit, et non præteribit.

Statuit ea in æternum, et in sæculum sæculi; præceptum posuit, et non præteribit.

7 Laudate Dominum de terra, dracones, et omnes abyssi.

Laudate Dominum de terra, dracones et omnes abyssi;

8 Ignis, grando, nix, glacies, spiritus procellarum: quæ faciunt verbum eius:

ignis, grando, nix, glacies, spiritus procellarum, quæ faciunt verbum ejus;

9 Montes, et omnes colles: ligna fructifera, et omnes cedri.

montes, et omnes colles; ligna fructifera, et omnes cedri;

10 Bestiæ, et universa pecora: serpentes, et volucres pennatæ:

bestiæ, et universa pecora; serpentes, et volucres pennatæ;

11 Reges terræ, et omnes populi: principes, et omnes iudices terræ.

reges terræ et omnes populi; principes et omnes judices terræ;

12 Iuvenes, et virgines: senes cum iunioribus laudent nomen Domini:

juvenes et virgines; senes cum junioribus, laudent nomen Domini:

13 quia exaltatum est nomen eius solius.

quia exaltatum est nomen ejus solius.

14 Confessio eius super cælum, et terram: et exaltavit cornu populi sui. Hymnus omnibus sanctis eius: filiis Israel, populo appropinquanti sibi. Alleluia.

Confessio ejus super cælum et terram; et exaltavit cornu populi sui. Hymnus omnibus sanctis ejus; filiis Israël, populo appropinquanti sibi. Alleluja.]