Dagiti Proverbio 11

1 Kagurgura ni Yahweh ti nakaur a timbangan, ngem pakaragsakanna ti apag-isu a dagsen.

מאזני מרמה תועבת יהוה ואבן שלמה רצונו׃

2 No rumsua ti panagpannakkel, umay met ti pannakaibabain, ngem iti kinapakumbaba umay ti kinasirib.

בא זדון ויבא קלון ואת צנועים חכמה׃

3 Ti kinamatalek dagiti nalinteg ti mangidalan kadakuada, ngem dagiti nakillo a wagwagas dagiti mangliliput ti mangdadael mismo kadakuada.

תמת ישרים תנחם וסלף בוגדים ושדם׃

4 Awan serserbina ti kinabaknang iti aldaw ti pungtot, ngem ti panagaramid iti nalinteg iyadayonaka iti patay.

לא יועיל הון ביום עברה וצדקה תציל ממות׃

5 Ti nalinteg nga aramid ti tao nga awan pakapilawanna ti mangpalinteg iti dalanna, ngem madadaelto dagiti nadangkes gapu iti bukodda a kinadangkes.

צדקת תמים תישר דרכו וברשעתו יפל רשע׃

6 Ti umno nga ugali dagiti mangay-ayo iti Dios ti mangpatalinaed kadakuada a natalged, ngem mapalab-ogan dagiti mangliliput babaen kadagiti kalikagumda.

צדקת ישרים תצילם ובהות בגדים ילכדו׃

7 No adda matay a tao a nadangkes, agpukaw ti namnamana, ket awanto ti pagturongan ti namnama nga adda iti bilegna.

במות אדם רשע תאבד תקוה ותוחלת אונים אבדה׃

8 Ti agar-aramid iti nalinteg ket maiyadayo iti riribuk, ketdi, dumteng daytoy kadagiti nadangkes.

צדיק מצרה נחלץ ויבא רשע תחתיו׃

9 Babaen iti ngiwatna, dadaelen ti tao nga awanan iti dios ti kaarrubana, ngem babaen iti pannakaammo ket agtalinaed a natalged dagiti agar-aramid iti nalinteg.

בפה חנף ישחת רעהו ובדעת צדיקים יחלצו׃

10 No rumang-ay dagiti agar-aramid iti nalinteg, agrag-o ti siudad; no mapukaw dagiti nadangkes, adda panagdirdir-i.

בטוב צדיקים תעלץ קריה ובאבד רשעים רנה׃

11 Babaen kadagiti nasasayaat a sagut dagiti mangay-ayo iti Dios, maidayaw ti siudad; gapu iti ngiwat dagiti nadangkes, marba ti siudad.

בברכת ישרים תרום קרת ובפי רשעים תהרס׃

12 Awan ammo ti tao a manglais iti gayyemna, ngem naulimek ti tao nga addaan pannakaawat.

בז לרעהו חסר לב ואיש תבונות יחריש׃

13 Ti siasinoman a mapmapan mangperperdi ket agipalpalgak kadagiti palimed, ngem ti napudno a tao ket saluadanna ti palimed.

הולך רכיל מגלה סוד ונאמן רוח מכסה דבר׃

14 No awan ti nasirib a panangidalan, madadael ti nasion, ngem umay ti panagballigi babaen iti panangiyuman kadagiti adu a mammagbaga.

באין תחבלות יפל עם ותשועה ברב יועץ׃

15 Siasinoman a mangpatalged iti utang ti ganggannaet ket sigurado nga agsagabanto, ngem natalged ti tao a kagurgurana ti agkari babaen iti kasta.

רע ירוע כי ערב זר ושנא תקעים בוטח׃

16 Ti naparabur a babai, magun-odna ti pammadayaw, ngem dagiti naulpit a tattao, petpetpetanda ti kinabaknang.

אשת חן תתמך כבוד ועריצים יתמכו עשר׃

17 Ti naasi a tao gunggunaanna ti bagina, ngem ti naulpit a tao saksaktanna ti bagina.

גמל נפשו איש חסד ועכר שארו אכזרי׃

18 Agulbod ti nadangkes a tao tapno magun-odna ti gunggunana, ngem ti tao nga agmula iti umno ket apitenna ti supapak ti kinapudno.

רשע עשה פעלת שקר וזרע צדקה שכר אמת׃

19 Ti napudno a tao nga agar-aramid iti umno ket agbiag, ngem ti tao a mangkamkamat iti kinadakes ket matay.

כן צדקה לחיים ומרדף רעה למותו׃

20 Kagurgura ni Yahweh dagiti dakes ti pusoda, ngem pakaragsakanna dagiti tattao nga awan pakababalawan dagiti wagwagasda.

תועבת יהוה עקשי לב ורצונו תמימי דרך׃

21 Sigurado daytoy—madusanto dagiti nadangkes a tattao, ngem natalgedto dagiti kaputotan dagiti agar-aramid iti umno.

יד ליד לא ינקה רע וזרע צדיקים נמלט׃

22 Kasla aritus a balitok iti subsob ti baboy ti napintas a babai nga awanan pannakaawat.

נזם זהב באף חזיר אשה יפה וסרת טעם׃

23 Dagiti tarigagay dagiti agaramid iti umno ket agbanag a nasayaat, ngem pungtot laeng ti manamnama dagiti nadangkes a tattao.

תאות צדיקים אך טוב תקות רשעים עברה׃

24 Adda maysa a tao a managmula iti bukel— ad-addunto pay ti maapitna; adda met sabali saan a managmula, pumanglaw isuna.

יש מפזר ונוסף עוד וחושך מישר אך למחסור׃

25 Ti naparabur a tao ket rumang-ay, ken ti tao a manangted iti danum iti sabali ket maaddanto iti danum a para iti bagina.

נפש ברכה תדשן ומרוה גם הוא יורא׃

26 Ilunodto dagiti tattao ti tao nga agkedked nga aglako iti bukel, ngem mabalangatan iti nasasayaat a sagsagut ti ulo ti tao nga agilaklako iti daytoy.

מנע בר יקבהו לאום וברכה לראש משביר׃

27 Ti tao a napasnek nga agbiruk iti kinaimbag ket makasarak pay iti parabur, ngem ti tao a mangsapsapul iti dakes ket masarakannanto ti dakes.

שחר טוב יבקש רצון ודרש רעה תבואנו׃

28 Madadael dagiti agtalek kadagiti kinabaknangda, ngem kas iti bulong ket lumangto dagiti agar-aramid iti umno.

בוטח בעשרו הוא יפל וכעלה צדיקים יפרחו׃

29 Ti tao a mangmangyeg iti riribuk iti balayna ket agtawiddanto iti angin, ken ti maag ket agbalinto nga adipen ti tao a nasirib.

עוכר ביתו ינחל רוח ועבד אויל לחכם לב׃

30 Dagiti agar-aramid iti umno ket kaslanto iti kayo ti biag, ngem ti kinaranggas ket ik-ikkatenna ti biag.

פרי צדיק עץ חיים ולקח נפשות חכם׃

31 No dagiti agar-aramid iti umno ket aw-awatenda ti maiparbeng kadakuada, kasta met ngarud ti nadangkes ken ti managbasol!

הן צדיק בארץ ישלם אף כי רשע וחוטא׃