ルカの福音書 3
1 さて，ティベリウス・カエサルの治世の第十五年，ポンティウス・ピラトがユダヤの総督，ヘロデがガリラヤの領主，その兄弟フィリポがイトゥリアとトラコニティスの領主，リュサニアスがアビレネの領主，
Chaka cha kumi na tano cha ulamusi wa Kaisali, yaani mwenye jwankulu che Tibelio, Pontio Pilato ŵaliji jwankulu jwa musi wa ku Yudea. Che Helode ŵaliji jwankulu jwa ku Galilaya ni nkulugwe che Filipo ŵaliji jwankulu jwa ku Itulea ni ku Tilakoniti. Ni che Lisania ŵaliji jwankulu jwa ku Abilene.
2 アンナスとカイアファスが大祭司であったころ，神の言葉が荒野でザカリアの子ヨハネに臨んだ。
Katema che Anasi ni che Kayafa paŵaliji achakulu ŵambopesi, liloŵe lya Akunnungu lyaichilile che Yohana mwana ju che Sakalia kwipululu kula.
3 彼はヨルダン周辺の全地方に行って，罪の許しのための悔い改めのバプテスマを宣教していた。
Nipele che Yohana ŵajawile mbande syose sisili mumpika mwa lusulo lwa Yolodani. Ŵaliji nkutangasya kuti ŵandu aleche kwaleŵela Akunnungu ni kubatiswa kuti Akunnungu ŵalechelesye sambi syao.
4 預言者イザヤの言葉の書の中にこう書かれているとおりである。 「荒野で叫ぶ者の声がする，『主の道を整えよ。その道筋をまっすぐにせよ。
Mpela itite pakulembekwa mu malembo ga jwakulondola jwa Akunnungu che Isaya kuti, “Mundu akunyanyisya mwipululu, ‘Mwakolochesye Ambuje litala lyao, ngolosye mwakusaka kupita.
5 すべての谷間は埋められるだろう。すべての山と丘とは低くされるだろう。曲がったところはまっすぐにされ，でこぼこの道は平らにされるだろう。
Machemba gose gauchilwe, ikwesya ni itumbi iŵe yekolosye uchenene, papapindiche pagolochekwe, ni matala gagali ni tusimbo gakolochekwe uchenene.
6 すべての肉なる者は神の救いを見るだろう』」。
Ni ŵandu wose chauwone ukulupusyo kutyochela kwa Akunnungu.’”
7 そこで彼は，彼からバプテスマを受けようとして出て来た群衆に言った， 「マムシらの子孫よ，来ようとしている憤りから逃れるようにと，だれがあなた方に告げたのか。
Che Yohana ŵaasalile ŵandu ŵajinji uŵaiche achisakaga kubatiswa achitiji, “Ŵanyamwe uŵelesi wa lijoka! Ŵaani ŵansalile kuti chinkombole kuutila uchimwa wa Akunnungu wauŵandichile kwika?
8 それなら，悔い改めにふさわしい実を生み出しなさい。『我々の父にアブラハムがいる』などと自分の内で言い始めてはいけない。あなた方に告げるが，神はこれらの石からでもアブラハムに子孫を起こすことができるのだ。
Mpela ila itela ya isogosi yaikusachilwa kusogola ni ŵanyamwe nnosye kwa isambo kuti nnesile sambi, nkatanda sambano kulisalila mmitima jenu kuti, ‘Tukwete ambuje ŵetu che Iblahimu!’ Ngunsalila kuti, Akunnungu akupakombola kugapanganya maganga ga gaŵe uŵelesi u che Iblahimu.
9 おのはすでに木々の根もとに置かれている。だから，良い実を生み出さない木はみな切り倒されて，火の中に投げ込まれるのだ」。
Sambano jino liŵago lili chile kata michiga ja itela, nipele, chitela chachili chose changasogola isogosi yambone chichigwisikwe ni kujasikwa pa mooto.”
10 群衆は彼に尋ねた，「わたしたちは何をすればよいのですか」。
Mpingo wa ŵandu ula wausisye, “Sambano tupanganye ichichi?”
11 彼は彼らに答えた，「二枚の上着を持っている者は，持っていない者に与えなさい。食物を持っている者も，同じようにしなさい」。
Che Yohana ŵajanjile, “Ŵaali ni minjilo jiŵili ŵagaŵile ŵanganakola mwinjilo ni ŵaali ni yakulya apanganye iyoyo peyo.”
12 徴税人たちもバプテスマを受けに来て，彼に言った，「先生，わたしたちは何をすればよいのですか」。
Nombe ŵakukumbikanya nsongo ŵaiche achisakaga kubatiswa, ŵausisye, “Jwakwiganya, noweji tupanganye ichichi?”
13 彼は彼らに言った，「自分に定められたより多くを取り立ててはいけない」。
Nombe ŵaasalile, “Nkapochela nsongo kupunda iŵannajisye.”
14 兵士たちも彼に尋ねて言った，「わたしたちについてはどうですか。わたしたちは何をすればよいのですか」。 彼は彼らに言った，「人から乱暴にゆすり取ったり，不当に非難したりしてはいけない。自分の給料で満足しなさい」。
Nombe ŵangondo ŵausisye, “Noweji tupanganye ichichi?” Nombe ŵajanjile, “Nkapokola mbiya kwa mundu jwalijose jula atamuno nkammechetela jwalijose jula ya unami. Njikute ni mbote syenu pesyo.”
15 民は待ち望んでおり，すべての者がヨハネについて，彼がキリストなのではないかと心の中で論じていたので，
Ŵandu wose ŵaliji nkulolela kwika kwa Nkulupusyo, ŵaliusyaga mmitima jao i che Yohana achitiji panepa ŵelewo ni Kilisito Nkulupusyo jwaŵalanjile Akunnungu.
16 ヨハネは皆に答えた，「わたしは確かに，あなた方に水でバプテスマを施しているが，わたしより強力な方が来られる。わたしはその方のサンダルの締めひもをほどくにも値しない。その方は，あなた方に聖霊と火でバプテスマを施すだろう。
Che Yohana ŵaajanjile wose, “Uneji ngumbatisya ni meesi, nambo atakwika jwali ni machili kuumbunda une, none nganguŵajilwa kugopola migoji ja italawanda yao. Ŵelewo chachimbatisya kwa Mbumu jwa Akunnungu ni kwa mooto.
17 あおり分けるものがその手にあり，その脱穀場をすっかりきれいにし，小麦をその倉に集め，もみ殻のほうは消すことのできない火で焼き尽くすだろう」。
Ŵelewo akwete lupeta mmakono mwao ali chile kupeta ngano, chakumbikanye ngano jambone ni kutaga mu ngokwe ni ikambi kuitinisya pa mooto wangasimika.”
18 こうして，他にも多くのことを勧めながら，民に良いたよりを宣教した。
Kwa maloŵe gane gamajinji che Yohana ŵachisisye ŵandu kuleka sambi kwa kwalalichila Ngani Jambone.
19 ところが，領主ヘロデは，自分の兄弟の妻ヘロディアに関して，またヘロデが行なったすべての悪いことに関して彼に戒められたので，
Nambo che Yohana ŵanjamwiche jwankulu che Helode ligongo lya kwajigala che Helodia ŵankwawo nkulugwe ni kwatenda ŵankwawo ni yose yangalumbana iŵaitesile.
20 それらのすべての行為に加えて，ヨハネをろうやに閉じ込めた。
Che Helode ŵapundangenye ungalimate kwa kwataŵa che Yohana mu nyuumba jakutaŵilwa.
21 民が皆バプテスマを受けている時のこと，イエスもバプテスマを受け，祈っていた。天が開いて，
Ŵandu wose paŵamasile kubatiswa, nombe Che Yesu ŵabatiswe. Paŵaliji nkupopela, kwinani kwaugwiche,
22 聖霊がハトのような姿で彼の上に下って来た。そして，天から出て来た声が言った，「あなたはわたしの愛する子，わたしの心にかなう者である」。
ni Mbumu jwa Akunnungu ŵantuluchile achiŵaga mpela njuŵa. Ni liloŵe lyapikaniche kutyochela kwinani lichitiji, “Mmwejo ni mwanangu nonyelwe nomwe.”
23 イエス自身は，教え始めた時およそ三十歳で，（一般の見方では）ヨセフの子，ヘリの子，
Che Yesu paŵatandite masengo gao ŵaŵandichile yaka selasini ni ŵandu ŵaganisisye kuti ŵelewo ŵaliji mwanagwao che Yusufu mwana ju che Heli.
24 マタトの子，レビの子，メルキの子，ヤナイの子，ヨセフの子，
Che Heli ŵaliji mwana ju che Matati ni che Matati ŵaliji mwana ju che Lawi ni che Lawi ŵaliji mwana ju che Meliki ni che Meliki mwana ju che Yanai ni che Yanai ŵaliji mwana ju che Yusufu ni,
25 マタティアの子，アモスの子，ナウムの子，エスリの子，ナガイの子，
che Yusufu ŵaliji mwana ju che Matatia ni che Matatia ŵaliji mwana ju che Amosi ni che Amosi ŵaliji mwana ju che Nahumu ni che Nahumu ŵaliji mwana ju che Hesli ni che Hesli ŵaliji mwana ju che Nagai ni,
26 マアトの子，マタティアの子，セメインの子，ヨセフの子，ユダの子，
che Nagai ŵaliji mwana ju che Maati ni che Maati ŵaliji mwana ju che Matatia ni che Matatia ŵaliji mwana ju che Semeini ni che Semeini ŵaliji mwana ju che Yoseki ni che Yoseki ŵaliji mwana ju che Yuda ni,
27 ヨハナンの子，レサの子，ゼルバベルの子，シャルティエルの子，ネリの子，
che Yuda ŵaliji mwana ju che Yohana ni che Yohana ŵaliji mwana ju che Lesa ni che Lesa ŵaliji mwana ju che Selubabeli ni che Selubabeli ŵaliji mwana ju che Sealitieli ni che Shelitieli ŵaliji mwana ju che Neli ni,
28 メルキの子，アディの子，コサムの子，エルモダムの子，エルの子，
che Neli ŵaliji mwana ju che Meliki ni che Meliki ŵaliji mwana ju che Adi ni che Adi ŵaliji mwana ju che Kosamu ni che Kosamu ŵaliji mwana ju che Elimadamu ni che Elimadamu ŵaliji mwana ju che Eli ni,
29 ヨサの子，エリエゼルの子，ヨリムの子，マタトの子，レビの子，
che Eli ŵaliji mwana ju che Yoshua ni che Yoshua ŵaliji mwana ju che Elieseli ni che Elieseli ŵaliji mwana ju che Yolimu ni che Yolimu ŵaliji mwana ju che Matati ni che Matati ŵaliji mwana ju che Lawi ni,
30 シメオンの子，ユダの子，ヨセフの子，ヨナンの子，エリアキムの子，
che Lawi ŵaliji mwana ju che Simoni ni che Simoni ŵaliji mwana ju che Yuda ni che Yuda ŵaliji mwana ju che Yusufu ni che Yusufu ŵaliji mwana ju che Yonamu ni che Yonamu ŵaliji mwana ju che Eliakimu ni,
31 メレアの子，メナンの子，マタタの子，ナタンの子，ダビデの子，
che Eliakimu ŵaliji mwana ju che Melea ni che Melea ŵaliji mwana ju che Mena ni che Mena ŵaliji mwana ju che Matata ni che Matata ŵaliji mwana ju che Natani ni che Natani ŵaliji mwana ju che Daudi ni,
32 エッサイの子，オベドの子，ボアズの子，サルモンの子，ナフションの子，
che Daudi ŵaliji mwana ju che Yese ni che Yese ŵaliji mwana ju che Obedi ni che Obedi ŵaliji mwana ju che Boasi ni che Boasi ŵaliji mwana ju che Salumoni ni che Salumoni ŵaliji mwana ju che Nashoni ni
33 アミナダブの子，アラムの子，ヨラムの子，ヘツロンの子，ペレツの子，ユダの子，
che Nashoni ŵaliji mwana ju che Aminadabu ni che Aminadabu ŵaliji mwana ju che Adimini ni che Adimini ŵaliji mwana ju che Alini ni che Alini ŵaliji mwana ju che Esloni ni che Esloni ŵaliji mwana ju che Pelesi ni che Pelesi ŵaliji mwana ju che Yuda ni
34 ヤコブの子，イサクの子，アブラハムの子，テラの子，ナホルの子，
che Yuda ŵaliji mwana ju che Yakobo ni che Yakobo ŵaliji mwana ju che Isaka ni che Isaka ŵaliji mwana ju che Iblahimu ni che Iblahimu ŵaliji mwana ju che Tela ni che Tela ŵaliji mwana ju che Naholi ni
35 セルグの子，レウの子，ペレグの子，エベルの子，シェラの子，
che Naholi ŵaliji mwana ju che Selugi ni che Selugi ŵaliji mwana ju che Leu ni che Leu ŵaliji mwana ju che Pelegi ni che Pelegi ŵaliji mwana ju che Ebeli ni che Ebeli ŵaliji mwana ju che Sala ni
36 カイナンの子，アルパクシャドの子，セムの子，ノアの子，レメクの子，
che Sala ŵaliji mwana ju che Kainamu ni che Kainamu ŵaliji mwana ju che Alufakisadi ni che Alufakisadi ŵaliji mwana ju che Shemu ni che Shemu ŵaliji mwana ju che Nuhu ni che Nuhu ŵaliji mwana ju che Lameki ni
37 メトセラの子，エノクの子，ヤレドの子，マハラルエルの子，カイナンの子，
che Lameki ŵaliji mwana ju che Metusela ni che Metusela ŵaliji mwana ju che Enoki ni che Enoki ŵaliji mwana ju che Yaledi ni che Yeledi ŵaliji mwana ju che Mahalaleli ni che Mahalaleli ŵaliji mwana ju che Kainamu ni
38 エノスの子，セツの子，アダムの子，神の子であった。
che Kainamu ŵaliji mwana ju che Enoshi ni che Enoshi ŵaliji mwana ju che Seti ni che Seti ŵaliji mwana ju che Adamu ni che Adamu ŵaliji jwa Akunnungu.
