Dagiti Proverbio 11

1 Kagurgura ni Yahweh ti nakaur a timbangan, ngem pakaragsakanna ti apag-isu a dagsen.

Le bilance false [sono] cosa abbominevole al Signore; Ma il peso giusto gli [è] cosa grata.

2 No rumsua ti panagpannakkel, umay met ti pannakaibabain, ngem iti kinapakumbaba umay ti kinasirib.

Venuta la superbia, viene l'ignominia; Ma la sapienza [è] con gli umili.

3 Ti kinamatalek dagiti nalinteg ti mangidalan kadakuada, ngem dagiti nakillo a wagwagas dagiti mangliliput ti mangdadael mismo kadakuada.

L'integrità degli [uomini] diritti li conduce; Ma la perversità de' disleali di distrugge.

4 Awan serserbina ti kinabaknang iti aldaw ti pungtot, ngem ti panagaramid iti nalinteg iyadayonaka iti patay.

Le ricchezze non gioveranno al giorno dell'indegnazione; Ma la giustizia riscoterà da morte.

5 Ti nalinteg nga aramid ti tao nga awan pakapilawanna ti mangpalinteg iti dalanna, ngem madadaelto dagiti nadangkes gapu iti bukodda a kinadangkes.

La giustizia dell'[uomo] intiero addirizza la via di esso; Ma l'empio caderà per la sua empietà.

6 Ti umno nga ugali dagiti mangay-ayo iti Dios ti mangpatalinaed kadakuada a natalged, ngem mapalab-ogan dagiti mangliliput babaen kadagiti kalikagumda.

La giustizia degli [uomini] diritti li riscoterà; Ma i disleali saranno presi per la lor propria malizia.

7 No adda matay a tao a nadangkes, agpukaw ti namnamana, ket awanto ti pagturongan ti namnama nga adda iti bilegna.

Quando l'uomo empio muore, la sua aspettazione perisce; E la speranza [ch'egli aveva concepita] delle [sue] forze è perduta.

8 Ti agar-aramid iti nalinteg ket maiyadayo iti riribuk, ketdi, dumteng daytoy kadagiti nadangkes.

Il giusto è tratto fuor di distretta; Ma l'empio viene in luogo suo.

9 Babaen iti ngiwatna, dadaelen ti tao nga awanan iti dios ti kaarrubana, ngem babaen iti pannakaammo ket agtalinaed a natalged dagiti agar-aramid iti nalinteg.

L'ipocrito corrompe il suo prossimo con la [sua] bocca; Ma i giusti [ne] son liberati per conoscimento.

10 No rumang-ay dagiti agar-aramid iti nalinteg, agrag-o ti siudad; no mapukaw dagiti nadangkes, adda panagdirdir-i.

La città festeggia del bene de' giusti; Ma [vi è] giubilo quando gli empi periscono.

11 Babaen kadagiti nasasayaat a sagut dagiti mangay-ayo iti Dios, maidayaw ti siudad; gapu iti ngiwat dagiti nadangkes, marba ti siudad.

La città è innalzata per la benedizione degli [uomini] diritti; Ma è sovvertita per la bocca degli empi.

12 Awan ammo ti tao a manglais iti gayyemna, ngem naulimek ti tao nga addaan pannakaawat.

Chi sprezza il suo prossimo [è] privo di senno; Ma l'uomo prudente tace.

13 Ti siasinoman a mapmapan mangperperdi ket agipalpalgak kadagiti palimed, ngem ti napudno a tao ket saluadanna ti palimed.

Colui che va sparlando palesa il segreto; Ma chi è leale di spirito cela la cosa.

14 No awan ti nasirib a panangidalan, madadael ti nasion, ngem umay ti panagballigi babaen iti panangiyuman kadagiti adu a mammagbaga.

Il popolo cade in ruina dove non [son] consigli; Ma [vi è] salute in moltitudine di consiglieri.

15 Siasinoman a mangpatalged iti utang ti ganggannaet ket sigurado nga agsagabanto, ngem natalged ti tao a kagurgurana ti agkari babaen iti kasta.

L'uomo certamente sofferirà del male, se fa sicurtà per lo strano; Ma chi odia i mallevadori [è] sicuro.

16 Ti naparabur a babai, magun-odna ti pammadayaw, ngem dagiti naulpit a tattao, petpetpetanda ti kinabaknang.

La donna graziosa otterrà gloria, Come i possenti ottengono ricchezze.

17 Ti naasi a tao gunggunaanna ti bagina, ngem ti naulpit a tao saksaktanna ti bagina.

L'uomo benigno fa bene a sè stesso; Ma il crudele conturba la sua [propria] carne.

18 Agulbod ti nadangkes a tao tapno magun-odna ti gunggunana, ngem ti tao nga agmula iti umno ket apitenna ti supapak ti kinapudno.

L'empio fa un'opera fallace; Ma [vi è] un premio sicuro per colui che semina giustizia.

19 Ti napudno a tao nga agar-aramid iti umno ket agbiag, ngem ti tao a mangkamkamat iti kinadakes ket matay.

Così [è] la giustizia a vita, Come chi procaccia il male lo procaccia alla sua morte.

20 Kagurgura ni Yahweh dagiti dakes ti pusoda, ngem pakaragsakanna dagiti tattao nga awan pakababalawan dagiti wagwagasda.

I perversi di cuore [sono] un abbominio al Signore; Ma quelli che sono intieri di via [son] ciò che gli è grato.

21 Sigurado daytoy—madusanto dagiti nadangkes a tattao, ngem natalgedto dagiti kaputotan dagiti agar-aramid iti umno.

Il malvagio d'ora in ora non resterà impunito; Ma la progenie de' giusti scamperà.

22 Kasla aritus a balitok iti subsob ti baboy ti napintas a babai nga awanan pannakaawat.

Una donna bella, ma scema di senno, [È] un monile d'oro nel grifo d'un porco.

23 Dagiti tarigagay dagiti agaramid iti umno ket agbanag a nasayaat, ngem pungtot laeng ti manamnama dagiti nadangkes a tattao.

Il desiderio de' giusti non [è] altro che bene; [Ma] la speranza degli empi [è] indegnazione.

24 Adda maysa a tao a managmula iti bukel— ad-addunto pay ti maapitna; adda met sabali saan a managmula, pumanglaw isuna.

Vi è tale che spande, e pur vie più diventa ricco; E tale che risparmia oltre al diritto, e [pur] ne diventa sempre più povero.

25 Ti naparabur a tao ket rumang-ay, ken ti tao a manangted iti danum iti sabali ket maaddanto iti danum a para iti bagina.

La persona liberale sarà ingrassata; E chi annaffia sarà anch'esso annaffiato.

26 Ilunodto dagiti tattao ti tao nga agkedked nga aglako iti bukel, ngem mabalangatan iti nasasayaat a sagsagut ti ulo ti tao nga agilaklako iti daytoy.

Il popolo maledirà chi serra il grano; Ma benedizione [sarà] sopra il capo di chi [lo] vende.

27 Ti tao a napasnek nga agbiruk iti kinaimbag ket makasarak pay iti parabur, ngem ti tao a mangsapsapul iti dakes ket masarakannanto ti dakes.

Chi cerca il bene procaccia benevolenza; Ma il male avverrà a chi lo cerca.

28 Madadael dagiti agtalek kadagiti kinabaknangda, ngem kas iti bulong ket lumangto dagiti agar-aramid iti umno.

Chi si confida nelle sue ricchezze caderà; Ma i giusti germoglieranno a guisa di frondi.

29 Ti tao a mangmangyeg iti riribuk iti balayna ket agtawiddanto iti angin, ken ti maag ket agbalinto nga adipen ti tao a nasirib.

Chi dissipa la sua casa possederà del vento; E lo stolto [sarà] servo a chi è savio di cuore.

30 Dagiti agar-aramid iti umno ket kaslanto iti kayo ti biag, ngem ti kinaranggas ket ik-ikkatenna ti biag.

Il frutto del giusto [è] un albero di vita; E il savio prende le anime.

31 No dagiti agar-aramid iti umno ket aw-awatenda ti maiparbeng kadakuada, kasta met ngarud ti nadangkes ken ti managbasol!

Ecco, il giusto riceve la sua retribuzione in terra; Quanto più [la riceverà] l'empio e il peccatore?