Psalmorum 114

1 Alleluia. In exitu Israel de Ægypto, domus Iacob de populo barbaro:

Alleluja. In exitu Israël de Ægypto, domus Jacob de populo barbaro,

2 Facta est Iudæa sanctificatio eius, Israel potestas eius.

facta est Judæa sanctificatio ejus; Israël potestas ejus.

3 Mare vidit, et fugit: Iordanis conversus est retrorsum.

Mare vidit, et fugit; Jordanis conversus est retrorsum.

4 Montes exultaverunt ut arietes: et colles sicut agni ovium.

Montes exsultaverunt ut arietes, et colles sicut agni ovium.

5 Quid est tibi mare quod fugisti: et tu Iordanis, quia conversus es retrorsum?

Quid est tibi, mare, quod fugisti? et tu, Jordanis, quia conversus es retrorsum?

6 Montes exultastis sicut arietes, et colles sicut agni ovium?

montes, exsultastis sicut arietes? et colles, sicut agni ovium?

7 A facie Domini mota est terra, a facie Dei Iacob.

A facie Domini mota est terra, a facie Dei Jacob:

8 Qui convertit petram in stagna aquarum, et rupem in fontes aquarum.

qui convertit petram in stagna aquarum, et rupem in fontes aquarum.