Proverbiorum 13
1 Filius sapiens, doctrina patris: qui autem illusor est, non audit cum arguitur.
A wijs sone is the teching of the fadir; but he that is a scornere, herith not, whanne he is repreuyd.
2 De fructu oris sui homo satiabitur bonis: anima autem prævaricatorum iniqua.
A man schal be fillid with goodis of the fruit of his mouth; but the soule of vnpitouse men is wickid.
3 Qui custodit os suum, custodit animam suam: qui autem inconsideratus est ad loquendum, sentiet mala.
He that kepith his mouth, kepith his soule; but he that is vnwar to speke, schal feel yuels.
4 Vult et non vult piger: anima autem operantium impinguabitur.
A slow man wole, and wole not; but the soule of hem that worchen schal be maad fat.
5 Verbum mendax iustus detestabitur: impius autem confundit, et confundetur.
A iust man schal wlate a fals word; but a wickid man schendith, and schal be schent.
6 Iustitia custodit innocentis viam: impietas autem peccatorem supplantat.
Riytfulnesse kepith the weie of an innocent man; but wickidnesse disseyueth a synnere.
7 Est quasi dives cum nihil habeat: et est quasi pauper, cum in multis divitiis sit.
A man is as riche, whanne he hath no thing; and a man is as pore, whanne he is in many richessis.
8 Redemptio animæ viri, divitiæ suæ: qui autem pauper est, increpationem non sustinet.
Redempcioun of the soule of man is hise richessis; but he that is pore, suffrith not blamyng.
9 Lux iustorum lætificat: lucerna autem impiorum extinguetur.
The liyt of iust men makith glad; but the lanterne of wickid men schal be quenchid.
10 Inter superbos semper iurgia sunt: qui autem agunt omnia cum consilio, reguntur sapientia.
Stryues ben euere a mong proude men; but thei that don alle thingis with counsel, ben gouerned bi wisdom.
11 Substantia festinata minuetur: quæ autem paulatim colligitur manu, multiplicabitur.
Hastid catel schal be maad lesse; but that that is gaderid litil and litil with hond, schal be multiplied.
12 Spes, quæ differtur, affligit animam: lignum vitæ desiderium veniens.
Hope which is dilaied, turmentith the soule; a tre of lijf is desir comyng.
13 Qui detrahit alicui rei, ipse se in futurum obligat: qui autem timet præceptum, in pace versabitur. Animæ dolosæ errant in peccatis: iusti autem misericordes sunt, et miserantur.
He that bacbitith ony thing, byndith hym silf in to tyme to comynge; but he that dredith the comaundement, schal lyue in pees.
14 Lex sapientis fons vitæ, ut declinet a ruina mortis.
The lawe of a wise man is a welle of lijf; that he bowe awei fro the falling of deth.
15 Doctrina bona dabit gratiam: in itinere contemptorum vorago.
Good teching schal yyue grace; a swolowe is in the weie of dispiseris.
16 Astutus omnia agit cum consilio: qui autem fatuus est, aperit stultitiam.
A fel man doith alle thingis with counsel; but he that is a fool, schal opene foli.
17 Nuncius impii cadet in malum: legatus autem fidelis, sanitas.
The messanger of a wickid man schal falle in to yuel; a feithful messanger is helthe.
18 Egestas, et ignominia ei, qui deserit disciplinam: qui autem acquiescit arguenti, glorificabitur.
Nedynesse and schenschip is to him that forsakith techyng; but he that assentith to a blamere, schal be glorified.
19 Desiderium si compleatur, delectat animam: detestantur stulti eos, qui fugiunt mala.
Desir, if it is fillid, delitith the soule; foolis wlaten hem that fleen yuels.
20 Qui cum sapientibus graditur, sapiens erit: amicus stultorum similis efficietur.
He that goith with wijs men, schal be wijs; the freend of foolis schal be maad lijk hem.
21 Peccatores persequitur malum: et iustis retribuentur bona.
Yuel pursueth synneris; and goodis schulen be yoldun to iust men.
22 Bonus reliquit heredes filios, et nepotes: et custoditur iusto substantia peccatoris.
A good man schal leeue aftir him eiris, sones, and the sones of sones; and the catel of a synnere is kept to a iust man.
23 Multi cibi in novalibus patrum: et aliis congregantur absque iudicio.
Many meetis ben in the new tilid feeldis of fadris; and ben gaderid to othere men with out doom.
24 Qui parcit virgæ, odit filium suum: qui autem diligit illum, instanter erudit.
He that sparith the yerde, hatith his sone; but he that loueth him, techith bisili.
25 Iustus comedit, et replet animam suam: venter autem impiorum insaturabilis.
A iust man etith, and fillith his soule; but the wombe of wickid men is vnable to be fillid.
