Psalmorum 101

1 Psalmus ipsi David. Misericordiam, et iudicium cantabo tibi Domine: Psallam,

David psalmus misericordiam et iudicium cantabo tibi Domine psallam

2 et intelligam in via immaculata, quando venies ad me. Perambulabam in innocentia cordis mei, in medio domus meæ.

et intellegam in via inmaculata quando venies ad me perambulabam in innocentia cordis mei in medio domus meae

3 Non proponebam ante oculos meos rem iniustam: facientes prævaricationes odivi.

non proponebam ante oculos meos rem iniustam facientes praevaricationes odivi non adhesit mihi

4 Non adhæsit mihi cor pravum: declinantem a me malignum non cognoscebam.

cor pravum declinante a me maligno non cognoscebam

5 Detrahentem secreto proximo suo, hunc persequebar. Superbo oculo, et insatiabili corde, cum hoc non edebam.

detrahentem secreto proximo suo hunc persequebar superbo oculo et insatiabili corde cum hoc non edebam

6 Oculi mei ad fideles terræ ut sedeant mecum: ambulans in via immaculata, hic mihi ministrabat.

oculi mei ad fideles terrae ut sederent mecum ambulans in via inmaculata hic mihi ministrabat

7 Non habitabit in medio domus meæ qui facit superbiam: qui loquitur iniqua, non direxit in conspectu oculorum meorum.

non habitabat in medio domus meae qui facit superbiam qui loquitur iniqua non direxit in conspectu oculorum meorum

8 In matutino interficiebam omnes peccatores terræ: ut disperderem de civitate Domini omnes operantes iniquitatem.

in matutino interficiebam omnes peccatores terrae ut disperderem de civitate Domini omnes operantes iniquitatem