Psalmorum 91

1 Laus Cantici David. Qui habitat in adiutorio Altissimi, in protectione Dei cæli commorabitur.

Laus Cantici David. Qui habitat in adiutorio Altissimi, in protectione Dei caeli commorabitur.

2 Dicet Domino: Susceptor meus es tu, et refugium meum: Deus meus sperabo in eum.

Dicet Domino: Susceptor meus es tu, et refugium meum: Deus meus sperabo in eum.

3 Quoniam ipse liberavit me de laqueo venantium, et a verbo aspero.

Quoniam ipse liberavit me de laqueo venantium, et a verbo aspero.

4 Scapulis suis obumbrabit tibi: et sub pennis eius sperabis:

Scapulis suis obumbrabit tibi: et sub pennis eius sperabis:

5 Scuto circumdabit te veritas eius: non timebis a timore nocturno,

Scuto circumdabit te veritas eius: non timebis a timore nocturno,

6 A sagitta volante in die, a negotio perambulante in tenebris: ab incursu, et dæmonio meridiano.

A sagitta volante in die, a negotio perambulante in tenebris: ab incursu, et daemonio meridiano.

7 Cadent a latere tuo mille, et decem millia a dextris tuis: ad te autem non appropinquabit.

Cadent a latere tuo mille, et decem millia a dextris tuis: ad te autem non appropinquabit.

8 Verumtamen oculis tuis considerabis: et retributionem peccatorum videbis.

Verumtamen oculis tuis considerabis: et retributionem peccatorum videbis.

9 Quoniam tu es Domine spes mea: Altissimum posuisti refugium tuum.

Quoniam tu es Domine spes mea: Altissimum posuisti refugium tuum.

10 Non accedet ad te malum: et flagellum non appropinquabit tabernaculo tuo.

Non accedet ad te malum: et flagellum non appropinquabit tabernaculo tuo.

11 Quoniam angelis suis mandavit de te: ut custodiant te in omnibus viis tuis.

Quoniam angelis suis mandavit de te: ut custodiant te in omnibus viis tuis.

12 In manibus portabunt te: ne forte offendas ad lapidem pedem tuum.

In manibus portabunt te: ne forte offendas ad lapidem pedem tuum.

13 Super aspidem, et basiliscum ambulabis: et conculcabis leonem et draconem.

Super aspidem, et basiliscum ambulabis: et conculcabis leonem et draconem.

14 Quoniam in me speravit, liberabo eum: protegam eum, quoniam cognovit nomen meum.

Quoniam in me speravit, liberabo eum: protegam eum, quoniam cognovit nomen meum.

15 Clamabit ad me, et ego exaudiam eum: cum ipso sum in tribulatione: eripiam eum et glorificabo eum.

Clamabit ad me, et ego exaudiam eum: cum ipso sum in tribulatione: eripiam eum et glorificabo eum.

16 Longitudine dierum replebo eum: et ostendam illi salutare meum.

Longitudine dierum replebo eum: et ostendam illi salutare meum.