Dagiti Salmo 21

1 Agragrag-o ti ari iti pigsam, O Yahweh! Anian iti panag-ragrag-ona unay iti impaaymo a panangisalakan!

The king shall joy in your strength, O LORD; and in your salvation how greatly shall he rejoice!

2 Intedmo kenkuana ti tarigagay ti pusona ken saanmo nga impaidam ti kiddaw dagiti bibigna. (Sela)

You have given him his heart’s desire, and have not withheld the request of his lips. (Selah)

3 Ta iyegmo kenkuana ti adu a bendision; kinoronaam ti ulona iti kapupuroan a balitok.

For you prevent him with the blessings of goodness: you set a crown of pure gold on his head.

4 Dinawatna kenka ti biag; intedmo daytoy kenkuana; inikkam isuna iti atiddog nga al-aldaw iti agnanayon nga awan patinggana.

He asked life of you, and you gave it him, even length of days for ever and ever.

5 Naindaklan ti dayagna gapu iti balligim, intedmo kenkuana ti kinadayag ken kinatan-ok.

His glory is great in your salvation: honor and majesty have you laid on him.

6 Ta impaayam isuna kadagiti agnanayon a bendision; pinaragsakmo isuna babaen iti rag-o iti presensiam.

For you have made him most blessed for ever: you have made him exceeding glad with your countenance.

7 Ta agtaltalek ti ari kenni Yahweh; babaen iti kinapudno ti tulag ti Kangangatoan ket saanto isuna a magaraw.

For the king trusts in the LORD, and through the mercy of the most High he shall not be moved.

8 Dayta imam ket tiliwennanto dagiti amin a kabusormo; dayta kannawan nga imam tiliwennanto dagiti manggurgura kenka.

Your hand shall find out all your enemies: your right hand shall find out those that hate you.

9 Iti tiempo ti pungtotmo, uramemto ida a kas iti gumilgil-ayab nga orno. Ibusento ida ni Yahweh babaen iti pungtotna, ken alun-unento ida ti apoy.

You shall make them as a fiery oven in the time of your anger: the LORD shall swallow them up in his wrath, and the fire shall devour them.

10 Dadaelemto dagiti annakda manipud iti daga ken dagiti kaputotanda manipud kadagiti sangkataoan.

Their fruit shall you destroy from the earth, and their seed from among the children of men.

11 Ta pinanggeda ti dakes a maibusor kenka; nagpanunotda iti maysa a plano a saanda a pagballaigian!

For they intended evil against you: they imagined a mischievous device, which they are not able to perform.

12 Ta pagsanodemto ida, iturongmonto ti bai ti panam iti sangaonanda.

Therefore shall you make them turn their back, when you shall make ready your arrows on your strings against the face of them.

13 Maitantan-okka, O Yahweh, iti kinapigsam; agkantakaminto ken idaydayawmi ti pannakabalinmo.

Be you exalted, LORD, in your own strength: so will we sing and praise your power.