Dagiti Salmo 6

1 O Yahweh, saannak a tubtubngaren iti ungetmo wenno dusdusaen iti pungtotmo.

To the chief Musician on Neginoth upon Sheminith, A Psalm of David. O LORD, rebuke me not in thine anger, neither chasten me in thy hot displeasure.

2 Kaasiannak, O Yahweh, ta nakapuyak; agasannak, O Yahweh, ta agkutkutukot dagiti tulangko.

Have mercy upon me, O LORD; for I [am] weak: O LORD, heal me; for my bones are vexed.

3 Mariribukan pay unay ti kararuak. Ngem sika, O Yahweh - aginggana kaano nga agtultuloy daytoy?

My soul is also sore vexed: but thou, O LORD, how long?

4 Agsublika, O Yahweh! Ispalennak. Isalakannak gapu iti kinapudnom iti tulagmo!

Return, O LORD, deliver my soul: oh save me for thy mercies’ sake.

5 Ta iti patay, awan pakalaglagipan kenka. Idiay sheol, siasino ti agyamanto kenka? (Sheol h7585)

For in death [there is] no remembrance of thee: in the grave who shall give thee thanks? (Sheol h7585)

6 Agkakapsutak iti panagasugko. Agpatpatnag a maslep ti pagiddaak kadagiti luluak; basbasaek ti punganko kadagiti luluak.

I am weary with my groaning; all the night make I my bed to swim; I water my couch with my tears.

7 Limmidem dagiti matak gapu iti ladingit; agkapuydan gapu kadagiti amin a kabusorko.

Mine eye is consumed because of grief; it waxeth old because of all mine enemies.

8 Adaywandak, dakayo amin nga agar-aramid iti kinadakes; ta nangngeg ni Yahweh ti timek ti panagsangitko.

Depart from me, all ye workers of iniquity; for the LORD hath heard the voice of my weeping.

9 Nangngeg ni Yahweh ti panagkiddawko iti kaasi; inawat ni Yahweh ti kararagko.

The LORD hath heard my supplication; the LORD will receive my prayer.

10 Mabainanto dagiti amin a kabusorko ken mariribukandanto iti kasta unay. Agsanuddanto ket dagusda a mapabainan.

Let all mine enemies be ashamed and sore vexed: let them return [and] be ashamed suddenly.