Dagiti Salmo 122

1 Naragsakanak idi kinunada kaniak, “Mapantayo iti balay ni Yahweh.”

I was glad when they said to me, Let us go into the house of the LORD.

2 Agtaktakder dagiti sakami iti uneg dagiti ruanganmo, O Jerusalem.

Our feet shall stand within your gates, O Jerusalem.

3 Naibangon ti Jerusalem a kas iti siudad a sangsangkamaysa a nagi-innasideg.

Jerusalem is built as a city that is compact together:

4 Simmang-at dagiti tribu sadiay, dagiti tribu ni Yahweh, a kas linteg iti Israel nga agyaman iti nagan ni Yahweh.

Where the tribes go up, the tribes of the LORD, to the testimony of Israel, to give thanks to the name of the LORD.

5 Nakatugaw kadagiti trono sadiay dagiti mangidadaulo, tapno mangngeddeng iti sangkabalayan ni David.

For there are set thrones of judgment, the thrones of the house of David.

6 Ikararagyo ti kappia ti Jerusalem! Rumang-ay dagiti agayat kenka.

Pray for the peace of Jerusalem: they shall prosper that love you.

7 Adda koma iti kappia iti uneg dagiti padermo ken kinarang-ay iti uneg dagiti torem.

Peace be within your walls, and prosperity within your palaces.

8 Gapu kadagiti kakabsat ken kakaduak, ibagak ita, “Adda koma iti kappia iti kaunggam.”

For my brothers and companions’ sakes, I will now say, Peace be within you.

9 Gapu iti balay ni Yahweh a Diostayo, ikararagko iti pagimbagam.

Because of the house of the LORD our God I will seek your good.