Dagiti Salmo 37
1 Saanka a masikoran gapu kadagiti managdakdakes; saanmo nga apalan dagiti saan a nalinteg nga agtigtignay.
| לדוד אל תתחר במרעים אל תקנא בעשי עולה׃ |
2 Ta magangudanto iti mabiit a kas iti ruot ken malaylay a kas kadagiti nalangto a mulmula.
| כי כחציר מהרה ימלו וכירק דשא יבולון׃ |
3 Agtalekka kenni Yahweh ket aramidem ti umno; agnaedka iti daga ket pagbiagam ti kinapudno.
| בטח ביהוה ועשה טוב שכן ארץ ורעה אמונה׃ |
4 Ket agragsakka kenni Yahweh, ket itednanto dagiti tarigagay ti pusom.
| והתענג על יהוה ויתן לך משאלת לבך׃ |
5 Itedmo kenni Yahweh dagiti wagasmo; agtalekka kenkuana, ket agtignayto isuna iti biangmo.
| גול על יהוה דרכך ובטח עליו והוא יעשה׃ |
6 Iparangnanto ti pannakaukommo a kasla iti aldaw ken ti kinaawan basolmo a kasla iti tengnga ti aldaw.
| והוציא כאור צדקך ומשפטך כצהרים׃ |
7 Agtalnaka iti sangoanan ni Yahweh ket urayem isuna a siaanus. Saanka nga agdanag no mapagballigi ti maysa a tao dagiti dakes a wagasna, no agaramid ti dakes a tao kadagiti dakes a panggep.
| דום ליהוה והתחולל לו אל תתחר במצליח דרכו באיש עשה מזמות׃ |
8 Saanka a makaunget ken maupay. Saanka nga agdanag; mangaramid laeng daytoy iti riribuk.
| הרף מאף ועזב חמה אל תתחר אך להרע׃ |
9 Maisinanto dagiti managdakdakes, ngem tawidento dagiti aguray kenni Yahweh ti daga.
| כי מרעים יכרתון וקוי יהוה המה יירשו ארץ׃ |
10 Iti apagbiit, mapukawto ti dakes a tao; kitaemto ti ayanna, ngem awanto isuna.
| ועוד מעט ואין רשע והתבוננת על מקומו ואיננו׃ |
11 Ngem tawidento dagiti naemma ti daga ken agragsakda iti naindaklan a panagrang-ay.
| וענוים יירשו ארץ והתענגו על רב שלום׃ |
12 Agpanggep ti nadangkes a tao a maibusor iti nalinteg a tao ken pagngaretngetenna ti ngipenna a maibusor kenkuana.
| זמם רשע לצדיק וחרק עליו שניו׃ |
13 Katawaan ti Apo isuna, ta makitana nga umasidegen ti aldawna.
| אדני ישחק לו כי ראה כי יבא יומו׃ |
14 Inasut dagiti nadangkes dagiti kampilanda ken imbiatda dagiti bai ti panada tapno dadaelen dagiti maidaddadanes ken agkasapulan, tapno papatayen dagiti nalinteg.
| חרב פתחו רשעים ודרכו קשתם להפיל עני ואביון לטבוח ישרי דרך׃ |
15 Duyokento dagiti kampilanda ti bukodda a puso, ken matukkolto dagiti baida.
| חרבם תבוא בלבם וקשתותם תשברנה׃ |
16 Nasaysayaat ti bassit nga adda kadagiti nalinteg ngem iti kinawadwad dagiti adu a nadangkes a tattao.
| טוב מעט לצדיק מהמון רשעים רבים׃ |
17 Ta matukkolto dagiti ima dagiti nadangkes a tattao, ngem saranayen ni Yahweh dagiti nalinteg a tattao.
| כי זרועות רשעים תשברנה וסומך צדיקים יהוה׃ |
18 Banbantayan ni Yahweh iti inaldaw-aldaw dagiti awan pakapilawanna, ken agnanayonto ti tawidda.
| יודע יהוה ימי תמימם ונחלתם לעולם תהיה׃ |
19 Saandanto a mabain inton dakes dagiti tiempo. Maaddaandanto iti umanay a makan, inton umay ti panagbisin.
| לא יבשו בעת רעה ובימי רעבון ישבעו׃ |
20 Ngem mapukawto dagiti nadangkes a tattao. Dagiti kabusor ni Yahweh ket kasla iti dayag dagiti pagaraban; mauramdanto ken agpukawda iti asuk.
| כי רשעים יאבדו ואיבי יהוה כיקר כרים כלו בעשן כלו׃ |
21 Bumulod ti nadangkes a tao ngem saanna a bayadan, ngem naparabur a mangmangted ti nalinteg a tao.
| לוה רשע ולא ישלם וצדיק חונן ונותן׃ |
22 Tawidento dagiti binendisionan ti Dios ti daga; maisinanto dagiti inlunodna.
| כי מברכיו יירשו ארץ ומקלליו יכרתו׃ |
23 Babaen kenni Yahweh a napatalged dagiti addang ti tao, ti tao a ti wagasna ket mapadayawan iti imatang ti Dios.
| מיהוה מצעדי גבר כוננו ודרכו יחפץ׃ |
24 Uray no maitibkol isuna, saanto isuna a matuang, ta ig-igaman ni Yahweh ti imana.
| כי יפל לא יוטל כי יהוה סומך ידו׃ |
25 Ubingak idi ket ita lakayakon; saanko a pulos a nakita ti nalinteg a tao a nabaybay-an wenno dagiti annakna nga agpalpalama iti tinapay.
| נער הייתי גם זקנתי ולא ראיתי צדיק נעזב וזרעו מבקש לחם׃ |
26 Iti agmalmalem managparabur ken managpabulod isuna, ken agbalin a bendision dagiti annakna.
| כל היום חונן ומלוה וזרעו לברכה׃ |
27 Adaywam ti dakes ket aramidem ti husto; ket natalgedkanto iti agnanayon.
| סור מרע ועשה טוב ושכן לעולם׃ |
28 Ta ayaten ni Yahweh ti hustisia ken saanna a baybay-an dagiti napudno a sumursurot kenkuana. Maaywananda iti agnanayon, ngem maisinanto dagiti kaputotan dagiti nadangkes.
| כי יהוה אהב משפט ולא יעזב את חסידיו לעולם נשמרו וזרע רשעים נכרת׃ |
29 Tawidento dagiti nalinteg ti daga ket agnaedda sadiay iti agnanayon.
| צדיקים יירשו ארץ וישכנו לעד עליה׃ |
30 Agsasao ti ngiwat ti nalinteg a tao iti kinasirib ken pabpabilgenna ti hustisia.
| פי צדיק יהגה חכמה ולשונו תדבר משפט׃ |
31 Adda iti pusona ti linteg ti Diosna; saan a maikaglis dagiti sakana.
| תורת אלהיו בלבו לא תמעד אשריו׃ |
32 Buybuyaen ti nadangkes a tao ti nalinteg a tao ken pangpanggepenna a papatayen isuna.
| צופה רשע לצדיק ומבקש להמיתו׃ |
33 Saan a baybay-an ni Yahweh isuna iti ima ti dakes a tao wenno dusaen isuna inton maukom.
| יהוה לא יעזבנו בידו ולא ירשיענו בהשפטו׃ |
34 Agpannurayka kenni Yahweh ken agtalinaedka iti dalanna, ket itag-aynakanto a mangtagikua iti daga. Makitamto inton maisina dagiti nadangkes.
| קוה אל יהוה ושמר דרכו וירוממך לרשת ארץ בהכרת רשעים תראה׃ |
35 Nakitak ti nadangkes ken nakabutbuteng a tao a naiwaras a kasla kadagiti nalangto a kayo iti nadam-eg a dagana.
| ראיתי רשע עריץ ומתערה כאזרח רענן׃ |
36 Ngem idi limmabasak manen, awan isuna sadiay. Binirukko isuna, ngem saan isuna a mabirukan.
| ויעבר והנה איננו ואבקשהו ולא נמצא׃ |
37 Paliiwem ti napudno a tao, ken matmatam ti nalinteg; adda ti nasayaat a masakbayan para iti tao ti kappia.
| שמר תם וראה ישר כי אחרית לאיש שלום׃ |
38 Naan-anay a madadaelto dagiti managbasol; maisina ti masakbayan ti nadangkes a tao.
| ופשעים נשמדו יחדו אחרית רשעים נכרתה׃ |
39 Aggapu kenni Yahweh ti pannakaisalakan dagiti nalinteg; salsalaknibanna ida kadagiti tiempo ti riribuk.
| ותשועת צדיקים מיהוה מעוזם בעת צרה׃ |
40 Tulongan ken ispalen ida ni Yahweh. Ispalenna ida manipud kadagiti dakes a tattao ken isalakanna ida gapu ta nagkamangda kenkuana.
| ויעזרם יהוה ויפלטם יפלטם מרשעים ויושיעם כי חסו בו׃ |
