Dagiti Salmo 98

1 O, kantaanyo ni Yahweh iti baro a kanta ta nagaramid isuna kadagiti nakakaskasdaaw a banbanag; pinagballiginatayo ti makanawan nga imana ken ti nasantoan a takiagna.

“A psalm.” Oh sing unto the Lord a new song; for he hath done wonderful things: his right hand and his holy arm have gotten him the victory.

2 Impakaammo ni Yahweh ti panangisalakanna; silulukatna nga impakita ti hustisiana kadagiti amin a nasion.

The Lord hath made known his salvation: before the eyes of the nations hath he revealed his righteousness.

3 Laglagipenna ti kinapudnona iti katulagan ken ti kinapudnona iti balay ti Israel; makita iti amin a pungto ti dagati panagballigi ti Diostayo.

He hath remembered his kindness and his truth toward the house of Israel: all the ends of the earth have seen the salvation of our God.

4 Agpukkawkayo iti rag-o kenni Yahweh, entero a daga; agdir-ikayo ti kanta ken agkantakayo iti panagrag-o, agkantakayo kadagiti pammadayaw.

Shout joyfully unto the Lord, all the lands: break forth, and rejoice, and sing praises.

5 Kankantaanyo ni Yahweh iti pammadayaw a nabuyogan iti arpa, buyoganyo iti arpa ken makaay-ayo a kankanta.

Sing praises unto the Lord with the harp, —with the harp, and the voice of psalmody.

6 Agraman dagiti trumpeta ken ti uni ti tangguyob, agpukpukawkayo a sirarag-o iti sangoanan ti Ari a ni Yahweh.

With trumpets and the sound of cornet shout joyfully before the King, the Lord.

7 agpukkaw koma ti baybay ken amin a nilaonna, ti lubong ken dagiti agnanaed iti daytoy!

Let the sea roar, with all that filleth it; the world, with those that dwell therein.

8 Agpalakpak koma dagiti karayan, ken agpukkaw koma iti rag-o dagiti banbantay.

Let the rivers clap their hands; let the mountains be joyful together,

9 Um-umay ni Yahweh a mang-ukom iti daga; ukomenna ti lubong babaen iti kinalinteg ken dagiti nasion babaen iti awan panangidumdumana.

Before the Lord; for he cometh to judge the earth: he will judge the world with righteousness, and people with equity.