Salmi 145

1 [Salmo di] lode, di Davide O DIO mio, Re mio, io ti esalterò; E benedirò il tuo Nome in sempiterno.

Pisarema rokurumbidza, raDhavhidhi. Ndichakukudzai, Mwari wangu Mambo; ndicharumbidza zita renyu nokusingaperi-peri.

2 Io ti benedirò tuttodì; E loderò il tuo Nome in sempiterno.

Ndichakurumbidzai mazuva ose, uye ndichakudza zita renyu nokusingaperi-peri.

3 Il Signore [è] grande, e degno di somma lode; E la sua grandezza non può essere investigata.

Jehovha mukuru uye akafanira kurumbidzwa; ukuru hwake hahunganzverwi nomunhu.

4 Un'età dopo l'altra predicherà le lodi delle tue opere; E gli uomini racconteranno le tue prodezze.

Rumwe rudzi rucharumbidza mabasa enyu kuno rumwe; vachareva zvamabasa enyu esimba.

5 Io ragionerò della magnificenza della gloria della tua maestà, E delle tue maraviglie.

Vachataura nezvokunaka kwokubwinya kwoumambo hwenyu, uye ndichafungisisa pamusoro pemabasa enyu anoshamisa.

6 E [gli uomini] diranno la potenza delle tue [opere] tremende; Ed io narrerò la tua grandezza.

Vanhu vachataura nezvesimba ramabasa enyu anotyisa, uye ndichaparidza mabasa enyu makuru.

7 Essi sgorgheranno la ricordanza della tua gran bontà, E canteranno con giubilo la tua giustizia.

Vachapemberera kuwanda kwokunaka kwenyu, uye vachaimba nomufaro pamusoro pokururama kwenyu.

8 Il Signore [è] grazioso, e pietoso; Lento all'ira, e di gran benignità.

Jehovha ane nyasha uye ane tsitsi, anononoka kutsamwa uye azere norudo.

9 Il Signore [è] buono inverso tutti; E le sue compassioni [son] sopra tutte le sue opere.

Jehovha akanaka kuna vose; uye ane nyasha pamusoro pezvose zvaakaita.

10 O Signore, tutte le tue opere ti celebreranno; E i tuoi santi ti benediranno:

Zvose zvamakaita zvichakurumbidzai, imi Jehovha; vatsvene venyu vachakukudzai.

11 Diranno la gloria del tuo regno; E narreranno la tua forza;

Vachataura nezvokubwinya kwoumambo hwenyu, uye vachataura nezvesimba renyu,

12 Per far note le tue prodezze, E la magnificenza della gloria del tuo regno a' figliuoli degli uomini.

kuitira kuti vanhu vose vazive nezvamabasa enyu makuru, nokunaka kwokubwinya kwoumambo hwenyu.

13 Il tuo regno [è] un regno di tutti i secoli, E la tua signoria [è] per ogni età.

Umambo hwenyu umambo hwokusingaperi, uye ushe hwenyu hunogara kusvikira kuzvizvarwa zvose. Jehovha akatendeka pavimbiso dzake dzose, uye ane rudo kuzvinhu zvose zvaakaita.

14 Il Signore sostiene tutti quelli che cadono, E rileva tutti quelli che dichinano.

Jehovha anotsigira vose vanowa, uye anosimudza vose vakakotamiswa pasi.

15 Gli occhi di tutti sperano in te; E tu dài loro il lor cibo al suo tempo.

Meso avose anotarira kwamuri, uye munovapa zvokudya zvavo nenguva yakafanira.

16 Tu apri la tua mano, E sazii di benevolenza ogni vivente

Munozarura ruoko rwenyu, uye munogutsa zvisikwa zvipenyu zvose nezvazvinoda.

17 Il Signore [è] giusto in tutte le sue vie, E benigno in tutte le sue opere.

Jehovha akarurama panzira dzake dzose, uye ane rudo kuzvinhu zvose zvaakaita.

18 Il Signore [è] presso di tutti quelli che l'invocano, Di tutti quelli che l'invocano in verità.

Jehovha ari pedyo navose vanodana kwaari, kuna vose vanodana kwaari muchokwadi.

19 Egli adempie il desiderio di quelli che lo temono, E ode il lor grido, e li salva.

Anozadzisa zvido zvaavo vanomutya; anonzwa kuchema kwavo uye anovaponesa.

20 Il Signore guarda tutti quelli che l'amano; E distruggerà tutti gli empi.

Jehovha anochengeta vose vanomuda, asi achaparadza vakaipa vose.

21 La mia bocca narrerà la lode del Signore; E ogni carne benedirà il Nome della sua santità In sempiterno.

Muromo wangu uchataura kurumbidzwa kwaJehovha. Zvisikwa zvose ngazvirumbidze zita rake dzvene nokusingaperi-peri.