Dagiti Salmo 26

1 Ukomennak, O Yahweh, ta nagnaak iti kinapudno; nagtalekak kenni Yahweh nga awan iti panagkedked.

JUDGE me, O Lord; for I have walked in mine integrity: I have trusted also in the Lord; therefore I shall not slide.

2 Usigennak, O Yahweh, ken padasennak; padasem ti kinasin-aw ti kaunggak ken ti pusok!

Examine me, O Lord, and prove me; try my reins and my heart.

3 Ta ti kinapudno iti tulagmo ket adda iti sangoanan dagiti matak, ken magnaak iti kinapudnom.

For thy lovingkindness is before mine eyes: and I have walked in thy truth.

4 Saaanak a makikaddua kadagiti manangallilaw a tattao, wenno makitipon kadagiti tattao a saan a napudno.

I have not sat with vain persons, neither will I go in with dissemblers.

5 Kagurak ti gimong dagiti managdakdakes, ken saanak a makipagnaed kadagiti nadangkes.

I have hated the congregation of evil doers; and will not sit with the wicked.

6 Buggoak dagiti im-imak iti kina-inosente, ken lawlawekto ti altarmo, O Yahweh,

I will wash mine hands in innocency: so will I compass thine altar, O Lord:

7 nga agkanta iti napigsa a kanta ti pagdaydayaw ket ipadamagko amin dagiti nakakaskasdaaw nga aramidmo.

That I may publish with the voice of thanksgiving, and tell of all thy wondrous works.

8 O Yahweh, kaykayatko ti balay a pagnaedam, ti lugar a pagnaedan ti dayagmo!

Lord, I have loved the habitation of thy house, and the place where thine honour dwelleth.

9 Saannak nga ikkaten a kaddua dagiti managbasol, wenno ti biagko a kadua dagiti tattao a mawaw iti dara,

Gather not my soul with sinners, nor my life with bloody men:

10 a kadagiti im-imada adda iti nalimed a panggep ken ti kannawan nga imada ket napno iti pasuksuk.

In whose hands is mischief, and their right hand is full of bribes.

11 Ngem no para kaniak, magnaakto iti kinapudno; subbotennak ken maasika kaniak.

But as for me, I will walk in mine integrity: redeem me, and be merciful unto me.

12 Dagiti sakak agtakderda iti nasimpa a daga; kadagiti gimong idaydayawkonto ni Yahweh!

My foot standeth in an even place: in the congregations will I bless the Lord.