Isaias 59
1 Kitaenyo! Dakayo nga Israelita, saan a naababa ti ima ni Yahweh tapno saan a makaisalakan; wenno saan a tuleng ti lapayagna tapno saan a makangngeg.
耶和華的膀臂並非縮短，不能拯救， 耳朵並非發沉，不能聽見，
2 Nupay kasta, ti kinamanagbasolyo nga Israelita ket isu ti nangisina kadakayo manipud iti Diosyo, ken gapu kadagiti basolyo ket tinallikudannakayo ken saannakayo a dinengngeg.
但你們的罪孽使你們與上帝隔絕； 你們的罪惡使他掩面不聽你們。
3 Ta dagiti imayo ket namantsaan iti dara kasta met dagiti ramayyo ket namantsaan iti basol. Agsasao dagiti bibigyo iti inuulbod ken agkakadakes ti ibalbalikas ti dilayo.
因你們的手被血沾染， 你們的指頭被罪孽沾污， 你們的嘴唇說謊言， 你們的舌頭出惡語。
4 Awan iti agar-aramid iti nalinteg, ken awan iti mangikalkalintegan iti kasasaadna iti kinapudno. Agtaltalekda iti ubbaw a sasao, ken inuulbod ti ibagbagada; isikogda ti riribuk ket impasngayda ti basol.
無一人按公義告狀， 無一人憑誠實辯白； 都倚靠虛妄，說謊言。 所懷的是毒害； 所生的是罪孽。
5 Pagpissaenda dagiti itlog ti nagita nga uleg ken lagaenda ti sapot ti lawwalawwa. Siasinoman a mangan kadagiti itlogda ket matay, ken no adda mabittak nga itlog, rummuar ti nagita nga uleg.
他們菢毒蛇蛋， 結蜘蛛網； 人吃這蛋必死。 這蛋被踏，必出蝮蛇。
6 Saan a mabalin nga aramiden a lupot dagiti sapotda, ken saanda a mabalin a lengdan dagiti bagbagida kadagiti trabahoda. Dagiti trabahoda ket trabaho ti kinadakes, ken aramid ti kinaranggas ti adda kadagiti imada.
所結的網不能成為衣服； 所做的也不能遮蓋自己。 他們的行為都是罪孽； 手所做的都是強暴。
7 Tartarayenda ti kinadakes, ket agtarayda tapno mangpasayasayda iti dara iti awan basolna. Dagiti kapanunotanda ket dakes a kapanunotan; kinaranggas ken pannakadadael ti pagpagnaanda a kalsada.
他們的腳奔跑行惡； 他們急速流無辜人的血； 意念都是罪孽， 所經過的路都荒涼毀滅。
8 Saanda nga ammo ti dalan ti kappia, ken awan iti hustisia kadagiti dalanda. Nagaramidda kadagiti killo a dalan; siasinoman nga agdaliasat kadagitoy a dalan ket saanna nga ammo ti kappia.
平安的路，他們不知道； 所行的事沒有公平。 他們為自己修彎曲的路； 凡行此路的都不知道平安。
9 Isu nga adayo kadakami ti hustisia, uray ti kinalinteg ket saan a dimmanon kadakami. Agur-uraykami iti lawag, ngem kinasipnget ti makitami; sapsapulenmi ti kinaraniag, ngem magmagnakami iti kasipngetan.
因此，公平離我們遠， 公義追不上我們。 我們指望光亮，卻是黑暗， 指望光明，卻行幽暗。
10 Ar-arikapenmi ti pader a kas iti bulsek, kas kadagiti saan a makakita. Maitubtublakkami iti tengnga ti aldaw nga arigna't sumipngeten; kadagiti napipigsa, kasla kami la natay a tattao.
我們摸索牆壁，好像瞎子； 我們摸索，如同無目之人。 我們晌午絆腳，如在黃昏一樣； 我們在肥壯人中，像死人一般。
11 Agngerngerngerkami a kas kadagiti oso ken umas-asugkami a kas kadagiti kalapati; agur-uraykami para iti hustisia, ngem awan; agur-uraykami iti mangispal, ngem adayo daytoy kadakami.
我們咆哮如熊， 哀鳴如鴿； 指望公平，卻是沒有； 指望救恩，卻遠離我們。
12 Ta dagiti adu a nagbasolanmi ket adda iti sangoanam, ken mangpaneknek dagiti basolmi maibusor kadakami; ta nagbasolkami, ket bigbigenmi dagiti basbasolmi.
我們的過犯在你面前增多， 罪惡作見證告我們； 過犯與我們同在。 至於我們的罪孽，我們都知道：
13 Nagsukirkami, inliblibakmi ni Yahweh ken immadayokami iti panangsurot iti Diosmi. Nangidadaneskami iti panagsaomi ket pasig nga ulbod ti adda iti pusomi ket inuulbod dagiti sasaomi.
就是悖逆、不認識耶和華， 轉去不跟從我們的上帝， 說欺壓和叛逆的話， 心懷謊言，隨即說出。
14 Nabaliktad ti hustisia, ket adayo ti ayan iti kinalinteg; ta naitublak ti kinapudno iti paguummongan a disso, ket saan a makagteng ti husto.
並且公平轉而退後， 公義站在遠處； 誠實在街上仆倒， 正直也不得進入。
15 Napukawen ti kinamatalek, ken ti tao a nagsardengen nga agar-aramid iti dakes ket pinagbalinna a biktima ti bagina. Nakita ni Yahweh daytoy ket saan isuna a naragsakan nga awan iti hustisia.
誠實少見； 離惡的人反成掠物。 那時，耶和華看見沒有公平， 甚不喜悅。
16 Nakita ni Yahweh nga awan ti uray maysa a tao a timmulong ket nasdaaw isuna. Ngarud, isuna a mismo ti nangisalakan kenkuana, ket pinagballigi isuna iti kinalintegna.
他見無人拯救， 無人代求，甚為詫異， 就用自己的膀臂施行拯救， 以公義扶持自己。
17 Insuotna ti kinalinteg a kas kabal ken inkabilna iti ulona ti helmet ti pannakaisalakan. Kinawesanna ti bagina kadagiti pagan-anay iti panagibales ken insuotna ti tatak a kas iti maysa a nagayad a lupot.
他以公義為鎧甲， 以拯救為頭盔， 以報仇為衣服， 以熱心為外袍。
18 Sinupapakanna ida segun iti inaramidda, naunget a panangikeddeng kadagiti kabusorna, panangibales kadagiti kabusorna, ti pannakadusa kadagiti isla a kas gunggonada.
他必按人的行為施報， 惱怒他的敵人， 報復他的仇敵， 向眾海島施行報應。
19 Isu nga agbutengdanto iti nagan ni Yahweh manipud iti laud, ken iti dayagna manipud iti pagsingsingisingan ti init; ta umayto isuna a kasla iti napegges a waig, nga iturturong ti anges ni Yahweh.
如此，人從日落之處必敬畏耶和華的名， 從日出之地也必敬畏他的榮耀； 因為仇敵好像急流的河水沖來， 是耶和華之氣所驅逐的。
20 “Umayto ti mannubbot idiay Sion ken umayto isuna para kadagiti kaputotan ni Jacob a nangtallikud kadagiti kinasukirda — kastoy ti pakaammo ni Yahweh.
必有一位救贖主來到錫安－ 雅各族中轉離過犯的人那裏。 這是耶和華說的。
21 Ket para kaniak, daytoy ti katulagak kadakuada — kuna ni Yahweh — ti espirituk nga adda kadakayo, ken dagiti sasaok nga inkabilko kadagiti ngiwatyo, ket saanto a maikkat kadagiti ngiwatyo wenno rummuar manipud kadagiti ngiwat dagiti annakyo, wenno rummuar manipud kadagiti ngiwat ti appokoyo manipud ita ken iti agnanayon, kuna ni Yahweh.”
耶和華說：「至於我與他們所立的約乃是這樣：我加給你的靈，傳給你的話，必不離你的口，也不離你後裔與你後裔之後裔的口，從今直到永遠；這是耶和華說的。」
