Psalmorum 113

1 Alleluia. Laudate pueri Dominum: laudate nomen Domini.

alleluia laudate pueri Dominum laudate nomen Domini

2 Sit nomen Domini benedictum, ex hoc nunc, et usque in sæculum.

sit nomen Domini benedictum ex hoc nunc et usque in saeculum

3 A solis ortu usque ad occasum, laudabile nomen Domini.

a solis ortu usque ad occasum laudabile nomen Domini

4 Excelsus super omnes gentes Dominus, et super cælos gloria eius.

excelsus super omnes gentes Dominus super caelos gloria eius

5 Quis sicut Dominus Deus noster, qui in altis habitat,

quis sicut Dominus Deus noster qui in altis habitat

6 et humilia respicit in cælo et in terra?

et humilia respicit in caelo et in terra

7 Suscitans a terra inopem, et de stercore erigens pauperem:

suscitans a terra inopem et de stercore erigens pauperem

8 Ut collocet eum cum principibus, cum principibus populi sui.

ut conlocet eum cum principibus cum principibus populi sui

9 Qui habitare facit sterilem in domo, matrem filiorum lætantem.

qui habitare facit sterilem in domo matrem filiorum laetantem