Dagiti Salmo 46

1 Ti Dios iti kamang ken pigsatayo, sisasagana a tumulong iti nariribuk a tiempo.

For the Chief Musician. By the sons of Korah. According to Alamoth. God is our refuge and strength, a very present help in trouble.

2 Saantayo ngarud nga agbuteng, uray no agbaliw ti daga, uray no aggun-gon dagiti bantay ken margaay iti kaunggan a paset ti baybay,

Therefore we will not be afraid, though the earth changes, though the mountains are shaken into the heart of the seas;

3 uray no agdaranudor ken nadawel ti danumna, ken uray agpigerger dagiti bantay gapu iti dadakkel a dalluyonna. (Selah)

though its waters roar and are troubled, though the mountains tremble with their swelling. (Selah)

4 Adda maysa a karayan, ti agay-ayus a mangparparagsak iti siudad ti Dios, ti nasantoan a disso dagiti tabernakulo ti Kangangatoan.

There is a river, the streams of which make the city of God glad, the holy place of the tents of the Most High.

5 Adda iti tengngana ti Dios; saanto a magaraw isuna; tulunganto isuna ti Dios, ket aramidenna daytoy iti parbangon.

God is within her. She shall not be moved. God will help her at dawn.

6 Nagpungtot dagiti nasion ken dagiti pagarian ket nagun-gon; pinigsaanna ti timekna ket narunaw ti daga.

The nations raged. The kingdoms were moved. He lifted his voice and the earth melted.

7 Kaduatayo ni Yahweh a mannakabalin amin; ti Dios ni Jacob ti kamangtayo. (Selah)

The LORD of Armies is with us. The God of Jacob is our refuge. (Selah)

8 Umaykayo, kitaenyo dagiti aramid ni Yahweh, ti panangdadaelna iti daga.

Come, see the LORD’s works, what desolations he has made in the earth.

9 Pagsardengenna dagiti gubat iti entero a daga; tuktukkolenna ti bai ti pana ken dagiti gayang; pupuoranna dagiti kalasag.

He makes wars cease to the end of the earth. He breaks the bow, and shatters the spear. He burns the chariots in the fire.

10 Agulemekkayo ket bigbigenyo a siak ti Dios; maitan-okakto kadagiti nasion; maitan-okakto iti rabaw ti daga.

“Be still, and know that I am God. I will be exalted among the nations. I will be exalted in the earth.”

11 Kaduatayo ni Yahweh a mannakabalin amin; ti Dios ni Jacob ti kamangtayo. (Selah)

The LORD of Armies is with us. The God of Jacob is our refuge. (Selah)