Dagiti Salmo 91

1 Siasinoman nga agnaed iti salinong ti Kangangatoan ket agtalinaed iti aniniwan ti Mannakabalin-amin.

Celui qui se tient dans la demeure du Souverain, se loge à l'ombre du Tout-Puissant.

2 Ibagakto kenni Yahweh, “Isuna ti salinong ken pagkamangak, Diosko a pagtalkak.”

Je dirai à l'Eternel: Tu es ma retraite, et ma forteresse, tu es mon Dieu en qui je m'assure.

3 Ta ispalennakanto manipud iti silo ti mangnganup ken manipud iti makapatay a didigra.

Certes il te délivrera du filet du chasseur; [et] de la mortalité malheureuse.

4 Sallukobannakanto kadagiti payakna ken makasarakkanto ti pagkamangan kadagiti salinong ti payakna. Ti kinamalekna ket kalasag ken salaknib.

Il te couvrira de ses plumes, et tu auras retraite sous ses ailes; sa vérité [te servira de] rondache et de bouclier.

5 Saankanto a mabuteng iti mangbutbuteng iti rabii, wenno iti sumiag a pana iti aldaw,

Tu n'auras point peur de ce qui épouvante de nuit, ni de la flèche qui vole de jour.

6 wenno iti didigra nga agraraira iti kasipngetan, wenno ti sakit a dumteng iti tengnga ti aldaw.

Ni de la mortalité qui marche dans les ténèbres; ni de la destruction qui fait le dégât en plein midi.

7 Sangaribu ti mabalin a matuang iti sikigam ken sangapulo a ribu iti makannawan nga imam, ngem saandakanto a maan-ano.

Il en tombera mille à ton côté, et dix mille à ta droite; mais la [destruction] n'approchera point de toi.

8 Mapaliiwmonto laeng ken makitamto ti pannusa dagiti nadangkes.

Seulement tu contempleras de tes yeux, et tu verras la récompense des méchants.

9 Ta ni Yahweh ti salinongko. Pagbalinem met a salinongmo ti Kangangatoan.

Car tu es ma retraite, ô Eternel! tu as établi le Souverain pour ton domicile.

10 Awanto ti dakes a makauna kenka; awanto ti panagsagaba a makaasideg iti pagtaengam.

Aucun mal ne te rencontrera, et aucune plaie n'approchera de ta tente.

11 Ta iturongnanto dagiti anghelesna a mangsalaknib kenka, a mangaywan kenka iti sadinoman a papanam.

Car il donnera charge de toi à ses Anges, afin qu'ils te gardent en toutes tes voies.

12 Itag-aydakanto kadagiti imada tapno saanka a maikaglis ket matnag iti bato.

Ils te porteront dans leurs mains, de peur que ton pied ne heurte contre la pierre.

13 Iridismonto dagti leon ken dagiti nagita nga uleg; ibaddekmonto dagiti urbon a leon ken dagiti uleg.

Tu marcheras sur le lion et sur l'aspic, [et] tu fouleras le lionceau et le dragon.

14 Gapu ta ipangpangrunanak, tulongakto isuna. Salaknibakto isuna gapu ta napudno isuna kaniak.

Puisqu'il m'aime avec affection, [dit le Seigneur], je le délivrerai; je le mettrai en une haute retraite, parce qu'il connaît mon Nom.

15 Inton umawag kaniak, sungbatakto isuna. Addaakto kenkuana iti pannakariribukna; itedkonto kenkuana ti balligi ken padayawakto isuna.

Il m'invoquera, et je l'exaucerai; je serai avec lui dans la détresse, je l'en retirerai, et le glorifierai.

16 Pennekekto isuna iti atiddog a panagbiag ken ipakitakto kenkuana ti panangisalakanko.

Je le rassasierai de jours, et je lui ferai voir ma délivrance.