ルカの福音書 4
1 イエスは聖霊に満ちてヨルダンから戻り，霊によって荒野の中を連れ回されて
Afei Yesu a Honhom Kronkron ahyɛ no ma no fii Asubɔnten Yordan ho maa Honhom no de no kɔɔ Yudea sare so.
2 四十日に及び，悪魔の誘惑を受けていた。それらの日々の間，何も食べなかった。そののち，その期間が終わると，空腹を感じた。
Ɛhɔ na ɔbonsam kɔsɔɔ no hwɛɛ adaduanan. Saa nna no mu no, wanni hwee. Na ɔkɔm dee no.
3 悪魔は彼に言った，「もしあなたが神の子なら，この石がパンになるように命じなさい」。
Ɔbonsam ka kyerɛɛ Yesu se, “Sɛ wone Onyankopɔn Ba no a, ka na saa abo yi nnan aduan.”
4 イエスは彼に答えて言った，「『人はパンだけで生きるのではなく，神のすべての言葉によって生きなければならない』と書いてある」 。
Yesu buaa no se, “Wɔakyerɛw se, ‘Ɛnyɛ aduan nko ara na ɛho hia onipa wɔ nʼasetena mu.’”
5 悪魔は彼を高い山の上に連れて行き，またたく間に世のすべての王国を見せた。
Ɔbonsam de Yesu kɔɔ bepɔw bi so kyerɛɛ no wiase ahenni nyinaa bere tiaa bi mu.
6 悪魔は彼に言った，「このすべての権力とこれらの栄光をあなたに与えよう。それはわたしに渡されており，わたしは自分が望む者にそれを与えるからだ。
Na ɔka kyerɛɛ Yesu se,
7 もしあなたがわたしを拝むなら，すべてはあなたのものになるだろう」。
“Sɛ wobɛkotow, asom me a, mede ahenni ahorow yi ne mu tumi ne anuonyam nyinaa a wɔde ahyɛ me nsa yi bɛma wo.”
8 イエスは彼に答えた，「サタンよ，わたしの後ろに下がれ！ 『あなたの神なる主をあなたは崇拝しなければならず，その方だけに仕えなければならない』と書いてあるからだ」 。
Yesu buaa no se, “Wɔakyerɛw se, ‘Som Awurade, wo Nyankopɔn, na ɔno nko ara na som no.’”
9 悪魔は彼をエルサレムに連れて来て，神殿の高い所に立たせて，彼に言った，「もしあなたが神の子なら，ここから下に身を投げなさい。
Afei, ɔbonsam de Yesu kɔɔ Yerusalem de no kogyinaa asɔredan a ɛwɔ hɔ no atifi pɛɛ, na ɔka kyerɛɛ no se, “Sɛ wone Onyankopɔn Ba no ampa ara a, gyaa wo ho fi nea wugyina hɔ to fam!
10 こう書いてあるからだ， 『神はあなたについてご自分のみ使いたちに指示をお与えになり，あなたを守られるだろう』，
Efisɛ wɔakyerɛw se, “‘Onyankopɔn bɛsoma nʼabɔfo abɛbɔ wo ho ban;
11 そして， 『彼らはその手であなたを支え，あなたが石に足を打ちつけることのないようにする』」。
na wɔabɛwɛn wʼakwan nyinaa mu; wɔde wɔn nsa bɛma wo so, na wo nan ampem ɔbo.’”
12 イエスは答えて彼に言った，「『あなたは，あなたの神なる主を試みてはならない』とも書いてある」 。
Yesu buaa no se, “Wɔakyerɛw se, ‘Nsɔ Awurade, wo Nyankopɔn nhwɛ.’”
13 悪魔はすべての誘惑を終え，別の時が来るまで彼から離れた。
Ɔbonsam wiee sɔhwɛ no nyinaa no, ogyaw no hɔ kɔe.
14 イエスは霊の力のうちにガリラヤに戻ったが，彼についての知らせは周囲の全地方に広がった。
Yesu san baa Galilea a na Honhom Kronkron ahyɛ no ma. Ankyɛ koraa na ne din trɛw faa ɔman no mu nyinaa.
15 すべての人から栄光を与えられながら，彼らの会堂で教えた。
Ɔkyerɛkyerɛɛ wɔ wɔn hyiadan mu maa obiara kamfoo no.
16 自分が育てられたナザレに来た。安息日に自分の習慣どおりに会堂に入り，朗読のために立ち上がった。
Yesu baa Nasaret, kurow a ne mmofraase wɔtetew no wɔ mu no mu. Na sɛnea ɔtaa yɛ no, ɔkɔɔ hyiadan mu homeda. Ɔsɔre kɔɔ anim sɛ ɔrekɔkenkan Kyerɛwsɛm.
17 預言者イザヤの書が彼に手渡された。彼はその書を開き，こう書かれている箇所を見つけた。
Wɔde Odiyifo Yesaia nhoma hyɛɛ ne nsa na obuee baabi a wɔakyerɛw se,
18 「主の霊がわたしの上にある。貧しい者たちに良いたよりを宣教するために，わたしに油を注いでくださったからだ。主はわたしを遣わされた。心の打ち砕かれた者たちをいやすため，捕らわれた者たちに解放を宣明するため，目の見えない者たちに視力の回復を宣明するため，圧迫されている者たちを解放するため，
“Awurade Honhom wɔ me so, na wɔafrɛ me sɛ memmɛka asɛmpa nkyerɛ ahiafo. Na menka nkyerɛ wɔn a wɔwɔ nnommum mu se, wobenya ahofadi, na anifuraefo ahu ade ama wɔn a wobu wɔn animtiaa nso anya anuonyam.
19 そして主の受け入れられる年を宣明するために」。
Honhom no asoma me sɛ memmɛka se, Awurade adom no aba.”
20 その書を閉じ，それを係の者に返して，腰を下ろした。会堂にいる皆の目が彼に注がれた。
Ɔtoo nhoma no mu de maa ɔhwɛfo no na ɔtenaa ase; na obiara a ɔwɔ hyiadan no mu hɔ no hwɛɛ no komm.
21 彼は彼らに告げ始めた，「この聖句は，あなた方が耳にしたこの日に果たされた」 。
Afei ɔka kyerɛɛ wɔn se, “Nnɛ na Kyerɛwsɛm no aba mu.”
22 皆は彼について良い証言をし，彼の口から出て行く数々の恵み深い言葉に驚いた。そして言った，「これはヨセフの子ではないか」。
Na kasa pa ne nsɛm ahorow a ɔkaa no yɛɛ wɔn a wɔtee nyinaa nwonwa ma wobisaa se, “Ɛnyɛ Yosef ba no ni?”
23 彼は彼らに言った，「あなた方はきっとこのたとえをわたしに告げるだろう，『医者よ，自分自身を治せ！ カペルナウムでなされたと聞いたことすべてを，ここ，あなたの故郷でもやってくれ』」 。
Yesu ka kyerɛɛ wɔn se, “Akyinnye biara nni ho sɛ mode bɛ yi bebu me sɛ, ‘Ɔyaresafo, sa wo ho yare. Nea yɛate afa wo ho sɛ woyɛɛ wɔ Kapernaum no, yɛ bi wɔ wo kurom ha.’
24 彼は言った，「本当にはっきりとあなた方に告げるが，自分の故郷で受け入れられた預言者はいない。
“Nanso mereka ama moate ase sɛ, Odiyifo biara nni anuonyam wɔ ne kurom.
25 そして，本当にあなた方に告げるが，エリヤの日々，天が三年と六か月の間閉じられ，大ききんが全地を襲ったとき，イスラエルには多くのやもめがいた。
Nokware ni, Elia bere so no, na mmea akunafo bebree wɔ Israelman mu. Saa bere no osu antɔ mfe abiɛsa ne asram asia enti ɛmaa ɔkɔm kɛse baa ɔman no nyinaa mu.
26 エリヤはそのうちのだれのもとにも遣わされず，ただシドンの地のザレファツに，やもめである一人の女のもとにだけ遣わされた。
Nanso Onyankopɔn ansoma Odiyifo Elia ankɔ obiara nkyɛn sɛ ɔbea kunafo a na ɔwɔ Sarepta a ɛwɔ Sidon no nkyɛn.
27 預言者エリシャの時に，イスラエルには多くのらい病人がいたが，彼らのうち一人も清められず，ただシリア人ナアマンだけが清められた」 。
Bio, saa bere no na akwatafo bebree wɔ Israelman mu, nanso Odiyifo Elisa ansa obiara yare sɛ ɔsahene Naaman a ofi Siriaman mu no nko ara.”
28 これらの事柄を耳にして，会堂にいた彼らは皆憤りに満たされた。
Nnipa a wɔwɔ hyiadan no mu tee ne nsɛm a ɔkae no, wɔn bo fuwii papaapa.
29 立ち上がって，彼を町の外に投げ出し，彼らの町の建っている丘のがけっぷちまで連れて行き，彼を絶壁から投げ落とそうとした。
Wɔde abufuw piapiaa no fii kurow no mu de no kɔɔ bepɔw a wɔn kurow da so no ano sɛ wɔrekɔwɔ nʼatiko ama wakɔhwe bepɔw no ase.
30 しかし彼は，彼らの真ん中を通り抜けて，去って行った。
Nanso ɔfaa wɔn mu kɔɔ ne baabi.
31 ガリラヤの町カペルナウムに下って行った。安息日に彼らを教えていたが，
Yesu kɔɔ Kapernaum a ɛwɔ Galilea. Ɔkyerɛkyerɛɛ nnipa no homeda biara.
32 人々は彼の教えに驚いた。その言葉には権威があったからである。
Ɛha nso ne nkyerɛkyerɛ no yɛɛ nkurɔfo no nwonwa efisɛ ɔkasaa wɔ tumi so.
33 会堂には汚れた悪霊の霊に付かれた男がいて，大声で叫んで
Na ɔbarima bi wɔ hyiadan no mu hɔ a honhommɔne ahyɛ no ma. Ohuu Yesu no, ɔteɛɛ mu se,
34 言った，「ああ！ ナザレ人イエスよ，わたしたちはあなたと何のかかわりがあるのか。わたしたちを滅ぼしに来たのか。わたしはあなたがだれだか知っている。神の聖なる方だ！」
“Yesu Nasareni, mmɛhaw yɛn. Yɛne wo nni hwee yɛ. Woaba sɛ worebɛsɛe yɛn ana? Minim onipa ko a woyɛ. Wone Onyankopɔn Ba Kronkronni no.”
35 イエスは彼をしかりつけて言った，「黙れ。この人から出て行け！」 悪霊は，人々の真ん中にその人を投げ倒すと，傷を負わせずに彼から出て行った。
Yesu hyɛɛ honhommɔne no se, “Tu fi ne mu kɔ!” Honhommɔne no de ɔbarima no hwee fam na etu fii ne mu kɔe a hwee anyɛ no.
36 驚きがすべての者に臨み，人々は互いに語り合って言った，「この言葉はいったい何だ。彼は汚れた霊に権威と力をもって命じる。すると彼らはこの人から出て行くのだ！」
Nnipa no nyinaa ho dwiriw wɔn, na wobisabisaa wɔn ho wɔn ho se, “Asɛm bɛn ni. Onipa bɛn ni a ɔde tumi ne ahoɔden teɛ ahonhommɔne ma wotie yi?”
37 彼についての知らせは，周囲の地方の至る所に伝わった。
Nea ɔyɛɛ yi ho asɛm trɛw faa ɔman no mu nyinaa.
38 彼は会堂から立ち上がり，シモンの家に入った。シモンのしゅうとめが高い熱で苦しんでいて，人々は彼女のことで彼に懇願した。
Yesu fii hyiadan no mu no, ɔkɔɔ Simon fi kɔtoo sɛ atiridiinini abɔ Simon asebea. Nnipa a wɔwɔ hɔ no srɛɛ no sɛ ɔnsa no yare.
39 彼は彼女のそばに立ち，熱をしかりつけた。すると熱は引いた。すぐに彼女は起き上がって彼らに仕えた。
Ɔkɔɔ nea ɔda hɔ kogyinaa ne nkyɛn, teɛɛ ɔyare no ma egyaee amono mu hɔ ara ma ɔsɔre maa wɔn aduan dii.
40 日が沈むと，さまざまな疾患を持つ病人を抱えている者たちが皆，彼らを彼のもとに連れて来た。彼は，そのひとりひとりの上に両手を置いて，彼らをいやした。
Onwini dwoe no, wɔde ayarefo pii bae se, Yesu nsa wɔn yare. Ɔde ne nsa guu wɔn so saa wɔn yare.
41 悪霊たちも，「あなたは神の子キリストだ！」と叫んで言いながら，多くの人々から出て来た。彼は彼らをしかりつけ，彼らが語ることを許さなかった。彼らが彼はキリストだと知っていたからである。
Ahohommɔne fii nnipa no pii mu a na wɔreteɛteɛ mu se, “Wone Onyankopɔn Ba no.” Nanso Yesu kaa wɔn anim, hyɛɛ wɔn sɛ wommua wɔn ano, efisɛ na ahonhommɔne no nim sɛ ɔno ne Kristo no.
42 朝になると，彼は出発し，人の住んでいない場所に行ったが，群衆が彼を探し回り，彼のもとにやって来て，自分たちのところから去って行かないよう彼を引き留めた。
Ade kyee no, Yesu tew ne ho kɔɔ sare so baabi a ɛhɔ yɛ dinn. Nkurɔfo no kyin hwehwɛɛ no na wohuu no no, wɔsrɛɛ no sɛ ɔntena wɔn nkyɛn wɔ Kapernaum hɔ.
43 しかし，彼は彼らに言った，「わたしはほかの町々にも神の王国の良いたよりを宣教しなければならない。わたしはそのために遣わされたからだ」 。
Yesu ka kyerɛɛ wɔn se, “Ɛsɛ sɛ meka asɛmpa a ɛfa Onyankopɔn ahenni ho no kyerɛ nkurow afoforo nso, efisɛ ɛno nti na wɔsomaa me.”
44 そして，ガリラヤの諸会堂で宣教していた。
Yesu kyinkyin Yudeaman no mu kɔɔ hyiadan ahorow mu kɔkaa asɛmpa no.
