Nehemiah 7

1 Inge musa ke pot uh safla, ac mutunpot nukewa oaki acn se, ac itukyang orekma lun mwet topang su forfor taran Tempul, oayapa ma kunen un mwet on ac mwet Levi saya.

2 Nga sang mwet luo in leum fin acn Jerusalem: sie pa Hanani, tamulel luk, ac sie pa Hananiah, captain lun un mwet mweun ke pot fulat lun siti uh. Hananiah el arulana akfulatye God in moul lal, oayapa lulalfongiyuk el yohk liki mwet saya nukewa.

3 Nga fahkang eltal in tia fuhlela mutunpot lun Jerusalem in ikak ke lotutang nwe ke faht uh takak, na in kauli ac srumasryukla meet liki mwet topang elos som liki kunokon lalos ke faht uh tili. Nga oayapa fahk tuh eltal in pakiya mwet topang ke mutunpot uh liki inmasrlon mwet su muta Jerusalem. Kutu selos kuneyuk in taran kais sie acn, ac mwet saya in foroht forma taran lohm selos sifacna.

4 Jerusalem sie siti na lulap, tusruktu tiana pus mwet muta we, ac soenna pus pac lohm musaiyuk we.

5 God El pirikyu nga in orani mwet uh wi mwet kol ac mwet fulat lalos, ac lohang nu ke ma simla ke takin sou lalos. Nga konauk ma simla kaclos su foloko emeet liki sruoh, ac pa inge ma kalem ke ma nga konauk uh:

6 Pus sin mwet sruoh elos som liki acn Babylon ac foloko nu Jerusalem ac Judah, kais sie nu in acn sel sifacna. Sou lalos elos tuh muta in sruoh Babylonia oe in pacl se Tokosra Nebuchadnezzar el tuh usalosla nu we.

7 Mwet kol lalos pa Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, ac Baanah.

8 Pa inge inen sou lulap lun Israel ac pisen mwet in kais sie sou su foloko liki sruoh: Parosh — 2,172

9 Shephatiah — 372

10 Arah — 652

11 Pahath Moab (in fwil natul Jeshua ac Joab) — 2,818

12 Elam — 1,254

13 Zattu — 845

14 Zaccai — 760

15 Binnui — 648

16 Bebai — 628

17 Azgad — 2,322

18 Adonikam — 667

19 Bigvai — 2,067

20 Adin — 655

21 Ater (su pangpang pac Hezekiah) — 98

22 Hashum — 328

23 Bezai — 324

24 Hariph — 112

25 Gibeon — 95

26 Mwet su mwet matu lalos tuh muta in siti inge wi pac foloko: mwet Bethlehem ac Netophah — 188

27 mwet Anathoth — 128

28 mwet Beth Azmaveth — 42

29 mwet Kiriath Jearim, Chephirah ac Beeroth — 743

30 mwet Ramah ac Geba — 621

31 mwet Michmash — 122

32 mwet Bethel ac Ai — 123

33 mwet Nebo se ngia — 52

34 mwet Elam se ngia — 1,254

35 mwet Harim — 320

36 mwet Jericho — 345

37 mwet Lod, Hadid, ac Ono — 721

38 mwet Senaah — 3,930

39 Pa inge inen sou lun mwet tol su foloko liki sruoh: Jedaiah (fwil natul Jeshua) — 973

40 Immer — 1,052

41 Pashhur — 1,247

42 Harim — 1,017

43 Sou lun mwet Levi su foloko liki sruoh: Jeshua ac Kadmiel (fwil natul Hodaviah) — 74

44 Mwet on lun Tempul, (fwil natul Asaph) — 148

45 Mwet topang ke mutunpot lun Tempul (fwil natul Shallum, Ater, Talmon, Akkub, Hatita, ac Shobai) — 138

46 Sou lun mwet orekma ke Tempul su foloko liki sruoh: Ziha, Hasupha, Tabbaoth,

47 Keros, Sia, Padon,

48 Lebana, Hagaba, Shalmai,

49 Hanan, Giddel, Gahar,

50 Reaiah, Rezin, Nekoda,

51 Gazzam, Uzza, Paseah,

52 Besai, Meunim, Nephushesim,

53 Bakbuk, Hakupha, Harhur,

54 Bazlith, Mehida, Harsha,

55 Barkos, Sisera, Temah,

56 Neziah, ac Hatipha.

57 Sou lun mwet kulansap lal Solomon su foloko liki sruoh: Sotai, Sophereth, Perida,

58 Jaalah, Darkon, Giddel,

59 Shephatiah, Hattil, Pochereth, Hazzebaim, ac Amon.

60 Pisa lulap ke mwet in fwil nutin mwet orekma ke Tempul ac mwet kulansap lal Solomon su foloko liki sruoh pa mwet tolfoko eungoul luo.

61 Oasr mwet foloko liki acn Tel Melah, Tel Harsha, Cherub, Addon, ac Immer, tusruktu elos tia ku in akpwayeye lah elos ma nutin mwet Israel.

62 Pisen mwet in fwil natul Delaiah, Tobiah, ac Nekoda, pa mwet onfoko angngaul luo.

63 Oayapa oasr mwet in sou lun mwet tol inge: fwil natul Hobaiah, Hakkoz ac Barzillai. (Papa matu tumun sou lal Barzillai el tuh payuk sin sie mutan ke sou lal Barzillai, sie mwet Gilead, na el tuh eis inen sou lun papa talupal.)

64 Mwet inge tuh suk inelos ke takin mwet matu lalos, tuh tiana konauk. Ke ma inge elos kofla in oaoayang nu ke mwet tol.

65 Governor lun mwet Jew fahk nu selos lah elos fah tia ku in ipeis ke mwe mongo mutal ma itukyang nu sin God nwe ke oasr sie mwet tol su ku in orekmakin Urim ac Thummim.

66 Pisa lulap ke mwet foloko liki sruoh — 42,360.

67 Mukul ac mutan kulansap lalos — 7,337 Mwet on mukul ac mutan — 245

68 Horse — 736 Miul — 245

69 Camel — 435 Donkey — 6,720

70 Mwet puspis elos orani mwe kasru in sang moli orekma in sifil musaeak Tempul: Governor 270 ounce in gold 50 pol lulap in alu 530 nuknuk loeloes lun mwet tol

71 Sifen sou 337 paun in gold 3,215 paun in silver

72 Mwet lula 337 paun in gold 2,923 paun in silver 67 nuknuk loeloes lun mwet tol

73 Mwet tol, mwet Levi, mwet topang ke pot lun Tempul, mwet on, mwet puspis sin mwet saya, mwet orekma lun Tempul, ac mwet Israel nukewa, elos oaki in acn in walil lun Judah.