Lamentazioni 5

1 Ricordati, Signore, di quanto ci è accaduto, guarda e considera il nostro obbrobrio.

Wee Jehova-rĩ, ririkana maũndũ marĩa matũkorete; ta rora wone gũconoka gwitũ.

2 La nostra eredità è passata a stranieri, le nostre case a estranei.

Igai riitũ nĩrĩneanĩtwo kũrĩ ageni, nayo mĩciĩ iitũ ĩgakĩneanwo kũrĩ andũ a kũngĩ.

3 Orfani siam diventati, senza padre; le nostre madri come vedove.

Nĩtũtuĩkĩte ciana cia ngoriai na ciana itarĩ na maithe, nao manyina maitũ magatuĩka ta atumia a ndigwa.

4 L'acqua nostra beviamo per denaro, la nostra legna si acquista a pagamento.

Maaĩ marĩa tũnyuuaga no tũgũrire; o na ngũ nĩkũgũra tũragũra.

5 Con un giogo sul collo siamo perseguitati siamo sfiniti, non c'è per noi riposo.

Arĩa matũingatithagia marĩ o magũrũ-inĩ maitũ; nĩtũnogete, na tũkaaga ũhurũko.

6 All'Egitto abbiamo teso la mano, all'Assiria per saziarci di pane.

Twĩneanĩte kũrĩ andũ a Misiri na a Ashuri nĩgeetha tuone irio cia gũtũigana.

7 I nostri padri peccarono e non sono più, noi portiamo la pena delle loro iniquità.

Maithe maitũ nĩmehirie na rĩu matirĩ ho, na ithuĩ nĩ ithuĩ tũraherithio handũ hao.

8 Schiavi comandano su di noi, non c'è chi ci liberi dalle loro mani.

Ngombo nĩcio itwathaga, na gũtirĩ mũndũ wa gũtũteithũra kuuma moko-inĩ ma cio.

9 A rischio della nostra vita ci procuriamo il pane davanti alla spada nel deserto.

Tuonaga irio na ũndũ wa gũtwarĩrĩria mĩoyo iitũ ũgwati-inĩ, nĩ ũndũ wa rũhiũ rwa njora rũrĩa rũrĩ werũ-inĩ.

10 La nostra pelle si è fatta bruciante come un forno a causa degli ardori della fame.

Gĩkonde giitũ kĩhiũhĩte o ta riiko rĩa kũruga mĩgate, tũkainaina nĩ ũndũ wa kũhũũta.

11 Han disonorato le donne in Sion, le vergini nelle città di Giuda.

Andũ-a-nja nĩmanyiitĩtwo na hinya gũkũ Zayuni, nao airĩtu gathirange makanyiitwo na hinya matũũra-inĩ ma Juda.

12 I capi sono stati impiccati dalle loro mani, i volti degli anziani non sono stati rispettati.

Anene akuo nĩ macuurĩtio na moko mao; athuuri nao matiheagwo gĩtĩĩo.

13 I giovani han girato la mola; i ragazzi son caduti sotto il peso della legna.

Aanake marutithagio wĩra wa hinya ithĩi-inĩ; tũmwana natuo tũtũgũũgaga nĩgũkuuithio mĩrigo ya ngũ.

14 Gli anziani hanno disertato la porta, i giovani i loro strumenti a corda.

Athuuri nĩmatigĩte gũikara kĩhingo-inĩ gĩa itũũra inene; aanake nao nĩmatigĩte kũina nyĩmbo ciao.

15 La gioia si è spenta nei nostri cuori, si è mutata in lutto la nostra danza.

Ngoro ciitũ nĩithirĩte gĩkeno; ndũrũhĩ ciitũ igarũrũkĩte igatuĩka macakaya.

16 E' caduta la corona dalla nostra testa; guai a noi, perché abbiamo peccato!

Thũmbĩ ya ũnene nĩĩgwĩte, ĩgatuuma mũtwe, kaĩ tũrĩ na haaro-ĩ, nĩgũkorwo nĩtwĩhĩtie!

17 Per questo è diventato mesto il nostro cuore, per tali cose si sono annebbiati i nostri occhi:

Tondũ ũcio ngoro ciitũ nĩiringĩkĩte; na tondũ wa maũndũ macio maitho maitũ makaira,

18 perché il monte di Sion è desolato; le volpi vi scorrazzano.

tondũ wa Kĩrĩma gĩa Zayuni, kĩrĩa gĩkirĩte ihooru, nacio mbwe rĩu nĩkuo iceeraga.

19 Ma tu, Signore, rimani per sempre, il tuo trono di generazione in generazione.

Wee Jehova-rĩ, wathanaga nginya tene; gĩtĩ gĩaku kĩa ũnene gĩtũũraga kuuma njiarwa nginya njiarwa.

20 Perché ci vuoi dimenticare per sempre? Ci vuoi abbandonare per lunghi giorni?

Ũriganagĩrwo nĩ ithuĩ hĩndĩ ciothe nĩkĩ? Ũtũtiganĩirie hĩndĩ ndaaya ũguo nĩkĩ?

21 Facci ritornare a te, Signore, e noi ritorneremo; rinnova i nostri giorni come in antico,

Wee Jehova-rĩ, tũcookererie harĩwe, nĩguo tũhote gũgũcookerera; erũhia matukũ maitũ macooke o ta ũrĩa matariĩ tene,

22 poiché non ci hai rigettati per sempre, nè senza limite sei sdegnato contro di noi.

tiga ũkorirwo nĩũtũregeete biũ, ũgagĩtũrakarĩra o mũno makĩria.