ルカの福音書 14

1 彼が安息日にファリサイ人たちの支配者たちの一人の家に入った時のこと，彼らは彼の様子をうかがっていた。

Kwasekusithi ekungeneni kwakhe ngesabatha endlini yomunye wabakhulu kubaFarisi ukuthi adle isinkwa, bona basebemqaphela.

2 見よ，水腫をわずらっている人が彼の前にいた。

Njalo khangela, kwakukhona umuntu othile phambi kwakhe owayelombizankulu.

3 イエスはそれに応じて，律法の専門家たちやファリサイ人たちに話して，こう言った。「安息日にいやすことは許されているか」 。

UJesu wasephendula wakhuluma lezazumthetho labaFarisi, wathi: Kuvunyelwe yini ukusilisa ngesabatha?

4 だが，彼らは黙っていた。 彼はその人の手を取って，いやし，去らせた。

Kodwa bathula. Wasembamba wamsilisa wamyekela ukuthi ahambe.

5 彼らに答えた，「あなた方のうち，息子や牛が井戸の中に落ちた場合，安息日だからといってすぐに引き上げない者がいるだろうか」 。

Wasebaphendula esithi: Nguwuphi kini ongathi elobabhemi kumbe inkabi yakhe ewele emgodini, futhi angahle ayikhuphe ngosuku lwesabatha?

6 これらのことについても，彼らは彼に答えることができなかった。

Abasazange babuyisele impendulo kuye ngalezizinto.

7 招かれた人々が上席を選ぶ様子に気づくと，彼らにたとえで話して，こう言った。

Wasekhuluma umfanekiso kubo abanxusiweyo, ebona ukuthi bakhetha njani izihlalo zabahloniphekayo, wathi kubo:

8 「だれかから婚宴に招かれた時は，上席に着いてはいけない。あなたより身分の高い人も招かれているかも知れないからだ。

Nxa unxusiwe ngumuntu emtshadweni, ungahlali esihlalweni sabahloniphekayo; hlezi kukhona omkhulu kulawe onxusiweyo nguye,

9 そうすると，あなた方双方を招いた人がやって来て，『この人のために場所を空けてください』とあなたに告げるだろう。その時，あなたは恥をかきながら最も低い場所に着くことになる。

futhi okunxusileyo wena laye eze athi kuwe: Mxekele lo; khona uzaqala ukuhlala endaweni esekucineni usulenhloni.

10 だが，あなた方が招かれた時は，行って，最も低い場所に着きなさい。そうすれば，あなたを招いた人がやって来た時，『友よ，もっと高い方へ移ってください』とあなたに告げるだろう。その時，共に食卓に着いているみんなの前で，あなたは誉れを受けるだろう。

Kodwa nxa unxusiwe, hamba uhlale endaweni esekucineni; ukuze, nxa efika okunxusileyo, athi kuwe: Mngane, yenyukela ngaphezulu; khona kuzakuba ludumo kuwe phambi kwabo abahlezi ekudleni lawe.

11 だれでも自分を高くする者は低くされ，自分を低くする者は高くされるのだ」 。

Ngoba wonke oziphakamisayo uzathotshiswa, lozithobayo uzaphakanyiswa.

12 彼は自分を招いた人にも言った，「あなたが昼食や夕食を設ける時は，自分の友人たちも，兄弟たちも，親族たちも，富んでいる隣人たちも呼んではいけない。そうでないと。彼らも逆にもてなして，あなたに返礼することになるかも知れない。

Wasesithi lakulowo owayemnxusile: Nxa usenza ukudla kwemini loba ukudla kwantambama, unganxusi abangane bakho, loba abafowenu, loba izihlobo zakho, loba omakhelwane abanothileyo; hlezi labo babuye bakunxuse, futhi ukwenananiswa kwenziwe kuwe.

13 だが，あなたが祝宴を催す時には，貧しい人たち，足の不自由な人たち，また盲人たちを招きなさい。

Kodwa nxa usenza idili, nxusa abayanga, izilima, iziqhuli, iziphofu;

14 そうすれば，彼らはあなたに報いる手段がないので，あなたは幸いだ。あなたは義人たちの復活において報いを受けることになるからだ」 。

njalo uzabusiswa, ngoba abalalutho lokukwenanisa; ngoba uzakwenaniselwa ekuvukeni kwabalungileyo.

15 これらのことを聞くと，彼と共に食卓に着いていた者たちの一人が彼に言った，「神の王国で祝宴にあずかる人は幸いです！」

Kwathi omunye kwababehlezi laye ekudleni esezwile lezizinto wathi kuye: Ubusisiwe lowo ozakudla isinkwa embusweni kaNkulunkulu.

16 するとイエスは彼に言った，「ある人が盛大な晩さんを設けて，大勢の人々を招いた。

Kodwa wathi kuye: Umuntu othile wenza ukudla kwantambama okukhulu, wanxusa abanengi.

17 晩さんの時刻に自分の召使いたちを遣わして，招いておいた者たちに言った，『おいでください。もうすっかり整いましたから』。

Ngesikhathi sokudla kwantambama wasethuma inceku yakhe ukuthi ithi kwabanxusiweyo: Wozani, ngoba sekulungisiwe konke.

18 彼らは皆，いっせいに言い訳をし始めた。 「最初の者は彼に言った，『畑を買いましたので，見に行かなければなりません。どうぞお許しください』。

Kodwa bonke baqala omunye lomunye ukuzixolisela. Owokuqala wathi kuye: Ngithenge insimu, ngimele ukuhamba ngiyeyibona; ngiyakuncenga, akungixolisele.

19 「別の者は言った，『五くびきの牛を買いましたので，試しに行かなければなりません。どうぞお許しください』。

Lomunye wathi: Sengithenge izipane ezinhlanu zenkabi, ngiya ukuzilinga; ngiyakuncenga, akungixolisele.

20 「別の者は言った，『妻をめとりましたので，そのために参ることができません』。

Lomunye wathi: Sengithethe umfazi, ngakho ngingeze ngeza.

21 「召使いはやって来て，主人にこれらのことを告げた。すると家の主人は腹を立て，召使いに言った，『急いで町の通りや小道に出て行き，貧しい人たち，体の不自由な人たち，盲人たち，また足の不自由な人たちを連れて来なさい』。

Isibuyile leyonceku yayibikela lezizinto inkosi yayo. Wasethukuthela umninindlu wathi encekwini yakhe: Phuma ngokuphangisa uye emigwaqweni lendleleni zomuzi, ulethe abayanga lezilima leziqhuli leziphofu ubangenise lapha.

22 「召使いは言った，『ご主人様，おおせのとおりにしましたが，まだ場所が余っています』。

Inceku yasisithi: Nkosi, sekwenziwe njengokulaya kwakho, njalo indawo isesekhona.

23 「主人は召使いに言った，『大通りや垣根に出て行き，無理にでも人々を入って来させて，わたしの家がいっぱいになるようにしなさい。

Yasisithi inkosi encekwini: Phuma uye ezindleleni lezintangweni ubacindezele bangene, ukuze igcwaliswe indlu yami.

24 お前たちに告げるが，招かれていた者たちのうち，わたしの晩さんを味わう者はひとりもいないだろう』」 。

Ngoba ngithi kini: Kakho kulamadoda ayenxusiwe ozakuzwa ukudla kwami kwantambama.

25 さて，大群衆が彼と共に歩いていた。彼は振り向いて彼らに言った，

Kwakuhamba laye amaxuku amanengi; wasetshibilika wathi kuwo:

26 「だれでもわたしのもとに来て，自分の父，母，妻，子供たち，兄弟たち，姉妹たち，そうだ，自分の命さえも憎まない者は，わたしの弟子になることはできない。

Uba umuntu esiza kimi, futhi engazondi uyise, lonina, lomkakhe, labantwana, labafowabo, labodadewabo, yebo ngitsho leyakhe impilo, angebe ngumfundi wami.

27 だれでも自分の十字架を背負ってわたしの後に付いて来ない者は，わたしの弟子になることはできない。

Njalo loba ngubani ongathwali isiphambano sakhe angilandele, angebe ngumfundi wami.

28 あなた方のうちのだれが，塔を建てたいと望みながら，まず座って費用を計算し，それを完成させるだけのものがあるかを確かめないだろうか。

Ngoba nguwuphi kini, othi efuna ukwakha umphotshongo, ongaqali ahlale phansi, abale indleko, ukuthi ulakho yini okokuqedisa?

29 そうしないと，土台を据えただけで仕上げられなかった時，見ているすべての人が彼をあざけり始めて

Ukuze hlezi, kuthi esebekile isisekelo kodwa angabi lamandla okuqeda, bonke abakubonayo baqale ukumhleka,

30 言うことだろう，『この人は建て始めたが，仕上げることができなかった』。

besithi: Lumuntu waqala ukwakha, kodwa kabanga lamandla okuqeda.

31 あるいは，どんな王が，別の王と戦いを交えようとするときに，まず座って，二万人を率いて向かって来る者を，一万人で迎え撃つことができるかどうか，よく考えないだろうか。

Loba yiyiphi inkosi ezakuya empini imelene lenye inkosi engaqali ihlale phansi inakane ngokuthi ilamandla yini ngenkulungwane ezilitshumi okuhlangabezana laleyo eza ilenkulungwane ezingamatshumi amabili ukumelana layo?

32 もしできないのであれば，一方の者がまだ遠くにいる間に使者を送り，和平の条件を尋ねるのだ。

Kodwa uba kungenjalo, ingathi isekhatshana leyo, ithume amanxusa icele okokuthula.

33 そのようなわけで，だれでもあなた方のうちで自分の持ち物すべてを捨てない者は，わたしの弟子になることはできない。

Ngakho kunjalo wonke kini ongadeli konke alakho, angeke aba ngumfundi wami.

34 塩は良いものだ。だが塩の塩気が抜けて味がなくなったら，あなた方は何によって塩に味を付けるのか。

Itshwayi lihle; kodwa uba itshwayi seliduma, lizavuselelwa ngani?

35 それは土にもたい肥にも適さない。それは投げ出されるのだ。聞く耳のある者は聞きなさい」 。

Kalifanele lamhlabathi ledundulu lomquba; kodwa liyalahlwa ngaphandle. Olendlebe zokuzwa, akezwe.