Dagiti Salmo 120

1 Iti pakarigatak immawagak kenni Yahweh, ket sinungbatannak.

In my distress I cried unto the LORD, and he heard me.

2 Ispalem ti biagko, O Yahweh, kadagiti agul-ulbod kadagiti bibigda ken mangal-allilaw kadagiti dilada.

Deliver my soul, O LORD, from lying lips, and from a deceitful tongue.

3 Anianto ti panangdusana kadakayo, ken anianto pay ngata ti aramidenna kadakayo, dakayo nga addaan iti naulbod a dila?

What shall be given unto you? or what shall be done unto you, you false tongue?

4 Panaennakayonto iti natirad a pana ti mannakigubat, a napanday manipud iti dumardarang a beggang iti enebro.

Sharp arrows of the mighty, with coals of juniper.

5 Asiak pay gapu ta nagnaedak iti apagbiit idiay Mesek; nagnaedak idi kadagiti tolda ti Kedar.

Woe is me, that I sojourn in Mesech, that I dwell in the tents of Kedar!

6 Ta nabayag a nakipagnaedak kadagiti manggur-gura iti kapia.

My soul has long dwelt with him that hates peace.

7 Kayatko ti kapia, ngem no agsaoak, gubat ti kayatda.

I am for peace: but when I speak, they are for war.