תהילים 89
| משכיל לאיתן האזרחי חסדי יהוה עולם אשירה לדר ודר אודיע אמונתך בפי׃ | 1 |
Abụ maskil nke Etan, onye Ezra. Aga m abụ abụ banyere oke ịhụnanya Onyenwe anyị ruo mgbe ebighị ebi; aga m eji ọnụ m mee ka ọgbọ niile mara maka ikwesi ntụkwasị obi gị.
| כי אמרתי עולם חסד יבנה שמים תכן אמונתך בהם׃ | 2 |
Aga m ekwupụta na ịhụnanya gị na-adịgide ruo mgbe ebighị ebi; na i mere ka ikwesi ntụkwasị obi gị, guzosie ike nʼeluigwe.
| כרתי ברית לבחירי נשבעתי לדוד עבדי׃ | 3 |
Onyenwe anyị sịrị, “Mụ na onye m họpụtara agbaala ndụ. Aṅụọkwala m iyi nye ohu m Devid sị,
| עד עולם אכין זרעך ובניתי לדר ודור כסאך סלה׃ | 4 |
‘Aga m eme ka agbụrụ gị guzosie ike ruo mgbe ebighị ebi meekwa ka ocheeze gị dịgide ruo ọgbọ niile.’” (Sela)
| ויודו שמים פלאך יהוה אף אמונתך בקהל קדשים׃ | 5 |
O Onyenwe anyị, eluigwe na-eto ọrụ ebube gị niile, na ikwesi ntụkwasị obi gị, nʼetiti nzukọ ndị dị nsọ.
| כי מי בשחק יערך ליהוה ידמה ליהוה בבני אלים׃ | 6 |
Nʼihi, ọ bụ onye nʼeluigwe niile, ka a ga-eji tụnyere Onyenwe anyị? Onye yiri Onyenwe anyị nʼetiti ndị mmụọ ozi niile?
| אל נערץ בסוד קדשים רבה ונורא על כל סביביו׃ | 7 |
Na nzukọ ndị nsọ, Chineke bụ onye a na-atụ oke egwu; ọ dị oke egwu karịa ndị niile gbara ya gburugburu.
| יהוה אלהי צבאות מי כמוך חסין יה ואמונתך סביבותיך׃ | 8 |
O Onyenwe anyị Chineke Onye pụrụ ime ihe niile, onye dịka gị? Gị, O Onyenwe anyị, dị ike nke ukwuu, ikwesi ntụkwasị obi gị na-agba gị gburugburu.
| אתה מושל בגאות הים בשוא גליו אתה תשבחם׃ | 9 |
Ị na-achị osimiri nke ji ike na-asọ; mgbe ebili mmiri ya na-amali elu; i na-eme ka ha dajụọ.
| אתה דכאת כחלל רהב בזרוע עזך פזרת אויביך׃ | 10 |
Ị zọpịara Rehab dịka otu nʼime ndị ahụ e gburu egbu; jiri aka gị dị ike chụsasịa ndị iro gị.
| לך שמים אף לך ארץ תבל ומלאה אתה יסדתם׃ | 11 |
Ọ bụ gị nwe eluigwe; gị nwekwa ụwa, ọ bụ gị tọrọ ntọala elu ụwa dum, na ihe niile dị nʼime ya.
| צפון וימין אתה בראתם תבור וחרמון בשמך ירננו׃ | 12 |
Ọ bụ gị kere ugwu na ndịda; Taboa na Hemon na-abụ abụ ọṅụ nʼihi aha gị.
| לך זרוע עם גבורה תעז ידך תרום ימינך׃ | 13 |
Aka gị ka e mejupụtara nʼike; aka gị dị ike, a na-ebuli aka nri gị elu.
| צדק ומשפט מכון כסאך חסד ואמת יקדמו פניך׃ | 14 |
Ezi omume na ikpe ziri ezi, bụ ntọala ocheeze gị; ịhụnanya na ikwesi ntụkwasị obi, na-aga nʼihu gị.
| אשרי העם יודעי תרועה יהוה באור פניך יהלכון׃ | 15 |
Ndị a gọziri agọzi ka ndị ahụ bụ ndị na-eji olu iti mkpu ọṅụ na-abụku gị abụ, ndị na-ejegharịkwa nʼìhè nke ihu gị, O Onyenwe anyị.
| בשמך יגילון כל היום ובצדקתך ירומו׃ | 16 |
Ha na-aṅụrị ọṅụ nʼaha gị ogologo ụbọchị niile; ha na-aṅụrị nʼezi omume gị.
| כי תפארת עזמו אתה וברצנך תרים קרננו׃ | 17 |
Nʼihi na ị bụ ebube na ike ha, site nʼihuọma gị, ị na-ebuli mpi anyị elu.
| כי ליהוה מגננו ולקדוש ישראל מלכנו׃ | 18 |
Nʼezie, ọta anyị bụ nke Onyenwe anyị, eze anyị bụkwa nke Onye nsọ Izrel.
| אז דברת בחזון לחסידיך ותאמר שויתי עזר על גבור הרימותי בחור מעם׃ | 19 |
I kwuru okwu otu mgbe site nʼọhụ, nye ndị gị kwesiri ntụkwasị obi sị: “Enyela m otu onye dị ike agha ike; Ebuliela m otu nwa okorobịa elu site nʼetiti ndị m.
| מצאתי דוד עבדי בשמן קדשי משחתיו׃ | 20 |
Achọtala m Devid ohu m, were mmanụ nsọ m tee ya.
| אשר ידי תכון עמו אף זרועי תאמצנו׃ | 21 |
Aka m ga-agba ya ume; nʼezie, aka m ga-eme ka ọ dị ike.
| לא ישא אויב בו ובן עולה לא יעננו׃ | 22 |
Ọ dịghị onye iro ga-abịakwasị ya, na mberede; ọ dịghị onye ajọ omume ga-emegbu ya.
| וכתותי מפניו צריו ומשנאיו אגוף׃ | 23 |
Aga m etigbu ndị iro ya niile nʼihu ya. Aga m emekwa ka ndị niile na-akpọ ya asị laa nʼiyi.
| ואמונתי וחסדי עמו ובשמי תרום קרנו׃ | 24 |
Ịhụnanya m kwesiri ntụkwasị obi ga-adịnyere ya, site nʼaha m, a ga-ebuli mpi ya elu.
| ושמתי בים ידו ובנהרות ימינו׃ | 25 |
M ga-edo aka ya nʼoke osimiri, dokwaa aka nri ya nʼosimiri niile.
| הוא יקראני אבי אתה אלי וצור ישועתי׃ | 26 |
Ọ ga-akpọ m sị m, ‘Ị bụ Nna m, bụrụkwa Chineke m, na oke Nkume nzọpụta m.’
| אף אני בכור אתנהו עליון למלכי ארץ׃ | 27 |
Aga m eme ya nwa mbụ m, onye kachasị dị elu nʼebe eze niile nke ụwa nọ.
| לעולם אשמור לו חסדי ובריתי נאמנת לו׃ | 28 |
Aga m eme ka ịhụnanya m nwere nʼebe ọ nọ dịgide ruo ebighị ebi, ọgbụgba ndụ mụ na ya ga-adịgidekwa.
| ושמתי לעד זרעו וכסאו כימי שמים׃ | 29 |
Aga m eme ka agbụrụ ya guzosie ike ruo mgbe ebighị ebi, ocheeze ya ga-adịgidekwa dịka eluigwe na-adịgide.
| אם יעזבו בניו תורתי ובמשפטי לא ילכון׃ | 30 |
“Ọ bụrụ na ụmụ ya elefuo iwu m niile anya, gharakwa ijegharị nʼụzọ m niile,
| אם חקתי יחללו ומצותי לא ישמרו׃ | 31 |
ọ bụrụ na ha elelịa ụkpụrụ m niile anya, hapụkwa idebe ihe m nyere ha nʼiwu,
| ופקדתי בשבט פשעם ובנגעים עונם׃ | 32 |
aga m eji mkpọrọ taa ha ahụhụ maka mmehie ha, tikwaa ha ụtarị maka njehie ha;
| וחסדי לא אפיר מעמו ולא אשקר באמונתי׃ | 33 |
ma agaghị m ewezuga ịhụnanya m, nʼebe ha nọ. Ma ọ bụ laa azụ nʼikwesị ntụkwasị obi m.
| לא אחלל בריתי ומוצא שפתי לא אשנה׃ | 34 |
Agaghị m emerụ ọgbụgba ndụ m. Agakwaghị m agbanwe ihe ọbụla siterela nʼọnụ m pụta.
| אחת נשבעתי בקדשי אם לדוד אכזב׃ | 35 |
Ejirila m ịdị nsọ m ṅụọ iyi, kpebie na m apụghị ịghara Devid ụgha,
| זרעו לעולם יהיה וכסאו כשמש נגדי׃ | 36 |
na agbụrụ ya ga-adịgide ruo mgbe ebighị ebi, ocheeze ya ga-adịgidekwa nʼihu m ka anyanwụ na-adịgide.
| כירח יכון עולם ועד בשחק נאמן סלה׃ | 37 |
Ọ ga-adịgide ruo ebighị ebi dịka ọnwa. E, dịka ọnwa ahụ, onye akaebe m kwesiri ntụkwasị obi na mbara eluigwe.” (Sela)
| ואתה זנחת ותמאס התעברת עם משיחך׃ | 38 |
Ma ị jụla, i werela nlelị jụkwa, i na-ewe iwe dị ukwu megide onye gị e tere mmanụ.
| נארתה ברית עבדך חללת לארץ נזרו׃ | 39 |
Ị jụla ọgbụgba ndụ gị na ohu gị gbara i merụọla okpueze ya nʼime ntụ dị nʼala.
| פרצת כל גדרתיו שמת מבצריו מחתה׃ | 40 |
Ị kụtuola mgbidi gbara ya gburugburu, i meela ka ebe ya niile e wusiri ike bụrụ ihe dapịara adapịa.
| שסהו כל עברי דרך היה חרפה לשכניו׃ | 41 |
Ndị niile si ụzọ ahụ na-agafe, ezuruchaala ihe niile o nwere. Ndị agbataobi ya na-akwakwa ya emo.
| הרימות ימין צריו השמחת כל אויביו׃ | 42 |
I meela ka aka nri ndị iro ya dị elu; mekwaa ka ndị iro ya ṅụrịa ọṅụ.
| אף תשיב צור חרבו ולא הקימתו במלחמה׃ | 43 |
I meela ka aka o ji jide mma agha ya sụọ ngọngọ, i nyereghị ya aka mgbe agha dara.
| השבת מטהרו וכסאו לארץ מגרתה׃ | 44 |
I meela ka ịma mma ya gwụsịa. Ị tụdakwala ocheeze ya nʼala.
| הקצרת ימי עלומיו העטית עליו בושה סלה׃ | 45 |
I meela ka ụbọchị ndụ nke okorobịa ya dị mkpụmkpụ. I ji ihere dịka akwa kpuchie ya.
| עד מה יהוה תסתר לנצח תבער כמו אש חמתך׃ | 46 |
Ruo ole mgbe Onyenwe anyị, ka ị ga-ezonarị onwe gị? Ruo ole mgbe ka iwe gị dị ukwuu ga-eregide dịka ọkụ?
| זכר אני מה חלד על מה שוא בראת כל בני אדם׃ | 47 |
Cheta, na ndụ m bụ ihe na-agafe ngwangwa. Nʼihi ihe efu gịnị ka i ji kee mmadụ niile!
| מי גבר יחיה ולא יראה מות ימלט נפשו מיד שאול סלה׃ (Sheol h7585) | 48 |
Olee onye ahụ nwere ike ịdị ndụ ghara ịhụ ọnwụ anya, maọbụ zọpụta onwe ya site nʼike nke ili? (Sela) (Sheol h7585)
| איה חסדיך הראשנים אדני נשבעת לדוד באמונתך׃ | 49 |
O Onyenwe anyị, olee ebe oke ịhụnanya mbụ dị, nke i sitere nʼikwesị ntụkwasị obi gị ṅụọrọ Devid nʼiyi?
| זכר אדני חרפת עבדיך שאתי בחיקי כל רבים עמים׃ | 50 |
Onyenwe m, cheta otu e si leda ndị ohu gị anya, otu m si anagide nʼime obi m ịchị ọchị niile nke ndị mba niile.
| אשר חרפו אויביך יהוה אשר חרפו עקבות משיחך׃ | 51 |
O Onyenwe anyị, ịchị ọchị nke ndị iro gị ji akwa m emo, nke ha ji lelịa nzọ ụkwụ niile nke onye gị i tere mmanụ.
| ברוך יהוה לעולם אמן ואמן׃ | 52 |
Otuto dịrị Onyenwe anyị ruo mgbe ebighị ebi.
