Psalmorum 24

1 Prima sabbati, Psalmus David. Domini est terra, et plenitudo eius: orbis terrarum, et universi, qui habitant in eo.

psalmus David prima sabbati Domini est terra et plenitudo eius orbis terrarum et universi qui habitant in eo

2 Quia ipse super maria fundavit eum: et super flumina præparavit eum.

quia; ipse super maria fundavit eum et super flumina praeparavit eum

3 Quis ascendet in montem Domini? aut quis stabit in loco sancto eius?

quis ascendit in montem Domini aut quis stabit in loco sancto eius

4 Innocens manibus et mundo corde, qui non accepit in vano animam suam, nec iuravit in dolo proximo suo.

innocens manibus et mundo corde qui non accepit in vano animam suam nec iuravit in dolo proximo suo

5 Hic accipiet benedictionem a Domino: et misericordiam a Deo salutari suo.

hic accipiet benedictionem a Domino et misericordiam a Deo salvatore suo

6 Hæc est generatio quærentium eum, quærentium faciem Dei Iacob.

haec est generatio quaerentium eum quaerentium faciem Dei Iacob diapsalma

7 Attollite portas principes vestras, et elevamini portæ æternales: et introibit Rex gloriæ.

adtollite portas principes vestras et elevamini portae aeternales et introibit rex gloriae

8 Quis est iste rex gloriæ? Dominus fortis et potens: Dominus potens in prælio.

quis est iste rex gloriae Dominus fortis et potens Dominus potens in proelio

9 Attollite portas principes vestras, et elevamini portæ æternales: et introibit Rex gloriæ.

adtollite portas principes vestras et elevamini portae aeternales et introibit rex gloriae

10 Quis est iste rex gloriæ? Dominus virtutum ipse est Rex gloriæ.

quis est iste rex gloriae Dominus virtutum ipse est rex gloriae diapsalma