ルカの福音書 9
1 彼は十二人を呼び集め，彼らにすべての悪霊たちに対する，またさまざまな疾患を治すための力と権威を与えた。
Jesus in a nungzui sawmleni te sia munkhat ah sam a, doai ngilo theampo tung ah ahizong, natna te damsak tu in ahizong, a vanglian thuneina pia hi.
2 神の王国を宣教し，病気をいやすために彼らを遣わした。
Tabang in Pathian kumpingam thuhil tu le cina te damsak tu in paisak hi.
3 彼らに言った，「旅のために何も持って行かないように。つえも，袋も，パンも，お金も，それぞれ二枚の上着も持ってはいけない。
Jesus in amate tung ah, Na khualhaw natu uh in bangma keng heak vun, ciangkhut ahizong, thung a hizing, anluum ahizong, dangka ahizong; puansil ni ahizong in keng heak vun.
4 どこでも家に入ったなら，そこにとどまり，そこから出発しなさい。
Koibang innsung ah na tum uh zong in, mundang na pai kik uh mateng tua inn ah tam nginge vun.
5 人々があなた方を受け入れないなら，その町から出発する時に，彼らに対する証言のため，あなた方の両足からそのちりさえも払い落としなさい」 。
Khat po note hong sang ngawl te sia, tua khua pan na pusua uh ciang in, na peang uh tung ah leivui te thin vun a, tate sia amate langpang in tetti te hi tu hi, ci hi.
6 彼らは去って行き，至る所で福音を宣教し，病気をいやしながら，村から村を巡って行った。
A nungzui te pai uh a, khuapi khat zawkciang khat pai in lungdamna thupha tangko uh hi, taciang mun theampo ah cina te damsak hi.
7 さて，領主ヘロデは，イエスによってなされたすべてのことを聞いて，ひどく当惑していた。というのは，ある人々はヨハネが死んだ者たちの中から生き返ったと言っており，
Ngam uk Herod in Jesus na vawt te a zak ciang in, thin ngim mama in om uh hi, banghangziam cile pawlkhat te in John hong thokik hi, ci uh hi.
8 またある人々はエリヤが表われたと言い，さらに別の人々は昔の預言者たちの一人が生き返ったと言っていたからである。
Mi pawlkhat te in, Elijah hong kilang zo hi; ci uh a, taciang ngualdang te in nidanglai kamsang te khat papo thokik hi, ci uh hi.
9 ヘロデは言った，「ヨハネならわたしが首をはねた。だが，わたしがこうしたうわさを聞くこの者はだれなのだろう」。彼はイエスを見たいと思った。
Herod in John i ngawng ka tan sa hi: ahihang hibang thu ka zak sia a kua ziam? ci a, mu nuam mama hi.
10 使徒たちは戻って来ると，自分たちが行なったことをイエスに告げた。 彼は彼らを連れて，ベツサイダと呼ばれる町の寂しい場所へ自分たちだけで引きこもった。
Sawltakte hong cia kik uh ciang in, amate vawt theampo Jesus tung ah son uh hi. Jesus in amate sia senneal om na mun Bethsaida ngamsung ah a tuam in paipui hi.
11 しかし群衆はそれに気づき，彼に従った。彼は彼らを喜んで迎え，神の王国について彼らに語り，いやしを必要としていた者たちを治した。
Taciang mipi te in a heak uh ciang in, zui uh a, Jesus in amate sang uh hi, taciang Pathian kumpingam thuhil uh a, damna a kisam te damsak uh hi.
12 日が傾き始めたので，十二人がやって来て彼に言った，「群衆を去らせて，彼らが周りの村や農園に行って，宿を取り，食べ物を得るようにさせてください。わたしたちはこんな寂しい場所にいるのですから」。
Ni tum tu kuan ciang in, nungzui sawmleni te Jesus kung ah hongpai uh a, mihonpi te khuapi sung le a kiimkot ngam tatuam ah pai in, ngia natu mun le an zong tu in paisak in: banghangziam cile eite senneal ngam ah i om hi, ci uh hi.
13 しかし彼は彼らに答えた，「あなた方が彼らに食べ物を与えなさい」 。 彼らは言った，「わたしたちには五つのパンと二匹の魚しかありません。わたしたちが行って，この人々すべてのために食べ物を買わない限りは」。
Ahihang Jesus in amate tung ah, Note in amate neak tu pia vun, ci hi. Amate in, hi mihing theampo atu pai in an lei ngawl in hileang, anluum nga le ngasa ni simngawl bangma i nei bua hi; ci uh hi.
14 というのは，およそ五千人の男たちがいたからである。 彼は弟子たちに言った，「彼らを五十人ぐらいずつ組にして座らせなさい」 。
Banghangziam cile amate sia pasal bebek tul nga kiim pha uh hi. Jesus in nungzui te tung ah, Amate sawm nga, sawm nga pawl in tosak vun, ci hi.
15 彼らはそのようにし，みんなを座らせた。
Tabang in a nungzui te in a sonbang in vawt uh a, a vekpi in tosak uh hi.
16 彼は五つのパンと二匹の魚を取り，天を見上げ，祝福してからパンを裂き，弟子たちに渡して群衆の前に置かせた。
Taciang Jesus in anluum nga le ngasa ni la a, vanlam en in thupha a piak zawkciang, phel a, mihonpi hawm tu in nungzui te kung ah pia hi.
17 みんなは食べて満ち足りた。彼らは残ったパン切れを十二のかごに集めた。
A vekpi khamtak in a neak tek zawk uh ciang in, a neakmong a val teng tawm uh a, bawm sawm le bawm ni dim hi.
18 彼がひとりで祈っていたとき，弟子たちが共にいた。そして彼は彼らに尋ねた，「群衆はわたしをだれだと言っているか」 。
Jesus ama nguak thu a nget laitak in, a nungzui te a kung ah om uh hi: taciang amate tung ah, Ngual in keima kua hong ci uh ziam? ci in dong hi.
19 彼らは答えた，「『バプテスマを施す人ヨハネ』，またほかの者たちは『エリヤ』と言い，さらにほかの者たちは，昔の預言者たちの一人が生き返ったのだと言っています」。
Amate in, tuiphumpa John; ahihang pawlkhat te in Elijah; hong ci uh hi, a dang pawlkhat te in, nidang lai kamsang khatpo hong thokik hi, hong ci uh hi, ci in zo uh hi.
20 彼は彼らに言った，「だが，あなた方はわたしをだれだと言うのか」 。 ペトロが答えた，「神のキリストです」。
Jesus in amate tung ah, Ahizong note in kua nong ci uh ziam? ci in a dok ciang in, Peter in, Pathian i Christ na hihi, ci in zo hi.
21 しかし彼は彼らを戒め，このことをだれにも告げないようにと命じて，
Taciang Jesus in tua thu kuama tung son ngawl tu in thupia a, a khotak in amate vaitha hi;
22 こう言った。「人の子は多くの苦しみを受け，長老たちや祭司長たちや律法学者たちから退けられ，かつ殺され，そして三日後に生き返らなければならない」 。
Mihing Tapa in tam mama thuak hamtang tu hi, taciang upa te, thiampi lian te le thukhamhil te in nial tu uh a, that tu uh hi, taciang nithum a cin ciang in thokik tu hi, ci hi.
23 彼は皆に言った，「だれでもわたしに付いて来たいと望むなら，その人は自分を否定し，自分の十字架を取り上げて，わたしに従いなさい。
Jesus in a vekpi tung ah, A kuamapo ka nung hong zui nuam le, ama le ama ki nial hen a, ama thinglamte nisim pua in, hong zui tahen.
24 自分の命を救いたいと望む者はそれを失うことになり，わたしのために自分の命を失う者はそれを救うことになるからだ。
Banghangziam cile a kuamapo in, ama nuntakna a ngum nuam peuma sum tu a: ahihang keima atu in, a nuntakna a sum peuma nungta tu hi.
25 人が全世界を手に入れても，それによって自分自身を失ったり，奪われたりするなら，何の益になるだろうか。
Mihing khat in leitung buppi a nei hial zong, ama nuntakna sum in bo hile, bang phattuamna om tu ziam?
26 わたしとわたしの言葉を恥じる者は，人の子もまた，自分の栄光，また父と聖なるみ使いたちとの栄光のうちに来るとき，その者を恥じるだろう。
Banghangziam cile, khatpo in keima le ka thu atu in a maizum le, mihing Tapa sia Ama, Pa le a thiangtho vantungmi te minthanna taw hongpai ciang in, mihing Tapa in zong ama atu maizum pui veve tu hi.
27 だが，真実にあなた方に告げる。ここに立っている者の中には，神の王国を見るまでは決して死を味わわない者たちがいる」 。
Ahihang, a mantak in kong ci ciang, hisung mun ah a ding pawlkhat te, Pathian kumpingam a mu uh mateng, thina tep tha ngawl tu hi, ci hi.
28 これらの話の八日後，彼はペトロとヨハネとヤコブを伴い，祈るために山に上った。
Hi thu te a son zawk ni liat ni ciang in, Peter, John le James te sam a, thungen tu in mualtung ah kato tek uh hi.
29 彼が祈っていると，顔の様子が変えられ，衣服は白く目もくらむほどになった。
Thu a nget laitak in, Jesus a maitang meal kikheal a a puan te taang in te liang hi.
30 見よ，二人の人がイエスと語り合っていたが，それはエリヤとモーセであった。
Taciang, en vun, mi ni in paupui hi, tuate sia Moses le Elijah te a hi uh hi:
31 栄光のうちに現われて，彼がエルサレムで遂げることになる出発について話していたのである。
Amate sia vangletna taw kilang a, Jerusalem ah a thi natu le a nasep a khuangkhim na tu thu son uh hi.
32 ペトロおよび彼と共にいた者たちはひどく眠かったが，すっかり目を覚ますと，彼の栄光と，彼と共に立っている二人の人を目にした。
Ahihang Peter le a kung a omte sia mutnuam mama uh a: a khuaphaw kik uhciang in, Jesus vangletna le a dinpui mi ni te mu uh hi.
33 二人が彼から去って行くとき，ペトロがイエスに言った，「師よ，わたしたちがここにいるのは良いことです。幕屋を三つ作りましょう。一つはあなたのため，一つはモーセのため，一つはエリヤのためです」。彼は自分が何を言っているのか分からなかった。
Amate Jesus kung pan a pai zawk uh ciang in, Peter in Jesus kung ah, Topa, hi mun ah om leang pha hi: buk thum sa tawng; khat nangma atu, khat Moses atu, khat Elijah atu, ci hi: Peter in bang son ci zong tel ngawl hi.
34 彼がこれらのことを言っているうちに，雲が起こって彼らを影で覆った。雲の中に入ったとき，彼らは恐れた。
Tabang a pau laitak in, meingo in amate tuam a: meingo sung a tum ciang in amate lau mama uh hi.
35 その雲から声がして言った，「これはわたしの愛する子である。この者に聞き従いなさい！」
Taciang meingo sung pan in aw khat in, hisia in ka it mama ka Tapa hi: a thu ni vun, ci hi.
36 この声がした時には，イエスだけがそこにいるのが分かった。彼らは沈黙を守り，目にした事柄をその当時はだれにも告げなかった。
Tua aw nging a bo ciang in, Jesus ama nguak bek mu uh hi. Taciang amate in phualseal uh a, a mu uh thu te kuama tung a son bua uh hi.
37 次の日，彼らが山から下りて来ると，大群衆が彼を迎えた。
A zingciang, amate mualtung pan a tuaksuk uh ciang in, mi tam mama in Jesus muak uh hi.
38 見よ，群衆の中の一人の男が叫んで言った，「先生，お願いですから，わたしの息子を見てやってください。わたしのひとり息子なのです。
Taciang, en vun, mipi sung pan in mikhat au a, Syapa awng, ka tapa hong etsak kapo in: banghangziam cile ama sia ka neisun ka tapa hi, ci hi.
39 ご覧ください，霊が取りつくと，彼は突然に叫び出すのです。そしてそれは彼にあわを吹かせながらけいれんさせ，なかなか離れないで，彼をひどく傷つけるのです。
Taciang, en in, doai in man a, upmawk ngawlbul in au hi; taciang puksak a, a kam pan cilphuan te pusuak za dong in, vawtsia a, pusuak kik vacit nuam ngawl hi.
40 わたしは，あなたの弟子たちにそれを追い出してくれるよう願いましたが，彼らにはできませんでした」。
Na nungzui te i hawlkhiatsak tu in ka nget hang; hawlkhia zo ngawl uh hi, ci hi.
41 イエスは答えた，「信仰のないねじ曲がった世代よ，いつまでわたしはあなた方と一緒にいて，あなた方のことを我慢しようか。あなたの息子をここに連れて来なさい」 。
Jesus in, Maw! upna nei ngawl le lamkhial te, banghun dong note taw hong om khawm tu khi ziam? banghun dong hong maisak lai tu khi ziam? Na tapa ka kung paipui tan, ci in zo hi.
42 その子がやって来る間，その悪霊は彼を投げ倒し，激しくけいれんさせた。しかしイエスはその汚れた霊をしかりつけ，その少年をいやし，彼をその父親に返した。
Tabang in Jesus kung ah patangno hong paipui ciang, doai ngilo in puksak a, a thangui ki kaikinsak hi. Jesus in doai ngilo tei a, patang pa damsak hi, taciang a pa kung ah ap kik hi.
43 みんなは神の尊厳に驚いた。 しかし，みんながイエスの行なったすべてのことに驚嘆している間に，彼は弟子たちに言った，
Amate a vekpi in Pathian i vangletna lian sia lamdangsa tek mama uh hi. Ahihang amate in Jesus vawt te theampo te lamdang asak mama uh laitak in, Jesus in a nungzui te tung ah,
44 「これらの言葉をあなた方の耳にしまっておきなさい。すなわち，人の子は人々の手に引き渡されるだろう」 。
Hi ka thuhil te na bilsung uh ah tum tahen: banghangziam cile mihing Tapa sia mihing te khutsung ah ap tu hi, ci hi.
45 しかし彼らはこの言葉を理解しなかった。彼らがそれを理解することがないように，それは彼らから隠されていた。また，彼らはこの言葉について彼に尋ねるのを恐れていた。
Ahizong a nungzui te in Jesus thuhil te a tel bua uh hi, amate kung pan in ki phualseal ahikom a tel bua uh hi: taciang a sonte zong a dong ngam bua uh hi.
46 彼らの間で，自分たちのうちでだれが一番偉いかという論争が生じた。
Tua zawkciang in, a nungzui te sia amate laklaw ah, a kua lianbel tu, ci ngaisun tek uh hi.
47 イエスは彼らの心の思いに気づき，幼子を連れて来て，自分のわきに立たせて，
Jesus in amate thinsung ngaisutna a heak ciang in, patang khat la a, a kung ah koi hi,
48 彼らに言った，「わたしの名のゆえにこのような幼子の一人を受け入れる者は，わたしを受け入れるのだ。わたしを受け入れる者は，わたしを遣わした方を受け入れるのだ。あなた方全員のうちで最も小さい者こそ偉いなのだ」 。
Amate tung ah, Khatpo in, ka min taw hi patangno a sang peuma keima hong sang a hihi: keima hong sang peuma in keima hong sawlpa a sang a hihi: banghangziam cile note sung ah, a nobel sia a lian hi tu hi, ci hi.
49 ヨハネが答えた，「師よ，わたしたちは，ある人があなたの名において悪霊たちを追い出しているのを見ました。それでわたしたちは，彼がわたしたちに従っていないので，彼をとどめました」。
John in, Topa awng, na min taw doai ngilo te hawlkhia khat ka mu uh a; tho khu hi, banghangziam cile kote taw hong kithawl ngawl hang hi, ci hi.
50 イエスは彼に言った，「彼をとどめてはいけない。わたしたちに逆らわない者は，わたしたちの味方なのだ」 。
Jesus in, Tho heak vun: banghangziam cile hong langpan ngawl peuma hong hu a hihi, ci hi.
51 イエスが上げられる日々が近づくと，彼はエルサレムに行くことに顔を一心に据えた。
Jesus sia van a ka tu hun hong nai ciang in, Jerusalem pai tu in a maitang khosak mama hi.
52 そして自分の面前に使者を遣わした。彼らは出て行き，彼のために準備をしようと，サマリア人の村に入った。
A mai ah kamtai paisak khol a, amate pai hi, taciang Ama atu kinging tu in Samaria khua khat ah tum hi.
53 彼らは彼を受け入れなかった。彼が顔をエルサレムに向けて旅行していたからである。
Ahihang tua khuasung mite in a sang bua uh hi, banghangziam cile a mai sia Jerusalem ah pai tu bang in a om hang a hihi.
54 それを見て，弟子たちのヤコブとヨハネは言った，「主よ，エリヤがしたとおり，天から火が下って彼らを滅ぼすよう，わたしたちが命じることをお望みですか」。
Hi thu a nungzui te James le John in a mu uh ciang in, Topa, Elijah in a vawt bang in, van pan in mei tak suk a, amate kangsiatsak tu in thu ka piak tu uh nong oai ziam? ci uh hi.
55 しかし彼は振り返って彼らをしかりつけた。「あなた方は自分たちがどんな性質なのか分かっていない。
Ahihang Jesus ki hei in, amate tei hi, Bangbang thaa nei nu ziam ci zong he ngawl nu hi.
56 人の子は人々の命を滅ぼすために来たのではなく，それらを救うために来たのだ」 。 彼らは別の村に向かった。
Banghangziam cile mihing Tapa sia mihing te nuntakna lalsak tu in hongpai ngawl hi, ahihang ngum tu in hongpai hi, ci hi.
57 彼らが進んで行くと，ある人が彼に言った，「あなたの行かれる所なら，どこへでも従って行きたいと思います，主よ」。
Amate lampi ah a pai uh laitak in, mi khat in, Topa, na pai na mun theampo ah hong zui tu khi hi, ci hi.
58 イエスは彼に言った，「キツネたちには穴があり，空の鳥たちには巣がある。だが，人の子には頭を横たえる所がない」 。
Taciang Jesus in ama tung ah, Ngia te in kua nei a, van a vacim te in bu nei hi; ahihang mihing Tapa in a lu ngakna tu zong nei ngawl hi, ci hi.
59 彼は別の者に言った，「わたしに従いなさい！」 しかし彼は言った，「主よ，まず，行ってわたしの父を葬ることをお許しください」。
Taciang a dang khat tung ah Jesus in, Hong zui tan, ci hi. Ahihang ama in, Topa awng, pai in ka pa hong vuisak phot tan, ci hi.
60 しかしイエスは彼に言った，「死んだ者たちに自分たちの死者を葬らせなさい。だが，あなたは行って神の王国を知らせなさい」 。
Jesus in ama tung ah, Mithi te sia mithi te in vui tahen: ahihang nang na hile pai in a, Pathian kumpingam thuhil in, ci hi.
61 さらに別の者が言った，「わたしはあなたに従いたいと思います，主よ。ですが，まず，わたしの家の者たちに別れを告げることをお許しください」。
Midang khat in, Topa awng, hong zui tu khi hi; ahihang ka inn ah pai in, innkuanpui te nukset in vaitha masa phot tu khi hi, ci hi.
62 しかしイエスは彼に言った，「手をすきにかけてから後ろを見る者は，だれも神の王国にふさわしくない」 。
Jesus in ama tung ah, A kuamapo nungsang en in lo a tho peuma, Pathian kumpingam atu in man na om ngawl hi, ci hi.
