Dagiti Salmo 116
1 Ay-ayatek ni Yahweh gapu ta dengdenggenna ti timekko ken dagiti panagpakpakaasik.
| אהבתי כי ישמע יהוה את קולי תחנוני׃ |
2 Gapu ta ipangpangagnak, umawagak kenkuana iti unos ti panagbiagko.
| כי הטה אזנו לי ובימי אקרא׃ |
3 Pinalikmutandak dagiti tali ti patay, ken tinubngarnak ti palab-og ti sheol; nakariknaak iti sanaang ken ladingit. (Sheol h7585)
| אפפוני חבלי מות ומצרי שאול מצאוני צרה ויגון אמצא׃ (Sheol h7585) |
4 Ket immawagak iti nagan ni Yahweh: “Pangngaasim O Yahweh, ispalem ti biagko.”
| ובשם יהוה אקרא אנה יהוה מלטה נפשי׃ |
5 Naasi ken awan panangidumduma ni Yahweh; manangngaasi ti Diostayo.
| חנון יהוה וצדיק ואלהינו מרחם׃ |
6 Salakniban ni Yahweh dagiti awan gayawna; naipababaak ket insalakannak.
| שמר פתאים יהוה דלותי ולי יהושיע׃ |
7 Mabalinen nga agsubli ti kararruak iti paginanaanna, ta nagimbag ni Yahweh kaniak.
| שובי נפשי למנוחיכי כי יהוה גמל עליכי׃ |
8 Ta inispalmo ti biagko manipud iti patay, dagiti matak manipud kadagiti lulua, ken dagiti sakak manipud iti pannakaitublak.
| כי חלצת נפשי ממות את עיני מן דמעה את רגלי מדחי׃ |
9 Agserbiak kenni Yahweh iti daga dagiti sibibiag.
| אתהלך לפני יהוה בארצות החיים׃ |
10 Namatiak kenkuana, uray idi imbagak “Kasta unay ti panagsagabak.”
| האמנתי כי אדבר אני עניתי מאד׃ |
11 Dagusko nga imbaga, “Ulbod dagiti amin a tattao.”
| אני אמרתי בחפזי כל האדם כזב׃ |
12 Kasano a masubadak ni Yahweh kadagiti amin a kinaimbagna kaniak?
| מה אשיב ליהוה כל תגמולוהי עלי׃ |
13 Itag-aykonto ti kopa ti pannakaisalakan, ken umawagak iti nagan ni Yahweh.
| כוס ישועות אשא ובשם יהוה אקרא׃ |
14 Tungpalekto dagiti sapatak kenni Yahweh iti imatang dagiti amin a tattaona.
| נדרי ליהוה אשלם נגדה נא לכל עמו׃ |
15 Napateg iti imatang ni Yahweh ti ipapatay dagiti santona.
| יקר בעיני יהוה המותה לחסידיו׃ |
16 Pudno, O Yahweh, adipennak; adipennak, ti anak a lalaki ti adipenmo a babai; winarwarmo dagiti kawarko.
| אנה יהוה כי אני עבדך אני עבדך בן אמתך פתחת למוסרי׃ |
17 Idatonkonto kenka ti daton ti panagyaman ken umawagakto iti nagan ni Yahweh.
| לך אזבח זבח תודה ובשם יהוה אקרא׃ |
18 Tungpalekto dagiti sapatak kenni Yahweh iti imatang dagiti amin a tattaona,
| נדרי ליהוה אשלם נגדה נא לכל עמו׃ |
19 kadagiti paraangan ti balay ni Yahweh, iti tengngam, Jerusalem. Idaydayawyo ni Yahweh.
| בחצרות בית יהוה בתוככי ירושלם הללו יה׃ |
