Job 39
1 Ammom kadi ti tiempo a panangipasngay dagiti atap a kalding kadagiti annakda kadagiti kabatbatoan? Makitam kadi ti panagipasngay dagiti ugsa kadagiti urbonda?
| הידעת עת לדת יעלי סלע חלל אילות תשמר׃ |
2 Mabilangmo kadi ti bulan a panagsikogda? Ammom kadi ti tiempo ti panangispasngayda kadagiti urbonda?
| תספר ירחים תמלאנה וידעת עת לדתנה׃ |
3 Agrukobda ket ipasngayda ti urbonda, ken kalpasanna, malpasen ti rigat ti panaganakda.
| תכרענה ילדיהן תפלחנה חבליהם תשלחנה׃ |
4 Pumigsa ken dumakkel dagiti urbonda kadagiti tay-ak; pumanawda ket saandan nga agsubli pay.
| יחלמו בניהם ירבו בבר יצאו ולא שבו למו׃ |
5 Siasino ti nangibulos iti atap nga asno? Siasino ti nangwarwar kadagiti tali ti atap nga asno,
| מי שלח פרא חפשי ומסרות ערוד מי פתח׃ |
6 a ti pagtaenganna ket inaramidko idiay Arabah, ti balayna idiay naapgad a daga?
| אשר שמתי ערבה ביתו ומשכנותיו מלחה׃ |
7 Katkatawaanna a lalaisen dagiti arimbangaw iti siudad; saanna a mangmangngeg ti pukkaw dagiti mangiturturong.
| ישחק להמון קריה תשאות נוגש לא ישמע׃ |
8 Agsursursor isuna kadagiti banbantay a kas pagarabanna; agbirbirok isuna sadiay kadagiti nalangto a ruot nga arabenda.
| יתור הרים מרעהו ואחר כל ירוק ידרוש׃ |
9 Maragsakanto kadi ti atap a baka nga agserbi kenka? Umannugotto kadi daytoy nga agtalinaed iti kulluongmo?
| היאבה רים עבדך אם ילין על אבוסך׃ |
10 Babaen iti maysa a tali, maiturongmo kadi ti atap a baka a mangarado kadagiti aradoen? Aradoenna kadi dagiti tanap para kenka?
| התקשר רים בתלם עבתו אם ישדד עמקים אחריך׃ |
11 Pagtalkam kadi isuna gapu ta kasta unay ti pigsana? Ibatim kadi ti trabahom kenkuana nga aramidenna?
| התבטח בו כי רב כחו ותעזב אליו יגיעך׃ |
12 Agtalekka kadi kenkuana a mangipan iti trigom iti pangtaengam, a mangummong kadagiti trigo iti paggirikam?
| התאמין בו כי ישוב זרעך וגרנך יאסף׃ |
13 Sitatangsit nga agpayakpak dagiti payyak dagiti abestrus, ngem isuda kadi dagiti dadakkel a dutdot ken babassit a dutdot ti ayat?
| כנף רננים נעלסה אם אברה חסידה ונצה׃ |
14 Ta ibatbatina dagiti itlogna iti daga, ken baybay-anna ida a mapudpudotan iti tapok;
| כי תעזב לארץ בציה ועל עפר תחמם׃ |
15 malipatanna nga amangan no mapayatan dagitoy ket marumekda wenno amangan no mabaddekkan dagitoy dagiti narungsot nga ayup.
| ותשכח כי רגל תזורה וחית השדה תדושה׃ |
16 Naranggas isuna kadagiti piyyekna a kasla saanna ida a piyyek; saan a mabuteng isuna nga amangan no maawanan ti serbi ti nagbannoganna,
| הקשיח בניה ללא לה לריק יגיעה בלי פחד׃ |
17 gapu ta inikkat ti Dios kenkuana ti sirib ken saanna nga inikkan isuna iti pannakaawat.
| כי השה אלוה חכמה ולא חלק לה בבינה׃ |
18 No tumaray isuna a sipapartak, katkatawaanna a lalaisen ti kabalyo ken ti nakasakay iti daytoy.
| כעת במרום תמריא תשחק לסוס ולרכבו׃ |
19 Intedmo kadi iti kabalio ti pigsana? Binaduam kadi ti tengngedna iti buok nga agallo-allon?
| התתן לסוס גבורה התלביש צוארו רעמה׃ |
20 Napalagtom kadi isunan a kasla dudon? Nakabutbuteng ti kinapigsa ti panagbang-esna.
| התרעישנו כארבה הוד נחרו אימה׃ |
21 Sipipigsa a mangkurob ken agragrag-o isuna iti pigsanna; agdardaras isuna a mangsabat kadagiti igam.
| יחפרו בעמק וישיש בכח יצא לקראת נשק׃ |
22 Um-umsienna ti buteng ken saan isuna a maupay; saanna a taltallikudan ti kampilan.
| ישחק לפחד ולא יחת ולא ישוב מפני חרב׃ |
23 Kumalangiking ti kaluban a maitupatupa iti sikiganna, agraman dagiti sumilapsilap a gayang ken pika.
| עליו תרנה אשפה להב חנית וכידון׃ |
24 Tiltilmonenna ti daga babaen iti kinarungsot ken pungtot; saan isuna a makatalna iti panaguni ti trumpeta.
| ברעש ורגז יגמא ארץ ולא יאמין כי קול שופר׃ |
25 Tunggal aguni dagiti trumpeta, kunkunaenna, 'Aha!' Maang-angotna ti gubat iti adayo—-dagiti umarimbangaw a pukkaw dagiti opisial ken dagiti ikkis.
| בדי שפר יאמר האח ומרחוק יריח מלחמה רעם שרים ותרועה׃ |
26 Babaen kadi iti siribmo nga agampayag ti kali, nga iyunnatna dagiti payyakna para iti abagatan?
| המבינתך יאבר נץ יפרש כנפו לתימן׃ |
27 Gapu kadi kadagiti bilinmo isu a tumayab ken agumok ti agila kadagiti nangato a lugar?
| אם על פיך יגביה נשר וכי ירים קנו׃ |
28 Agnanaed isuna kadagiti rangkis ken ar-aramidenna ti pagtaengana kadagiti tuktok dagiti rangkis, a maysa a sarikedked?
| סלע ישכן ויתלנן על שן סלע ומצודה׃ |
29 Manipud sadiay agbirbirok isuna iti sippayutenna; makitana dagitoy manipud iti adayo.
| משם חפר אכל למרחוק עיניו יביטו׃ |
30 Uminum met dagiti piyyekna iti dara; no sadino ti ayan dagiti napapatay a tattao, adda isuna sadiay.”
| ואפרחו יעלעו דם ובאשר חללים שם הוא׃ |
