Dagiti Salmo 136

1 O, agyamankayo kenni Yahweh; ta naimbag isuna, ta ti kinapudnona iti tulagna ket agtalinaed iti agnanayon.

Give thanks to Yahweh, for he is good, for his loving kindness endures forever.

2 O, agyamankayo iti Dios dagiti dios, ta ti kinapudnona iti tulagna ket agtalinaed iti agnanayon.

Give thanks to the God of gods, for his loving kindness endures forever.

3 O, agyamankayo iti Apo dagiti ap-apo, ta ti kinapudnona iti tulagna ket agtalinaed iti agnanayon.

Give thanks to the Lord of lords, for his loving kindness endures forever;

4 Kenkuana nga agar-aramid laeng kadagiti nakaskasdaaw unay, ta ti kinapudnona iti tulagna ket agtalinaed iti agnanayon -

to him who alone does great wonders, for his loving kindness endures forever;

5 kenkuana a nangaramid kadagiti langit babaen iti kinasirib, ta ti kinapudnona iti tulagna ket agtalinaed iti agnanayon -

to him who by understanding made the heavens, for his loving kindness endures forever;

6 kenkuana a nangiwaras iti daga iti rabaw dagiti dandanum, ta ti kinapudnona iti tulagna ket agtalinaed iti agnanayon -

to him who spread out the earth above the waters, for his loving kindness endures forever;

7 kenkuana a nangaramid kadagiti dadakkel a lawag, ta ti kinapudnona iti tulagna ket agtalinaed iti agnanayon –

to him who made the great lights, for his loving kindness endures forever;

8 ti init a mangituray iti aldaw, ta ti kinapudnona iti tulagna ket agtalinaed iti agnanayon -

the sun to rule by day, for his loving kindness endures forever;

9 ti bulan ken dagiti bituen a mangituray iti rabii, ta ti kinapudnona iti tulagna ket agtalinaed iti agnanayon –

the moon and stars to rule by night, for his loving kindness endures forever;

10 kenkuana a nangpatay kadagiti inauna nga annak ti Egipto, ta ti kinapudnona iti tulagna ket agtalinaed iti agnanayon -

to him who struck down the Egyptian firstborn, for his loving kindness endures forever;

11 ken nangiruar iti Israel manipud kadakuada, ta ti kinapudnona iti tulagna ket agtalinaed iti agnanayon –

and brought out Israel from among them, for his loving kindness endures forever;

12 babaen iti napigsa nga ima ken nakangato a takiag, ta ti kinapudnona iti tulagna ket agtalinaed iti agnanayon –

with a strong hand, and with an outstretched arm, for his loving kindness endures forever;

13 kenkuana a nangbingay iti baybay dagiti Runo, ta ti kinapudnona iti tulagna ket agtalinaed iti agnanayon -

to him who divided the Red Sea apart, for his loving kindness endures forever;

14 ken nangpalasat iti Israel iti tengnga daytoy, ta ti kinapudnona iti tulagna ket agtalinaed iti agnanayon –

and made Israel to pass through the middle of it, for his loving kindness endures forever;

15 ngem pinasagna ni Faraon ken ti armadana iti baybay dagiti Runo, ta ti kinapudnona iti tulagna ket agtalinaed iti agnanayon –

but overthrew Pharaoh and his army in the Red Sea, for his loving kindness endures forever;

16 kenkuana a nangidalan kadagiti tattaona iti let-ang, ta ti kinapudnona iti tulagna ket agtalinaed iti agnanayon -

to him who led his people through the wilderness, for his loving kindness endures forever;

17 kenkuana a nangpatay kadagiti nabileg nga ar-ari, ta ti kinapudnona iti tulagna ket agtalinaed iti agnanayon –

to him who struck great kings, for his loving kindness endures forever;

18 ken nangpatay kadagiti mabigbigbig nga ar-ari, ta ti kinapudnona iti tulagna ket agtalinaed iti agnanayon -

and killed mighty kings, for his loving kindness endures forever;

19 ni Sihon nga ari dagiti Amorreo, ta ti kinapudnona iti tulagna ket agtalinaed iti agnanayon -

Sihon king of the Amorites, for his loving kindness endures forever;

20 ken ni Og nga ari ti Basan, ta ti kinapudnona iti tulagna ket agtalinaed iti agnanayon –

Og king of Bashan, for his loving kindness endures forever;

21 ken nangited iti dagada a kas maysa a tawid, ta ti kinapudnona iti tulagna ket agtalinaed iti agnanayon -

and gave their land as an inheritance, for his loving kindness endures forever;

22 maysa a pannakatawid iti Israel nga adipenna, ta ti kinapudnona iti tulagna ket agtalinaed iti agnanayon -

even a heritage to Israel his servant, for his loving kindness endures forever;

23 kenkuana a nanglagip ken nangtulong kadatayo iti pannakaibabatayo, ta ti kinapudnona iti tulagna ket agtalinaed iti agnanayon –

who remembered us in our low estate, for his loving kindness endures forever;

24 ken nangted kadatayo iti balligi kadagiti kabusortayo, ta ti kinapudnona iti tulagna ket agtalinaed iti agnanayon -

and has delivered us from our adversaries, for his loving kindness endures forever;

25 a mangipapaay iti taraon kadagiti amin a sibibiag a parsua, ta ti kinapudnona iti tulagna ket agtalinaed iti agnanayon.

who gives food to every creature, for his loving kindness endures forever.

26 O, agyamankayo iti Dios ti langit, ta ti kinapudnona iti tulagna ket agtalinaed iti agnanayon.

Oh give thanks to the God of heaven, for his loving kindness endures forever.