Dagiti Salmo 109
1 O Dios a daydayawek, saanka nga agulimek,
| למנצח לדוד מזמור אלהי תהלתי אל תחרש׃ |
2 Ta darupendak dagiti nagdadangkes ken manangallilaw; agibagada kadagiti inuulbod a maibusor kaniak.
| כי פי רשע ופי מרמה עלי פתחו דברו אתי לשון שקר׃ |
3 Liklikmutendak ken agsasaoda kadagiti makapapungtot a banbanag, ken awan ti gapgapuna a dardarupendak.
| ודברי שנאה סבבוני וילחמוני חנם׃ |
4 Kas supapak iti ayatko kadakuada ket daddadaelandak, ngem ikarkararagak ida.
| תחת אהבתי ישטנוני ואני תפלה׃ |
5 Dakes ti insupapakda iti kinaimbagko, ken kagurada ti ayatko.
| וישימו עלי רעה תחת טובה ושנאה תחת אהבתי׃ |
6 Mangdutokka iti maysa a nadangkes a tao a mangusig iti kabusor a kas kadagitoy a tattao; mangdutokka ti agpabasol nga agtakder iti makannawan nga imana.
| הפקד עליו רשע ושטן יעמד על ימינו׃ |
7 Inton maukom isuna, maduktalan koma a nagbasol isuna; maibilang koma a basol ti kararagna.
| בהשפטו יצא רשע ותפלתו תהיה לחטאה׃ |
8 Umabbaba koma dagiti aldawna; adda koma sabali a mangala iti saadna.
| יהיו ימיו מעטים פקדתו יקח אחר׃ |
9 Maawanan koma ti ama dagiti annakna, ken mabalo koma ti asawana a babai.
| יהיו בניו יתומים ואשתו אלמנה׃ |
10 Agalla-alla ken agpalama koma dagiti annakna, a dumawdawat iti aniaman a maipaima kabayatan ti ipapanawada iti nadadael a pagtaenganda.
| ונוע ינועו בניו ושאלו ודרשו מחרבותיהם׃ |
11 Alaen koma ti agpapautang dagiti amin a kukuana; takawen koma dagiti ganggannaet dagiti naurnongna.
| ינקש נושה לכל אשר לו ויבזו זרים יגיעו׃ |
12 Awan koma uray maysa a mangidiaya iti kinaimbag kenkuana; awan koma iti mangngaasi kadagiti annakna nga naulilana.
| אל יהי לו משך חסד ואל יהי חונן ליתומיו׃ |
13 Matay koma dagiti annakna; mapukaw koma dagiti naganda iti sumaruno a kaputotan.
| יהי אחריתו להכרית בדור אחר ימח שמם׃ |
14 Madakamat koma dagiti basol dagiti kapuonanna kenni Yahweh; ken saan koma a malipatan ti basol ti inanna.
| יזכר עון אבתיו אל יהוה וחטאת אמו אל תמח׃ |
15 Kankanayon koma nga adda iti sangoanan ni Yahweh dagiti basolda; pukawen koma ni Yahweh manipud iti daga ti pakalaglagipan kadakuada.
| יהיו נגד יהוה תמיד ויכרת מארץ זכרם׃ |
16 Aramiden koma ni Yahweh daytoy gapu ta saan pulos a pinadas daytoy a tao iti mangipakita ti aniaman a kinapudnona iti tulag, ngem ketdi, riniriribokna dagiti maidaddadanes, dagiti agkasapulan, ken dagiti awanan iti namnama agingga a matayda.
| יען אשר לא זכר עשות חסד וירדף איש עני ואביון ונכאה לבב למותת׃ |
17 Paggaayatna ti panagilunlunod, agsubli koma daytoy kenkuana. Kinagurana iti bendision; awan koma iti maiyeg a bendision kenkuana.
| ויאהב קללה ותבואהו ולא חפץ בברכה ותרחק ממנו׃ |
18 Binadoanna ti bagina iti panagilunlunod a kasla kawesna, ken kasla danum a simrek iti kaunggan ti kinataona ti panagilunlunod, a kas iti lana a sumagepsep kadagiti tulangna.
| וילבש קללה כמדו ותבא כמים בקרבו וכשמן בעצמותיו׃ |
19 Agsubli koma kenkuana dagiti panagilunlunodna a kasla kadagiti kawesna a pangabbongna iti bagina, a kasla iti barikes a kankanayon a pagbarbarikesna.
| תהי לו כבגד יעטה ולמזח תמיד יחגרה׃ |
20 Daytoy koma ti gunggona dagiti mangpabpabasol kaniak manipud kenni Yahweh, kadagiti agibagbaga kadagiti dakes a banbanag maipapan kaniak.
| זאת פעלת שטני מאת יהוה והדברים רע על נפשי׃ |
21 O Yahweh nga Apok, tratoennak a siaasi gapu iti naganmo. Isalakannak, gapu ta naimbag ti kinapudnom iti tulagmo.
| ואתה יהוה אדני עשה אתי למען שמך כי טוב חסדך הצילני׃ |
22 Ta marigrigatan ken agkasapulanak, ken nasugatan ti pusok iti kaun-gak.
| כי עני ואביון אנכי ולבי חלל בקרבי׃ |
23 Agpukpukawakon a kasla ti aniniwan iti rabii; naipalpalaisak a kasla dudon.
| כצל כנטותו נהלכתי ננערתי כארבה׃ |
24 Nakapuy dagiti tumengko gapu iti panagayunar; agbalbalinakon a kudil ken tulang.
| ברכי כשלו מצום ובשרי כחש משמן׃ |
25 Tinagtagibassitdak dagiti mangpabpabasol kaniak; agwingiwingda no makitadak.
| ואני הייתי חרפה להם יראוני יניעון ראשם׃ |
26 Tulongannak, O Yahweh a Diosko; isalakannak gapu iti kinapudnom iti tulagmo.
| עזרני יהוה אלהי הושיעני כחסדך׃ |
27 Maammoanda koma nga aramidmo daytoy, a sika O Yahweh, ti nangaramid iti daytoy.
| וידעו כי ידך זאת אתה יהוה עשיתה׃ |
28 Urayno ilunlunoddak, pangngaasim ta bendisionannak; inton dumarupda, maibabainda koma, ngem agrag-o koma ti adipenmo.
| יקללו המה ואתה תברך קמו ויבשו ועבדך ישמח׃ |
29 Makawesan koma iti bain dagiti kabusorko; iyarwatda koma a kas kagayda ti panagbainda.
| ילבשו שוטני כלמה ויעטו כמעיל בשתם׃ |
30 Iyebkasko babaen iti ngiwatko ti naindaklan a panagyamanko kenni Yahweh; idaydayawko isuna iti nagtetengngaan dagiti adu a tattao.
| אודה יהוה מאד בפי ובתוך רבים אהללנו׃ |
31 Ta agtakder isuna iti makannawan nga ima iti agkasapulan, tapno isalakanna isuna manipud kadagiti manguk-ukom kenkuana.
| כי יעמד לימין אביון להושיע משפטי נפשו׃ |
